Barriak
Etiquetado como: Eskautak
Naiara Trifol eta Pakembak 75. urteurreneko kantua abestuko dabe BECen
Eskaut taldeetako kideek osotutako Pakemba taldeak girotuko dau 'Eleiza plazara' azoka, arratsaldez ospatuko dan erromeria. Eszenatoko nagusian joko dabe 25:30etatik aurrera. Momentu baten, Naiara Trifol igoko da eszenatokira eta `Geroa Marraztu´ 75. urteurreneko kantua abestuko dabe.
200 lagun inguru gazteen topaketan, Galdakaon
Atzo ospatu zan Galdakaon IV. eta V. bikaritzetako Pastoral Barrutietako ume eta gazteen XIX. topaketa Galdakaon, Gazteen Lurraldeko Mahaiak antolatuta. Berrehun lagun inguruk parte hartu eban, batez be Kilimusi, Argizai, Inurri, Oiz Anboto, Gogotsuak, Arratia, Tabira eta Kosnoaga eskaut taldeetakoak.
Eleizbarrutian da «Belengo Bakearen Argia»
Estatuko batzarrean parte hartu eban "Trebeak" taldeak joan dan asteburuan Valladoliden jaso ondoren, bihar -barikua-, 19:30etan, Santiago katedralean egingo da Belengo Bakearen Argiaren ospakizuna. Urtero, Austriako eskaut eta gidariek mutiko edo neskato austriar batek Belenen, Jesusen Jaiotzaren haitzuloan bizten dauan Bakearen Argia banatzen dabe. Aurton, Austriara joan dan …
Alex Andreu: "Eskaut kontsiliario izatea, aukera ederra da"
'Beti prest!' da eskauten ezaugarria, Alex Andreu abadeari be egotzi deikeoguna. Filosofia beraz hartu dau bere gain Euskalerriko Ekautak Bizkaia mobimentuko kontsiliario-kargua. Kurtso honetatik aurrera II. bikaritzako (Enkarterri) ardurak be bere gain dituan Sergio Buiza I. bikaritzako bikarioaren lekua hartuko dau. Andreuk aukeratzat hartu dau erantzukizun hau, "aisialdia, …
3.000 eskaut batuko dira Urkiolan
Euskalerriko Eskautak mobimentuko kideak Gorka Deuna euren zaindariaren eguna ospatzeko eta eskaut mobimentuaren 65. urteurrena gogoratzeko batuko dira. Aurton, esanahi erlijiosoagaitik zein inguratzen dauan naturagaitik adierazgarri dan Urkiolako santutegiaren inguruan alkartuko dira. "Gure iragana ospatuz eta gure etorkizuna eraikiz" goiburua ardaztzat hartuta ospatuko …
Ikus-entzunezko bitarteko barria Arizmendiarretaren ondarearen balioa nabarmentzeko
Orígenes y extensión del legado de Arizmendiarrieta ikus-entzunezko bitarteko barria aurkeztu zan zapatuz, Bilbao Exhibition Center (BEC) erakustazokan Bilboko eleizbarrutiaren 75. urteurrea ospatzeko egin zan zan "Eleizea plazara" azokan. Arrasaten, kooperatiben arloan aitzindari izan ziranen lekukotasunak jasotzeaz batera, etorkizunari begira Arizmendiarrietaren ondarea eguneratzeko bidea azaltzen da.
Eleizbarrutiak "Eleizea plazara" azokan batutako 6.000 euro bialduko ditu Lurralde Santura
Joan dan zapatuz, 3.000 lagun baino gehiago batuta, BECen ospatu zan "Eleizea plazara" azokan 5.916,36 euro inguru batu zan Eukaristiako kolektaren eta dohaintzen bidez. Diru hori Gazako kristauei bialduko jake Laguntasuna beharrizanean dan Eleizari Pontifize erakundearen bidez.
75. urteurreneko erakusketa ibiltaria, Barakaldon
"Oroitu, bizi, amets egin" erakusketak Bilboko eleizbarrutiaren 75 urteko historiako gertaera gogoangarriak jasoten ditu. Maiatzaren amaierara arte egongo da ikusgai Barakaldoko San Bizente Martiria parrokian, ordutegi honetan: 12:00etatik 13:30etara eta 18:00etatik 19:30etara. Zapatuz, BECen "Eleizea plazara" azokan izan zan erakusketak bederatzi panelen bidez egiten dau 75urteotako historiaren errepasoa. Hamargarren panel bat be badau, zuria, "Etorkizunari begira" izenguruagaz, gura dauanak bere ametsak idatzi daizan. Ekainaren 1ean, erakusketa Barakaldotik Bermeora eroango dabe, …
Gaixoaren Pazkoa ospatzeko Eukaristiaren zuzeneko emonaldia
17:30etan, Begoñako Andra Mariaren basilikan, Gaixoaren Pazkoko Eukaristia hasiko da. Web honen bidez zuzenean jarraitu ahal izango da Kerman Lopez bikario nagusia buru dala ospatuko dan eleizkizuna.
Kaputxino nanoen milaka hazi Bizkaiko etxeetan
Joan dan zapatuz, Tropaeolum nanum landarearen milaka hazi banatu zan Barakaldoko BECen ospatu zan `Eleizea plazara´ azokan. Partaide bakotxak pertsonalizatu eta gotzainak Eukaristian bedeinkatu eban "Kit de la paz-Bakea erein" poltsatxoan, haziez gainera, kandela eta Iruña eta Tutera, Gasteiz, Bilbao eta Donostiako gotzainen tidazkiaren txatal batzuk be baegozan. Orain, haziak ereiteko ordua da, izan be, bakea ez da opari pasiboa, erein, ureztatu eta babestu egin behar dogun erantzukizun eraginkorra baino.
Gotzainak Leon XIII.ak sortutako autorpenak banatuko ditu
Datorren eguenez, maiatzak 22, gotzainak joan dan martxoaren 20an banatu ziran Carmelo Etxenagusia Ohorezko Aitamenak aberastu egiten dabezan `Pro Ecclesia et Pontifice´ dominak banatuko ditu. Bakarrik bizirik dagozan pertsonei emoten jakez eta kasu honetan, honeek dira hartzaileak: Andoni Gerrikaetxebaria, Lontzo Zugazaga, Juanito Gallastegi eta Jose Luis Iza "Euskal baliabideak taldekoak"; Inmaculada Gallastegi eta Antonio Linaza, "eleiz alkartearen aldeko zerbitzuagaitik". Autorpenak esanahi berezia hartu dau, Leon XIII.ak sortu ebalako eta aita santu hau hartu dau eredutzat …
"Eleiza plazara" azoka, argazkitan
Eleizbarrutiko hurrengo hitzordua, BizkaiBira
"Eleizea plazara" azokaren ostean, ekainaren 25ean emongo jako hasiera BizkaiBirari, eleizbarrutiaren sorreraren 75. urteurrena ospatzeko 19 egunez 19 etapa burutuz Bizkaian zehar egingo dan ibilaldiari. Hasiera, Begoñako basilikan izango da eta uztailaren 13an, Bilboko katedralean izango da ekitaldiaren amaiera. Aplikazinoa prest da Iphone zein androiderako ibilbidea egin gura daben guztiek jatsi daien.
Egun ahaztezineko irudiak
Bideo honetan jasoten da atzo Barakaldoko BECen ospatu zan "Eleizea plazara" azokako hainbat irudi. Hiru mila lagun baino gehiago batu zan topaketan.
3.000 lagunetik gora eleizbarrutiaren 75. urteurreneko azokan
Hiru mila lagunetik gora batu da gaur Barakaldoko Bilbao Exhibition Centre (BEC) erkustazokan, Bilboko eleizbarrutiaren 75. urteurrena ospatzeko, gizarte osoari zabaldutako eta jai-giroan bizi izandako ekitaldian. "Eleizea plazara" goiburuaren harira, espiritualtasuna, kultura, musika eta gastronomia batu dira familia-giroa eta parte-hartzea nabarmendu diran ekitaldian. Arratsaldeko 17:00etan jardunaldiari amaiera emon jakonean, ekainaren 25ean hasiko dan BizkaiBirarako deialdia egin jake alkarteei.