Barriak
Etiquetado como: Jubileua
Jubileu Urte Santuaren amaiera Bizkaian
Frantzisko aita santuak 2024ko abenduaren 24an emon eutsan hasiera 2025ean mundu osoko Eleizan ospatu dan Jubileuari. Handik egun batzuetara,2024ko abenduaren 29an, lekuko Eleizetan emon jakon hasiera Urte Santuari. Bilbon, San Nikolas eleizatik Santiago katedralera egin zan prozesinoagaz emon jakon hasiera ohikuneari eta katedralean Eukaristia ospatu zan gotzaina buru zala. …
Itxaropenaren txalupa Gordexolan lehorreratu da
Datorren zapatuz, urriak 18, "Erromesaldia" egingo da II. bikaritzan (Enkarterri). Gizakia Fundazinoak mendetasunak dabezan pertsonakaz egiten daben lana izango da "itxaropen-ikur". Ekitaldia eleizbarrutiko bikaritza guztiak zeharkatzen diharduan eta datorren abenduaren 28an Santiago katedralean burutuko dan Jubileuaren Gizarte Alderdiaren testuinguruan egingo da.
Gotzaina eta Misinoetarako ordezkaria, Misino-jubileuan, Erroman
"Itxaropenean misiolari herrien artean" goiburuaren haritik ospatuko da gaur eta bihar mundu osoko milaka misiolari batuko dituan Jubileua Erroman. On Joseba Segura Bilboko gotzain eta Misinoetarako eta Eleizagazko Lankidetzarako Espainiako Gotzainen Batzarreko Gotzain Batzordeko presideak be parte hartuko dau ekitaldian, Manuel Heredia Misinoetarako Bilboko ordezkariagaz …
Eleizbarrutiko 140 gazte inguruk parte hartuko dau Jubileuan, Erroman
2025ean, Eleizak, Frantzisko Aita Santuak deitu eban Itxaropenaren Jubileua ospatzen dihardu. Datorren astean, gazteak izango dira protagonista, uztailaren 28tik abuztuaren 3ra Gazteen Jubileua ospatuko da-eta Erroman. On Joseba Segura gotzainak be parte hartuko dau Gazteen Jubileuan eta Bilboko eleizbarrutitik doan taldeagaz izango da hainbat unetan, esate baterako, …
Eleizbarrutiko ordezkaritza langileen Jubileuan, Erroman
Jubileu urte honetan, maiatzaren lehenengoagaz bat, langileen Jubielua ospatuko da Erroman (maiatzaren 1etik 4ra). Langile Pastoraltzarako Espainiako Gotzainen Batzarreko (EGB) Batzorde Aholkulariko kideek parte hartuko dabe Mons. Abilio Martinez gotzain arduradunagaz batera. Langile Pastoraltzarako eleizbarrutiko arduradun eta Batzorde Aholkulari horretako kide dan Maite …
Bizkaian, Barakaldon ospatuko da gizarte Jubileuaren lehenengo ekitaldia
2025ean Eleizak Jubileu Urtea ospatzen dihardu Frantzisko Aita Santuak deituta. Bilboko eleizbarrutian, joan dan abenduaren 29an emon jakon hasiera Jubileuari, Bilboko Alde Zaharra zeharkatu eban prozesinoagaz eta santiako katedralean ospatu zan Eukaristiagaz. Hainbat jarduera dago antolatuta urte berezi honetarako, esate baterako datorren astean, martxoaren 24tik 28ra, On …
Eleizbarrutiko ordezkaritza Komunikabideen Batzarrean, Erroman
2025eko Jubileua dala-eta, aurton Erroman ospatuko da Gizarte Komunikabideetarako Eleizbarrutietako ordezkaritzen batzarra. Dorleta Alberdi komunikazinorako saileko zuzendaria eta Begoña Kareaga sail horretako kidea dira Erroman batzarrean parte hartzen. Atzo, urtarrilak 24, Saleseko San Frantzisko kazetari eta komunikatzaileen egunez emon eutsen hasiera saioei eta bihar …
Urte Santuaren inaugurazinoaren irudiak
Atzo inaugurau zan Urte Santua munduko Eleizbarruti guztietan. Bizkaiko Eleizeak Bilbon egin eban ospakizun ekitaldia. Prozesinoa egon zan San Nikolas eleizatik katedralera eta bertan ospatu zan mezea. Urtarrilaren 5ean egingo dira ospakizunak Bizkaiko lurraldeetan.
Zabalik da Eleizbarrutitik Erromara egingo dan erromesaldian izena emoteko epea
Joan danastean barri emon zanez, Erromesaldietarako Bilboko Eleizbarrutio sailetik bidaia antolatzen dihardue Erromara, Frantzisko Aita Santuak "Itxaropenak ez dau huts egiten” bitartez deitu dauan Ohiko Jubileuan parte hartzeko. Bidaia martxoaren 24tik 27ra (4 egun - 3 gau) eta On Joseba Segura Bilboko gotzainak be parte hartuko dau. Gaur zabaldu da erromesaldianparte …
Parte hartu gura dozu Mufungaren Adiskideak Fundazinoaren aldeko baba-jaanean?
Datorren zapatuz, urtarrilak 24, "baba-jan solidarioaren" ekitaldi barria egingo da Bilboko Abandoko San Bizente Martiria parrokiako Bengo Leku lokaletan. Baba-janaren aurretik, jentea eleizpean batuko da 13:00ean pintxo bat jan eta gainerako alkarte-kideakaz egoteko. Bazkalostean, jokoak eta zozketak izango dira. Batu daiten dirua Mufungaren Adiskideak Fundazinoaren esku itziko da Kongoko Errepublika Demokratikoan garatzen diharduan egitasmoetara (heziketa, osasuna, umeak, azpiegiturak, e.a.) zuzendu dagian.
Gazteen Mezak Autonomia-Indautxu Pastoral Barrutian
Hilaren hirugarren domekaz, datorren domekan hasita, gazteen Mezak ospatuko dira Indautxuko Karmengo Ama parrokian, 19:00etan, Idoia Madariaga Gazteria eta Katekesirako Autonomia-Indautxu Pastoral Barrutiko (PB) arduradunak eta gazteen arloan eta katekesian jarduten dauan David Urdaneta abadeak lagunduta.
San Anton eguna, zaàtuz, bedeinkapenak Urkiolan eta Bilbon
San Antonio Abade eta abereen zaindariaren eguna ospatuko da. Zapatuan eguerdiko hamabietan, Eukaristia ospatuko da Urkiolako santutegian, Imanol Atxalandabaso abadea buru dala eta ondoren abereak eta gero eleiztarren artean banatuko diran opiltxoak bedeinkatuko dira. Biharamunean, domekaz, errepikapen-eguna ospatuko da 12:00etan. Zapatuan eguerdiko 12.00etan izango da bedeinkazinoa Bilboko San Anton eleizaren kanpoaldean.
Erretiroa egiteko proposamenak Eleizbarrutian
Fede-zabalkunde eta Katekesirako eta Familia Pastoraltzarako IV., V. eta VI. bikaritzetako Mahaiek antolatuta, aurten be asteburuko erretiro bi ospatuko dira Larrea-Zornotzako gogarte etxean. Aurreko kurtsoetako esperientzia guztiz positiboa izan da eta erantzun zabala jaso dabe. Arduradunen esanetan, "otoitz eta gogoetarako asteburuko esperientzia zabala da". Gehiago jakiteko, klik egin honako honegaz batera agerten diran karteletako QR kodeetan.
"Otoitza eta Bizitza" tailerrak, datorren astean, Bilbon
"Otoitza eta Bizitza" tailerrak egingo dira Torre Urizar Pastoral Barrutian (PB) eta euretan parte hartzeko dei egin dabe. Heziketa-saio bi izango dira taldeak prestatzeko: urtarrilaren 19an, astelehenez, 19:00etan, Asisko San Frantzisko parrokian (Quinta parroquia), Iturriza, 4, eskumako atea eta urtarrilaren 20an, 19:00etan, Miribillako Santa Maria Josefa parrokian. Gehiago jakiteko: Leonor (686 55 80 98) edo Santiago (606 73 15 77). Laikoek sustatzen dabez tailerrok Bizkaian eta kurtsorako egitarau interesgarria prestatzen dihardue.
Ume Misiolariak 2026: "Zure bizitza, misinoa"
"Zure bizitza, misinoa", goiburuaren harira ospatuko da datorren domekaz, urtarrilak 18, Ume Misiolarien eguna, batez be ume eta gaztetxoei zuzenduta. Egun honetan, zera ikusarazo gura jake ume eta gazteei: "euren bizitza, Bateoaren bitartez, batera jartzeko doe dala eta bialketa bakotxak bere lekuan Jesusen Barri Ona iragartzeko".
Ekintza Katoliko Orokorrak (EKO-ACG) zuhaitzak landatuko ditu domekan Urdaibain. Parte hartzerik nahi?
“Krisi ekologikoa barruko aldaketa sakonerako deia da... Jainkoaren egintzaren babesle izateko bokazinoa bizitzea kristau esperientziaren funtsezko atala da” (Laudato Si), horregaitik, EKO-ACG mobimentutik dei egiten dabe datorren domekaz, urtarrilak 18 Urdaibai biosfera-erreserban Lurgaia alkartearen eskutik burutuko dan ekintzan, hain zuzen be zuhaitz-landaketan, parte hartzera. Emon izena (urtarrilaren 14a, eguaztena, da azken eguna) eta domeka goiza familian igarotzeko plan bikainaz gozatu. Hitzordua, 9:30etan da Kurutze Santua ermitan (Muxika).
Eleizbarrutiko abade eta diakonoek gogo-jardunak egingo dabez aste honetan
Urteko bigarren astean, eleizbarrutiko ministerio ordenatuak gogo-jardunak egiten ditu txanda bitan (euskeraz eta gaztelaniaz), Ministerio Ordenaturako Idazkaritzak antolatuta. Larreako gogarte etxean izango dira datorren barikura arte -urtarrilak 16-. Peio Azpitarte jesuitak gidatuko ditu euskerazko taldeko gogo-jardunak eta Manuel Garcia jesuitak gaztelaniazko taldekoak. Aste honetan ospatuko dira, gainera, Gotzainen Batzarrak gotzainentzat antolatzen dituan gogo-jardunak eta, besteak beste, On Joseba Segura Bilboko gotzainak be parte hartuko dau. Hilaren azkenean, mandatua daben …
Asteko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen.
Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Prest da Bizkaiko Eleizaren mantentzerako IV. kanpaina
Urtarrilaren 18an, domekaz, Bizkaiko parrokietan ekonomia-ardurakidetasuna sustatzeko eleizbarrutiko kanpainaren laugarren ekitaldiari hasiera emongo jako. Oraingoan, ekimena 17 parrokiatan garatuko da aldi berean eta jardunbide bigaz: 10 parrokiatan harpidetzak sustatuko dira eta 7 parrokiatan, domekako diru-batzea. Kanpaina hau maiatzera arte luzatuko da.