Barriak
Etiquetado como: Langile Pastoraltza
Minutuko isilunea, laneko ezbeharren biktimen alde
"Lana bizigai. Gizalegezko lana - Lan osasungarria" goiburuaren haritik ospatuko da datorren domekaz, apirilak 23, Gizalegezko Lanaren aldeko Eleizbarrutiko III. Eguna, lanean biziaren zaintza nahitaezkoa dala nabarmenduz. Langile Pastoraltzak, egun hau dala-eta, Eukaristien ostean, eleizen aurrealdean, laneko ezbeharren biktimen aldeko "alkartasun zeinua" egitea …
Eleizbarrutiak erregai fosilak ez ugaritzeko hitzarmenari babesa emon deutso
"Kreazinoaren aroa 2024" deitutako ekimenaren barruan, irailaren 21ean hasi ziran Fede gutuna ezagutzera emoten eta babesten. erregai fosilak ez ugaltzeko hitzarmena garatzeko eskatzen jake garapen bidean dagozan herrialdeei. Gehiago jakiteko: hemen.
17 erakundek parte hartu dabe gaur, Boluntarioen lanari buruzko azokan, BAMen
BAM irakasleen Eskolan batu dira gaur goizean boluntarioen lanaz jarduten daben erakundeak eta euren jardunbideen barri emon dabe. Etenbakoa izan da goizean BAM eskolako ikasleen joan-etorria eta amaibakoak erakunde bakotxeko ordezkarien euren jardueraren inguruan emon dabezan azalpenak eta, dana batuta, giro berezia izan da bertan.
Jon Uriarte, Begoñako Ohorezko Erromes 2024
Begoñako Kofradiak Jon Uriarte Lauxirika kazetaria izendatu dau aurtengo Begoñako Ohorezko Erromes. Gaur goizean Bilboko Arriaga antzokian egindako ekitaldian emon dabe izendapenaren barri.
Eleizbarrutiko ordezkaritza Teologia-liburutegien Sarajevoko biltzarrean
“Sustainability in European theological libraries”, goiburuaren haritik ospatu da Sarajevon, www.beth.eu dalakoan alkartuta dagozan Europako Teologia-liburutegien 52. biltzarra. Jaime Lopez Eguilazek Eleizaren Liburuzainen Espainiako Alkarteko (ABIE) -www.abie.es- ordezkari lez parte hartu dau, 23-24 kurtsoan Espainiako Eleizaren liburutegien jarduera eta egoeraren barri emoten dauan ABIEren urteko oroitza-txostena aurkeztuz
Oroitzapenezko Eukaristia Mesedetakoen Loiuko komentuan
Atzo -martitzena-, kartzelan dagozan pertsonen zaindari dan Mesedetako Amaren eguna ospatu zan. Horregaitik eta Mª Mercedes Reyes de la Cruz amaren kongregazino erlijiosoaren 25. urteurrena dala-eta, On Joseba Segura gotzaina buru izango da gaur arratsaldez Mesedetako monjen Loiuko San Jose monasterioan arratsaldeko bostetan ospatuko dan Eukaristian.
Xabi Aburruzagak zapatuz estreinatuko dau urteurrenerako konposatutako abestia
Datorren zapatuz, irailak 28, Derion ospatuko dan kurtso hasierako ekitaldi nagusian, Xabi Aburruzaga trikitilariak zuzenean aurkeztuko dau 75. urteurrenerako sortu dauan abestia. Bizkaia Irratia eta Radio Popular-Herri Irratia hedabidetan eskainitako alkarrizketetan agertu dauanez, musikaria pozik dago azken emaitzagaz, "itxaropen guztiak gainditu dituan talde-lana izan da-eta". Naiara Trifol eta Ainhoa Zuluetak esku-hartu dabe "Geroa marraztu - Dibujando el futuro" goiburua dauan kantuan. Begoñazpi ikastolako ikasle batzuen ahotsak eta Gospel Bilbao taldekoenak bat egin dabe aurreko …
'Bizkaia isilik' ekimenak berbaldia eta erakusketa antolatu ditu kurtsoari hasiera emoteko
Bihar -irailak 25, eguaztena- "Bizkaia isilik' ekimenak kurtsoari hasiera emongo deutso hilaren azken eguaztenez egingo diran ohiko bilkura isilakaz. Ekitaldi horreetan, "derrigorrez mobidu behar izan daben pertsonen oinarrizko eskubideak murriztea dakarren bidegabeko politikak salatzeko eta entzuten ez doguzan eta isilduta dagozanei ahotsa emoteko". Hilabete honetan, bilkura isilak Caritas Bizkaia erakundetik antolatuko dira eta Etorkin eta Errefuxiatuen Munduko Egunaren atarian gagozala-eta (irailaren 29an ospatuko da), jarduera osagarriak antolatu dira. Alde batetik, "Yo también cuento …
Ipar-Hegoaldea ikastaroa, martxan
Bihar -irailak 24, martitzena-, Ipar-Hegoaldea ikastaroaren ekitaldi barriaren aurkezpena egingo da Barria eraikinean (Plaza Barria, 4, 1. solarirua). Eleizbarrutiko Teologia eta Pastoraltza Institutuak, Eleizbarrutietako Misinoek eta Caritas Bizkaia erakundeak batera antolatzen dabe ikastaro hau.
Astekoak, Eleizbarrutiko asteko barriak
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Kartzelako errealitateagaz konprometitutko pertsonak erakarri gura dabez
Irailaren 24an ospatzen da kartzela eta presoen zaindariaren eguna. Hori dala-eta, Kartzela Pastoraltzak eta presoei kartzela barruan eta kartzelatik kanpo laguntzen deutsen Bidesari alkarteak jardunaldi berezia antolatu dabe biharko egunerako. Presoek Kerman Lopez bikario nagusia buru dala arratsaldeko bostetan ospatuko dan Eukaristian parte hartuko dabe. Bestalde, Gernikako mesedetako monjek martitzenez ospatuko dabe euren eguna ikasle eta familiakaz, 10:30etan.