Gontzal Mendibil abeslariak Arizmendiarrietari, eskainitako musikala aurkeztuko dau bihar Markina-Xemeinen, berton bera jaio zala 108 urte beteten diran egunean.
Musikari eta abeslariak Radio Popular-Herri Irratian egin jakon alkarrizketan azaldu eban musikalaren ideia: “Nire musikaletan, pertsona zehatzak protagonista izatea gura izan dot beti, eta ez hainbeste gertaera orokorrak. Arrupe, Iparragirre, Gandiaga… eta kasu honetan, askorentzat ezezaguna dan erreferentea: Arizmendiarrieta, kooperatiben bultzatzailea”. Mendibilen ustez, bere mezuak “guztiz baliabarriak dira” gaur egun. Altarara goratzeko bidean dan abade bizkaitar honek gizarte zuzentasunaz, konpromisoaz, lankidetzaz…, jarduten eban, eta bere mezua oso baliotsua da abeslariaren ustetan. Honen haritik, musikalak abadearen bizitzaren ikuspuntu modernoa eskaintzen dau.
Ideia bururatu jakonean, Arrasatera joan eta Arizmendiarrietaren Adiskideen Alkarteagaz hartu-emonean jarri eta musikala prestatzeko asmoa ebala azaldu eutsen. Beranduago, abadea ezagutu eban hainbat lagunegaz egon zan eta behin betiko egitasmoa aurkeztu eban. Holan, beneragarriaren mezuak olerki eta abesti bihurtu ebazan. Lan itzela egin eban, hain zuzen be, pandemian eta emaitza, “Hazia” lana izan zan. Musikala estreinatu da hainbat lekutan, baina lehenengo aldiz antzeztuko da Markina-Xemeinen.
Partaideza zabala musikalean
Gontzal Mendibilegaz batera, 100 lagun inguruk parte hartuko dau musikalean, besteak beste, ´Goikobalu abesbatza´, `Easo eskolania´, Ohika Dantza musikariak´ taldeak izango dira oholtza gainean, eta hainbat aktorek antzeztuko ditu Arizmendiarrietaren bizitza eta lana.
Arizmendiarrietaren alderdi espiritualari buruzko liburua
On Joan Maria Uriarte Donostiako gotzain erretiratuak egin dau beneragarriaren alderdi espiritualari buruzko liburuaren hitzaurrea. Liburua eskuratu gura dauanak idatzi daiala mezua helbide honetara: arizmendiarrietaf@gmail.com
