Barriak
Etiquetado como: Zuzeneko emonaldia
San Inazio eguneko eleizkizunaren zuzeneko emonaldia
Eguerdiko 12:00etan hasiko da honako web honen bitartez zuzenean eskainiko dan Eukaristia.
Santiago Apostoluaren eguneko eleizkizuna, zuzenean
Eguerdiko 12:00etan hasiko da Santiago Apostolu eta Bilbao uriaren zaindariaren egunez bere izenpeko katedralean ospatuko dan Eukaristia. Zuzenean jarraitu daiteke web honen bidez.
Santiago Bilbao uriaren zaindariaren egunez, Eukaristia katedralean
Gaur, uztailak 25, Santiago Apostolu eta Bilbao uriaren zaindariaren eguna ospatzen da. Luis Alberto Loyo katedraleko deana buru izango da Santiago katedralean eguerdiko 12:00etan ospatuko dan Eukaristian. Zuzenean jarraitu daiteke web honen bidez.
Gorpuzti Egunez, meza eta prozesinoa, katedralean
Bihar -ekainak 11, domeka- Gorpuzti Egunez, On Joseba Segura Bilboko gotzaina buru izango da Santiago katedralean eguerdiko 12:00etan ospatuko dan Eukaristian. Eleizkizuna, zuzenean emongo da web orrialde honen bidez.
On Joan Maria Uriarte gotzainak 90 urte bete ditu gaur
Gaur, ekainak 7, On Joan Maria Uriarte Donostiako gotzain erretiratuak 90 urte bete ditu. Zorionak! 1976 eta 1991 bitartean, On Joan Mari Uriarte Bilboko Eleizbarrutiko gotzain laguntzaile be izan zan eta etzi autorpena egingo deutso. Eguerdiko 12:00etan, esker oneko Eukaristia ospatuko da Begoñako basilikan, On Joseba Segura Eleizbarrutiko gotzaina buru dala eta zuzenean web …
Barikuz, Urrezko eta Zidarrezko ezkontza-ezteguak Begoñan
Datorren barikuz, ekainak 9, Bilboko Eleizbarrutiak Urrezko eta Zidarrezko ezkontza-ezteguak ospatuko ditu, 18:00etan, Begoñako basilikan. Ignacio Fernandez seminarioko errektore eta Begoñako parrokoa buru dala ospatuko da web orrialde honen bidez zuzenean emongo dan Eukaristia. Fran Albala Fede-zabalkunde eta Katekesirako Ordezkaritzaren barruan dagoan familia eta helduen …
Abadegintzaren urteurrenen ospakizuneko irudiak
Atzo -ekainaren 1a, eguena- abadegintzaren urteurrenak ospatu ziran, urtero lez, Begoñan. Abadegintzaren Platinozko Ezteguak (70 urte), Diamantezkoak (60 urte), Urrezkoak (50 urte), Zidarrezkoak (25 urte). Gainera, eleizkizunean bertan, aparteko autorpena egin jakon Bizkaiko abadeen artean zaharrena dan Jose Angel Ubietari.
Abadegintzaren urteurrenen ospakizuna, zuzenean
Gaur, ekainak 1, Jesukristo gure Jaun eta Abade Nagusi eta Betierekoaren egunez, abadegintzaren urteurrenak ospatuko dira.
Eleizbarrutiak mahaia sustatu AAren erabilera etikoa eragiteko komunikabideetan
Kultur Erakundeen BIlboko Eleizbarrutiko Mahaiak antolatu eta atzo -eguaztena-, goizez Euskalduna jauregian eta arratsaldez Barria eraikineko lokaletan ospatu zan "Komunikazinoa eta Adimen Artifiziala (AA)" gaiari buruzko jardunaldian, hainbat komunikabide (Berria, El Correo, Radio Bilbao Cadena Ser, COPE Bilbao, Radio Popular, Bizkaia Irratia), Euskal Eleizbarrutietako …
Donostiako gotzainak Areetan aurkeztuko dau bihar Garizumako Pastoral Idazkia
Areeta-Romo Pastoral Barrutiak (PB) ekitaldiak antolatu ditu Garizuma-aldirako, gogoeta eta otoitz egiteko aukera emonez. Bihar, -martxoak 13, eguena-, On Fernando Prado Donostiako gotzainak berbaldia eskainiko dau arratsaldeko zazpiak eta erdietan Mesedetako Ama parrokian, Iruña eta Tuterako artzapezpikuak eta Donostia, Gasteiz eta Bilboko gotzainek idatzi daben eta argitaratu barri dan Pastoral Idazkiaren inguruan. Kerman Lopez bikario nagusiak egingo dau aurkezpena.
Gotzaina Misinoen inguruko biltzarrean, Madrilen
Misinoetarako Gotzain Batzordeko presidente dan ON Joseba Segura Bilboko gotzainak eta Aita Santuaren ardurapeko Egintzak erakundeko (OMP deitzen dana) presidente dan Jose Maria Calderonek egomgo deutse hasiera gaur eta bihar Madrilen ospatuko dan OMP erakundeko eta Misinoetarako ordezkaritzetako langile etaboluntarioen XXII. Biltzarrari.
"Verbum Dei" alkarteak datozan hilabeteetarako jardunaldien egitaraua aurkeztu dau
'Verbum Dei' alkarteak kurtso amaierara arteko seihilekorako antolatu dituan jardueretan parte hartzeko dei egin dau. "Etxean Mariagaz" hitzaren eskolagaz (hilaren bigarren eguaztenez) eta "Hitzagaz otoitz egin" otoitz-taldeagaz (hilaren azken eguaztenez) jarraituko dabe.Indautxuko Karmeneko Ama parrokiako lokaletan izaten dira. Gehiago jakiteko, ordutegiak eta hartu-emonerako, honako honegaz batera agertzen dan irudian.
Parke barria Bilbon, Josetxu Canibe abade eta misiolariaren izenagaz
Gaur goizean, parke barria inauguratu dabe Bilboko Arabella auzoan, 2022ko abenduaren 25ean hil zan Josetxu Canibe eleizbarrutiko abade eta misiolariaren izenagaz. Juan Mari Aburto alkartea, udalbatzako hainbat kide eta eremu barriari Caniberen izena jarteko ekimena izan dabenak egon dira ekitaldian. Josetxuk bere ibilbidean lagun izan eban hainbat pertsona be joan da inaugurazinora.
Caritas Euskari erakundeak "Topaki 2025" ospatuko dau zapatuz, Bilbon
Caritas Euskadi erakundeak sustatzen dau "Topaki" boluntarioen topaketa,eta eleizbarrutiak txandaka arduratzen dira antolaketaz. Aurton, Bilboko eleizbarrutian izango da, goizeko 10:00etatik aurrera, Musikazaleen Alkartean (Marques del Puerto, 4). Bilbon, 2022an ospatu zan azken topaketa eta Patxi Fano irudigileak gidatu eban.
Begirada bi Sinodoari, "irakurketa lekuko Eleizatik"
Eleizbarrutiko Teologia eta Pastoraltza Institutuak antolatutako saioan, etzi -eguena (Barrian, 18:30tan), Eloy Bueno de la Fuente Burgoseko artxidiozesiko abadeak eta Jesus Martinez Gordo Bilboko Eleizbarrutiko abadeak "Sinodoaren ondorioak: irakurketa lekuko Eleizatik" gaiaren inguruan jardungo dabe.
`Martxoak8mujeres´ ekitaldiko argazkiak
Joan dan barikuz, martxoak 7,"Martxoak8mujeres" autorpenaren VII. ekitaldia ospatu zan Indautxuko Karmeneko Ama parrokiako areto nagusian. Bilboko eleizbarrutiak, bere sorreraren 75. urteurrena ospatzen dan urtean, ondorengo emakumeei egin eutsen autorpena beste askoren izenean: Consuelo Puente, Daniela Areli Arriaga Martinez, Txaro Dañobeitia, Ana Zugaza, Isa Matilla, Loli Asua, Mari Carmen Hernandez eta Goyi Rivera. Ekitaldia osorik: hemen. Argazkiak (Alberto Sanz): hemen.
Miguel Ramon Vigurik adimen artifizialari buruzko berbaldia eskainiko dau bihar, Santutxun
Santutxu Pastoral Barrutiko (PB) Bidari alkarteak eta Gizarte aretoak antolartua, Miguel Ramon Viguri Deustuko Unibertsitateko irakasleak "Adimen artifizialaren eragin etikoak bardintasunean eta zuzentasunean" berbaldia eskainiko dau bihar -martxoak 11, martitzena-, Santutxuko Begoñako Andra Mari ikastetxeko areto nagusian (sarrera Aita Pernet kaletik), arratsaldeko zazpiak eta erdietan.
Ekuadortar kontsulatuak omenaldia egin deutso Juan Ignacio Vara misiolariari
Zapatuz, omenaldia egin eutsenjoan dan urtarrilaren 1ean hil zan Juan Ignacio Vara eleizbarrutiko abade eta misiolariari Gurutzetako kultur etxean. Pablo Fernando Buitron Andrade Ekuadorreko ohorezko kontsulak plaka emon eutsan eleizbarrutiari, "Ekuadorren alde emondako bizitzagaitik eta herri honen aldeko eredu eta eskuzabaltasunagaitk esker onez". Kerman Lopez bikario nagusiak jaso eban plaka On Joseba Segura gotzainaren izenean.
Datorren domekaz ospatuko da Eleizbarrutietako Misinoen kanpaina
“La Misión: compromiso y esperanza”/“Misinoa: eginbide eta itxaropena”, goiburuaren haritik ospatuko da domekaz, martxoak 16, Euskal Eleizbarrutietako Misinoen kanpaina. Gehiago jakiteko eta lagungarriak eskuratzeko: hemen.