Barriak

Xabier Goikouria bizkaitar misiolariak 58 urte daroaz Kongoko Errepublika Demokratikoan. Urteak joan, urteak etorri, makina bat egitasmo jarri dau martxan, beti be egoera eskasenean dagozanak, zailtasun gehien dabenak, lehenetsiz. Xabier beti dago lanerako prest, dana emonez eta hemendik jasoten dauan laguntza guztia eskertuz. Bere esanetan, "atzealdearen laguntzagaz, aurraldeak aurrera egin leike. Ezinbesteko doguz zuen laguntza eta lankidetza". Xabierrek Gabon-zorionak bialdu deuskuz. Gaurko egunez argitaratuko doguz, Jaunaren jaiotzaren egun honetan gertuago sentitu daigun eta, ahal …

Joan dan martitzenez, abenduak 24, Frantzisko aita santuak Mundu osoko Eleizak 2025ean ospatuko dauan Jubileu Urteari hasiera emon eutsan. Bihar -abenduak 29, domeka- lekuko Eleizetan emongo jako hasiera Urte Santuari. Bilboko Eleizbarrutian, Santiago katedralean izango da, On Joseba Segura gotzaina buru dala, eguerdiko 12:00etan. Aurretik, prozesinoa egingo da, 11:30etan San Nikolas eleizan hasi eta Jubileu tenplu dan Santiago katedraleraino. Zuzenean emongo da web honen bidez. 

Gaur -abenduak 24, martitzena-, On Joseba Segura Bilboko gotzaina buru izango da Basauriko kartzelan, 11:00etan ospatuko dan Eukaristian. Beste alde batetik, Kerman Lopez bikarino nagusia buru dala ospatuko da Gordexolan, mendekotasun larriak dabezan pertsonentzako Gizakiaren zentro terapeutikoan, 17:00etan ospatuko dan mezan. 

Tabira Pastoral Barrutiko taldeek "Gabon-jaia" osptzen dabe urtero oporren aurretik. Asteburuan izan da jai hori Durangoko Andra Mari basilikan, tenpluan eta arkupean. Azoka egin dabe, jokoak egon dira umeentzat, "Inurri" eskaut taldeak antolatuta eta ospakizuna, bertatik "Belengo Bakearen Argia" eroan dabelarik Tabira PBko parrokia eta talde guztietara. 

Martxan da EBI sareko (Eleizbarrutiko ikastetxeak) ikasleei zuzendutako Jazotaskoa jaso lehiaketaren VIII. ekitaldia. Oraingoan, 'bakea eta adiskidetzearen' gaia landuko dabe bideoklipetan. Otsailaren 7ra arte aurkeztu daitekez lanak eta egun horretatik aurrera zabalduko da botoa online emoteko epea eta otsailaren 21ean, Bake Topaketaren bezperan, sari-banaketa egingo da ikastetxe irabazlean. 

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org

Urtarrilaren 5ean, Caritas Bizkaia erakundeak errege-opil solidarioaren XXI. ekitaldia ospatuko da.10:00 etatik 14:30etara, errege-opil zati bat eta basobete txokolate eskuratu ahal izango dira euro biren truke Bilboko Plaza Barrian. Jarduera honen bidez batu daiten dirua Caritas erakundeak haur-denpora eta familiei zuzenduta garatzen dituan egitasmoetarako idango da. Plaza Barrira joaterik ez dauanak Caritas Bizkaia erakundearen Bizumaren (33514) bidez dirua emonez lagundu leike.

On Joseba Segura gotzainak Gabonak zoriontzeko aukeratu dauan postalean, hondakinen artean agertzen dan jaiotza ikusi daiteke. Jaiotzako irudiak Belenetik (Zisjordaniako uria), hain zuzen be, 2019an gotzaina buru Lurralde Santura erromes joan zan taldeak ekarritakoak. Horregaitik, irudiak aparteko berezia dau lurralde biblikoak sekula jasa izan dauan suntsipen eta sufrimentuzko egoera latza bizi dauanean. Gotzainak gogoan ditu lehergailuen eztandak eragindako biktima "errugabeak" eta "uholdeek aurrean eroan dabezan pertsonak", hain zuzen be, DANAren eraginez hildakoak.

Estatuko batzarrean parte hartu eban "Trebeak" taldeak joan dan asteburuan Valladoliden jaso ondoren, bihar -barikua-, 19:30etan, Santiago katedralean egingo da Belengo Bakearen Argiaren ospakizuna. Urtero, Austriako eskaut eta gidariek mutiko edo neskato austriar batek Belenen, Jesusen Jaiotzaren haitzuloan bizten dauan Bakearen Argia banatzen dabe. Aurton, Austriara joan dan Valladolideko eskautei esker iritsi da gure ingurura argi hori.

"Etorkizunari begira/Navidad, camino de esperanza” goiburuaren haritik ospatuko dau asteburuan Caritas Bizkaia erakundeak Gabonetako kanpaina. Elena Unzueta Caritas Bizkaia erakundeko zuzendariak kanpainaren aurkezpenerako gutunean azaldu dauanez, Gabonak, "egoteko, irauteko eta laguntzeko aldi dira. Aldi honetan, Maria Birjinak Jesus Umea besarkatu egiten dau. Bere besarkadak sendotasuna dakar ahultasunera, itxaropenera zaaltzen dan agintzaren zeinu dan aldira; baldintza bako harrera da. Era berean, gure besarkadek distantziak gainditu eta harresiak bota egiten dabez". Kanpainaren …