Barriak

Filipinar alkarteak domekeroko Eukaristia ospatu eban atzo, joan dan astean ospatu zan Migrazinoetarako Munduko Egunaren ostean. Domekero batzen dira Eukaristia ospatzeko Romoko San Jose parrokian, 17:00etan, A. Julio Santiago lagun dabela. Atzo, Marije Calvo Migrazinoetarako Pastoraltzarako Eleizbarrutiko arduradunak parte hartu eban ospakizunean eta gaur egun Iruñan ikasten ari diran filipinar abade bik alkar-meza emon eben. 

Eleizbarrutiko diakonek euren  urteroko jardunaldia ospatu eben atzo. Joan dan barikuan izan eben atariko batzarra; Eukaristia ospatu eben On Joseba Segura Eleizbarrutiko gotzaina buru zala Begoñako Gogarte Etxean eta, ostean alkarregaz bazkaldu eben. Gainera, barikuz, Begoñako Andra Mari Irakasleen Unibertsitate Eskolako (BAM) XII. promozinoko ikasleen graduazino-ekitaldia ospatu zan Euskalduna jaruegian.

Asteburuan ospatu da Ekintza Katoliko Orokorra (EKO-ACG) mobimentuaren BIzkaiko ordezkaritzaren eskutik belaunaldi desbardinak batu dituan konbibentzia. Larrabetzun batu ziran heldu eta gazteak, amaieran adierazo ebenez, "senidetasunez eta pozez betetako giroan. Arduradunen esanetan, "esker ona adierazo gura dogu, orokorrean izan dan parte hartzeagaitik eta, zehatz-mehatz gazteen presentzia esanguratsuagaitik".

Goizean goiz izan genduan Luis Baraiazarra Markina-Xemeingo karmeldar alkateko frailearen heriotza eta minutu gitxiren buruan gure barruan zirrara sentitu genduan Martzel Andrinua pasiotarraren heriotzaren barriagaz. Fraile biok eredu izan dira euskal kulturan eta biak ala biak nabarmendu ziran fedearen eta euskeraren arloan. Lehenengoak lan klasikoak itzuli ebazan batez be, santuek idatzitakoak. Bigarrena, bertsogile handia zan eta ez zan sekula bere bertsorik falta izan Bizian gora nagusien mobimentuak antolatze ebazan bidaia eta topaketetan. Baraiazarra zein Andrinua Euskaltzaindiako …

Mundakako Goiko kalean orain dala denporaldi bat lapurtu eben kurutzea barriro jarri eta bedeinkatu dabe. Lagun asko batu zan kurutzearen ondian, otoitz eta musikaz bustitako ekitaldian. Herriaren historia, legatu eta fedearen erakusle dan kurutzea barriro jarri eta bedeinkatu egin eben.

Urriaren 3tik 6ra ospatu da Tenerifen gazte pastoraltzarako ordezkari eta arduradunen biltzarra, Gaztaro eta Haurtzarorako Espainiako Gotzainen Batzarreko Gotzain Azpibatzordeak antolatuta. Bilboko Eleizbarrutia ordezkatuz, bestak beste, Maria Manrique Fede-zabalkunde eta Katekesirako Ordezkaritzako kidea eta Susana Mallo Jesusen Mirabeak ordenako monja izan dira saioetan. 

Bihar -urriak 8, martitzena-, kristau sarbideko eragileei zuzendutako saioa ospatuko da, 9:30etatik 12:30etara, Begoñako Gogarte Etxean. Sebastian Morak gidatutako tailerrean, gizarte-karitate alderdiaren argitan fede sarbiderako prozezuak barritzeko bideen inguruan gogoeta egingo dabe. 

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org

"Bide, sare eta loturen ondarea" goiburua aukeratu dabe Ondarearen Europako Jardunaldien Bizkaiko 24. ekitaldirako. Urrian ospatuko dira jardunaldiok eta, guztira, 200 ekitalditik gora egingo da lurraldeko 72 herritan. Ehun inguru dira esku-hartuko daben alkarte eta erakundeak, Bizkaiko Foru Aldundiak koordinatuta. 

New Yorkeko eskultorearen "Urkiolako Pagoa" artelana santutegiko eremu sagaratu eta naturalean txertatuta geratuko da datorren domekatik -urriak 6- aurrera. Eskultoreak ekarpen hau egin gura izan deutso 75. urteurrena ospatzen diharduan Eleizbarrutiari orain dala bost urte aurkitu eban eremuan. Inguruak berak inspiratu dau euskal pagoaren muina" harrapatu gura dauan eta "bisitariei itxaropena, poztasuna eta goiargia emon" gura deutsen artelan bakar hau sortzeko. On Joseba Segura gotzaina izango da buru eguerdiko 12:00etan ospatuo dan Eukaristian eta, ondoren, artelana bedeinkatuko da, …