24-05-2024 Viernes, VII semana - tiempo ordinario
Bizkeliza 5 Lehenengo Orrialdea 5 Somorrostro ikastegiaren egitasmoa Senegalen ortuak ureztatzeko
05.04.2024

Somorrostro ikastegiaren egitasmoa Senegalen ortuak ureztatzeko

Eleizbarrutiko ikastetxeak batzen dituan EBI sareko Somorrostro ikastegiko Energia Barriztagarriak irakasgaia ikasten diharduen ikasleek eguzkia eta haizea buztartzen dituan prototipoa egin dabe ura gezatzeko. Oinarrizko osagaiak eta energia barriztagarriak erabili dabez eta euren lan honegaz 30.000 biztanle baino gehiago batzen dabezan 30 herrixkez osatutako Senegaleko Gandiol landa-eremuko alkarteari lagunduko deutse.

Ez da Somorrostro ikastegiak Senegaleko Gandioleko alkarteari laguntzen deutsan lehenengo aldia. Orain dala hainbat urte emon ziran lehenengo urratsak Aminata kultur-etxearen –2015eko irailean Senegalen jasan eban trafiko-istripuz hil zan Nerea Perez-Arrospide Getxoko arkitektoaren omenez– egitasmoagaz batera.  Mamadou Dia senegaldarrak sortutako Hahatay (Irribarreak) alkartearen bidez sortu zan lankidetzarako aukera hau. 

Hahatay alkarteko laguntzaile dan Roberto Miguel Gamarra Somorrostro ikastegian joan dan kurtsoaren amaieran, Gandiolen ura gezatzeko ebezan zailtasunak ikasleei azalduz. Zerbait bakuna, mekanikoa, azpiegitura larregi bakoa eta eurek han erabilteko modukoa behar eben. Energia barriztagarriak irakasgaia ikasten ziharduen ikasleei egitasmoa garatzeko aukera emon jaken ziklo amaierako moduluan txertatuz, eta talde batek hori lantzen jardun izan dau azken hilabeteotan. 

Aurkezpena maiatzean

Datorren maiatzean, ikasleek prototipo hau aurkeztuko dabe. Honetan datza: putzutik ura atarateko bonba da, haize-energiaz bultzatuta (haize-errota eta Arkimedesen torlojua), ur hori eguzki-energiaz berotu egiten da, ur-lurruna sortzeko eta kondentsatutako ura ontzi baten batu eta ureztatzeko erabili ahal izateko.

En 2019, el proyecto “Reciclando con Hahatay” obtuvo el premio Cooperación al Desarrollo