Barriak
Etiquetado como: Eleizbarrutiko Pastoral Kontseilua
Elena Unzueta, Bizkaiko Caritaseko zuzendari barria
Elena Unzueta Torre izango da Bizkaiko Caritaseko zuzendari irailetik aurrera. Jatorriz Zallakoa dan soziologo hau Eleizbarrutiko Pastoral Kontseiluko kide da. Gaur egun eleiz erakundeko zuzendari dan Carlos Bargos Bilboko Gotzaitegiko Idazkaritza Nagusiaz eta Laikotzarako Idazkaritzako Zuzendaritzaz arduratuko da. Gaur egun Idazkari Nagusi dan Juan Manuel Seco, bere aldetik, …
Klaratarren eleiza eta Caritas Bizkaia erakundearen Etxepel zentroa, gizarte Jubileuan
Datorren zapatuz, apirilak 5, gizarte eta otoitz senez bikaritza guztiak zeharkatuko dituan erromesaldi "berezia" Durangora helduko da. "Gizarte Jubileu" hau Barakaldon hasi zan joan dan martxoaren 22an. Partaideek Caritas Bizkaia erakundeak kudeatzen dauan gizarte jantokia ezagutu eben. Oraingoan, klaratarren Durangoko eleizan emongo jako hasiera ekitaldiari goizeko 10:30etan erakundeak Durangaldean bizilekurik ez daukienei eskaintzen deutsen zerbitzua bisitatuko dabe erromesek. Azken otoitza, monjen eleizan ospatuko da 13:30etan.
Garizuma-aldian, erretiroak Bizkaiko bikaritzetan
Garizuma-aldian, hainbat batzar, erretiro, gogoetaedo txango egiten dihardue bikaritzetan. Aldi berean, eleizbarrutiko eleizkizun eta ospakizunetan, Liturgiarako ordezkaritzatik, Ebanjelizatzearen Eleizbarrutiko VI. Egitasmoaren sustapenerako taldetik edo Fede-zabalkunde eta Katekesirako ordezkaritzatik aurkeztutako lagungarriak erabilten dihardue.
Olerki-errezitaldia Mufungaren Adiskideak fundazinoaren alde
Nekaldiaren kofradiaren, Abandoko San Bizente Martiria parrokiaren eta Hego Berria taldearen laguntzagaz, Mufungaren Adiskideak fundazinoak kontzertua eta olerki-errezitaldia antolatu ditu. Ekitaldia datorren zapatuz, apirilak 5, izango da, 19:30etan, San Bizente eleizan, ondorengo honeek partaide dirala: Latrup hirukotea erdi aroko musikagaz; Voces La Buena Letra, Lope de Vega, Fray Luis de Leon, Calderon de la Barca, Blas de Otero, Antonio Machado, Lorca, Leon Felipe, Jesusen Teresa Donea, Gustavo Adolfo Becquer, Andrea Uña, eta abarren olerkiakaz. Euskal idazleen olerkiak eta Kongoko …
Eleizbarrutiko erromesaldia Erromara: "Pozez eta fedez betetako esperientzia"
Garizumako berbaldiak Miguel Angel Remirez misiolariaren eskutik Begoñan eta Lekeition
Gaur arratsaldeko 19:45etan, Filipinetan, Perun eta El Salvadorren misiolari izan dan Miguel Angel Remirezek Garizumako berbaldia eskainiko dau Begoñako basilikan. Datorren eguenez, apirilak 3, Lekeitioko basilikan izango da 19:00etan hasiko dan ekitaldian. Remirezek, ospatu barri dan eleizbarrutietako misinoen kanpainaren inguruan jardungo dau: "La Misión: compromiso y esperanza. Misioa: eginbide eta itxaropena"
Amatxuri eskaini jakon oinatza Alkarren Barri aldizkariaren azalean
Martxotik Begoñako basilikan dagoan eta Toño Valdivieso artistak margotu dauan lamina agertzen da Alkarren Barri aldizkariaren apirileko alearen azalean. Emakume Langilearen Nazinoarteko Egunari lotuta, Bilboko eleizbarrutiaren urteurreneko urte berezi honetan, zazpi urtez banan-banako oinatzak margotu dituan margolariak, artelan berezia sortu eban Begoñako basiliak betirako izteko. Kulturartekotasunari aurpegia jarri eutsan Daniela Areli Arriagak egin eban eskaintza ekitaldi nagusiaren bezperetan. Martxoaren 7an Bilbon ospatu zan ekitaldiaren laburpena jasote da 311. alean.
Otoitz eta bereizketarako eguna Gueñesen
Joan dan zapatuz, otoitz eta bereizketarako saioa izan zan Karitatearen Alaben Gueñeseko etxean. II. bikaritzako 18 lagunek parte hartu eben, tartean, parrokietako erreferenteak, pastoral arloetako arduradunak, abadeak eta lurraldeko bikarioa.
Angel Echevarria "gizon alai, baikor, argi eta zentzuduna" hil da
Joan dan zapatuz, martxoak 29, Angel Echeverria Franco eleizbarrutiko abadea hil zan Bilbon, 97 urte ebazala. Bere arimaren aldeko hileta-eleizkizuna gaur -astelehena- ospatuko da, 19:00etan, Begoñako basilkan
"Eleiza lotuz" ekitaldia ospatu zan atzo Gernikaldea Pastoral Barrutian
Atzo -martxoak 30, domeka- "Eleiza lotuz" jardueraren bosgarren ekitaldia ospatu zan Gernikaldea Pastoral Barrutian (PB), eguraldia lagun ebela eta barriro alkarteak eragindako pozagaz. Jarduera hau, "parrokia, lagun eta ilusinoak buztartzen dituan fedezko ibilbidea da". Familia, ume, gazte eta helduek San Bartolome parrokian ekin eutsen ibilbideari eta zubiz zubi eta kalez kale joan ziran Andra Maria eleizaraino eta handik San Frantzisko eleizaraino. Juan Reyero Gernikako abadearen esanetan, "plazan, jaia eta senidetasuna nagusitu ziran, josalak, dinamikak..., egin eta hamaiketakoa …
Giro ona Bilboko bikaritzetako "Bika egunean"
Atzo, "Bika eguna" osaptu zan Bilboko bikaritzetan (III-VII), gure eleizbarrutiaren 75. urteurretaren eta Jubileu urtearen barruan. 10 eta 18 urte bitarteko gaztetxo eta gazteak alkartu ziran eta egunari hasiera emoteko Eukaristia ospatu eben Abandoko San Bizente Martiria parrokian.