Barriak
Etiquetado como: Zuzeneko emonaldia
Azaroak 9: Eleizbarrutiaren Eguna
Datorren domekaz, azaroak 9, Eleizbarrutiaren Eguna ospatuko dogu, "jaieguna eta eskerrak emoteko eguna, alkarregaz parrokia bizia, Jesukristoren zale amorratua eta besteen alde egiten dauana eratzen dogulako". Aurton, bainera, egun horretan emongo jake amaiera Bilboko eleizbarrutiaren sorreraren 75. urteurreneko ekitaldiei. On Joseba Segura gotzaina buru dala Eukaristia …
Asteburuko barriak
Milaka fededun hurreratu zan bariku eta zapatuz Begoñako basilikara, Amatxuren eguna ospatzera. Gainera, zapatuz Sor Monicah de la Preciosísima Sangre de Jesús klausurako monja domingotarraren profesa nagusia ospatu zan Lekeition, eta iparraldeko misino-topaketa Donostian, Misinoetarako Gazteiz, Donostia, Iruña, Errioxa eta Bilboko ordezkaritzetako kideak bertan zirala. …
Begoñako Amatxuren eguneko Meza Nagusiaren zuzeneko emonaldia
On Joseba Segura Bilboko gotzaina izango da buru gaur eguerdiko 12:00etan Begoñako basilikan ospatuko dan Meza Nagusian eta web honen bidez zuzenean jarraitu ahal izango da.
Amatxuk milaka lagun batuko dau Begoñan
Datorren zapatuz, urriak 11, Begoñako Andra Mariaren eguna osapatuko da eta basilikaren ingurua prest dago ohituraz betetako egun hori ospatzera hurreratu gura daben guztiak hartzeko. Ekitaldiak bihar -barikua- hasiko dira erromeriaren igoeragaz. Arriaga antzokian atarako da 19:30etan basilikara iristeko eta hemen Eukaristia ospatuko da 21:00etan.
Santiago Aposotoluaren eguneko eleizkizunaren zuzeneko emonaldia
Eguerdiko 12:00etan hasiko da, On Joseba Segura eleizbarrutiko gotzaina buru dala, Santiago katedralean ospatuko dan Santiago Apostolu eta Bilboko zaindariaren eguneko Eukaristia.
Gotzaina izango da buru gaur, katedralean, Santiago eguneko mezan
Gaur -uztailak 25, barikua-, Santiago Bilboko zaindariaren eguna ospatzen da. On Joseba Segura Bilboko gotzaina izango da buru katedralean eguerdiko 12:00etan ospatuko dan Santuaren omenezko Mezan. Eleizkizunean, Bedeinkapen apostolikoa emongo dau parkamen osoagaz eta web honen bidez jarraitu ahal izango da.
Frantzisko aita santuaren arimaren aldeko Hileta-meza Nagusia, zuzenean
Frantzisko Aita Santuaren arimaren aldeko hileta, zuzenean
Gaur -apirilak 26, zapatua-, goizeko 10:00etan hasiko da Frantzisko Aita Santuaren arimaren aldeko hileta Erromako San Pedro basilikan. Zuzenean emongo da web honen bidez. Gainera, datorren astelehenez, apirilak 28, Aita Santuaren arimaren aldeko Hileta-meza Nagusia ospatuko da Begoñako basilikan, 18:00etan, On Joseba Segura gotzaina buru dala, eta hau be zuzenean jarraitu …
Markinan, gaur, "Bizkaiko hotsak" organo-jaialdiko lehenengo kontzertua
Gaur iluntzeko 19:00etan ospatuko da Markina-Xemeingo Andra Mari eleizan "Bizkaiko hotsak" Bizkaiko organo-jaialdiko lehenengo kontzertua, urtero lez "Diego Amezua" Organoaren Adiskideen Bizkaiko Alkartearen eskutik. Miriam Cepeda organistak eta Aitor Biainek zuzenduko dauan Euskal Herriko Unibertsitateko abesbatzak parte hartuko dabe. Sarrera doan da leku guztiak bete arte. Kontzertua pantaila eraldoian emongo da. Markinako organoa Aquilino Amezua euskal organogileak eraiki eban 1912an. Musika-tresna erromantikoa da, tinbre-aberastasun handikoa eta bereziki egokia akonpainamendu …
Azaroak 9: Eleizbarrutiaren Eguna
Datorren domekaz, azaroak 9, Eleizbarrutiaren Eguna ospatuko dogu, "jaieguna eta eskerrak emoteko eguna, alkarregaz parrokia bizia, Jesukristoren zale amorratua eta besteen alde egiten dauana eratzen dogulako". Aurton, bainera, egun horretan emongo jake amaiera Bilboko eleizbarrutiaren sorreraren 75. urteurreneko ekitaldiei. On Joseba Segura gotzaina buru dala Eukaristia ospatuko da Santiago katedralean, 19:00etan. Deialdia egiten jaku bertara joan gaitezan. Web honetan be zuzenean emongo da. "
Oroimenaren Egunaren 15. ekitaldia
2010etik aurrera, azaroaren 10a egun esanguratsu bihurtu da euskal gizartearentzat eta gure Eleizarentzat. Egun hau aukeratu eben, urteko 365 egunen artean, bakarrik horretan ez dalako izan hildakoak eragin dituan atentaturik. Bake eta Adiskidetzerako Batzordetik adierazo dabenez, "egun horrek gertatutakoa eta sekula gehiago gertatu behar ez dauana gogorarazoten deusku. OROIMENA egiteko eguna da". Batzordetik, dei egin dabe, gainera, egunotan antolatuko diran ekitaldietan parte hartu daigu. Bilboko bikaritzek, esate baterako, alkarte otoitzaldi eta ospakizuna egingo dabe"Indarkeriarik …
Zapatuz, Bilbon, heziketa-saioa katekistentzat
Etzi -azaroak 8, zapatua-, heziketa-saioa izango da II. eta Vii. bikaritzetako (Bilbao) katekistentzat, goizeko hamarretan, Barria eraikinean (Plaza Barria, 4).
Dantza, perkusinoa eta gospela "Musika biziak salbatzeko" dalakoaren alde
Datorren barikuz, azaroak 7, 20:30etan, alkartasunezko kontzertua ospatuko da "musika biziak salbatzeko" egitasmoaren alde, Indautxuko Karmengo Ama parrokiako areto nagusian, "Uganda Sticks eta Ruandako tanborrak" dalakoaren eskutik. Sarrerak (12 euro. Umeentzat: 10 euro) internet bidez eskuratu daitekez, hain zuzen be hemen edo txartel-leihatilan ordubete aurretik. Beste alde batetik, Aba Taano taldea urtarrilean etorriko da Bilbora, "musika biziak salbatzeko" ekimen beraren alde jarduteko. Euren emonaldia 2026ko urtarrilaren 3an izango da, 20:30etan, Indautxuko Karmengo Ama parrokiako areto …
Bilboko eleizbarrutia fede eta kulturaren arteko hartu-emona sustatzen jarraitzeko prest
Gaur goizean, Bilboko eleizbarrutiak «Kulturaren Oroitza-txostena 1950-2025» aurkeztu dau EITBren Multibox aretoan. 75 urtez Bizkaian izan dauan agerpen erlijioso, kultural eta soziala jasoten dauan agiria da."Arimadun irudiak: nuevos relatos culturales" goiburuaren haritik ospatu da ekitaldia, erakundeak fedearen, kulturaren eta euskal gizartearen arteko zubi lez irauteko dauan bokazinoa agertuz.
Zaintzaileen egitekoa aldarrikatzeko eguna
Gaur, azaroak 5, Zaintzaileen Nazinoarteko Eguna ospatzen da. 2014an izendatu zan egun hau beste batzuk zaintzen diharduen miloeka lagunen lanaren inguruan sentiberatasuna bizteko, kontzientziatzeko eta lan hori autortzeko. Egun honetan, gehien behar dabenei laguntzen deutsen pertsonen ahalegina, denprora eta ardura baloratu gura da. Fed-zabalkunde eta Katekesirako, Karidade eta Zuzendaritza ordezkarietatik, Caritas Bizkaia erakundetik eta Vida ascendente/Bizian gora mobimendutik zaintzaileek etxe askotan egiten daben lana aldarrikatu eta bere garrantzia nabarmendu gura dabe.
Eleizbarrutiak 75. urteurrenaren azkena, deutso denporaren kapsulagaz amaierako mezan
Datorren domekaz, azaroak 9, hain zuzen be Eleizbarrutiaren Egunez, ospakizunei amaiera bikaina emongo jake, arratsaldeko zazpietan Santiago katedralean ospatuko dan Eukaristiagaz. On Joseba Segura gotzaina izango da buru eleizkizunean eta bertan izango da 1995etik 2010era Bilboko gotzain izan zan On Ricardo Blazquez kardinala. Katedraleko musika-kaperak girotuko dau liturgia eta azkenean ekitaldi sinbolikoa egingo da: gaur egungo gauzakiak sartuko dira kutxa baten eta hau zigiluz itxita geratuko da 2050ean zabaldu arte.
ICARO, 15 urte Bizkaiko historia herritarrei ezagutzera emoten
Bizkaiko Eleizaren Historia Artxiboak ICARO zentroaren hamabosgarren urteurrena ospatzen dau gaur. 2010ean martxan jarrita, zabalkunderako zentro honek agiri-ondarea ulertzeko eta eskuratzeko era goitik behera aldatu dau. Oroimena zaintzeko egitasmo lez hasi zana eremu dinamiko bihurtu da eta bertan historiak bizia hartzen dau.
Eguenez, Bilbon, bidezko merkataritzaren eguna
"Eskubideak landuz: Feminismoa eta zuzentasuna mahai globalean" goiburuaren haritik ospatuko da bidezko merkataritzaren jardunaldien II. ekitaldia bihar -azaroak 6, eguena-, Comercio Justo/Bidezko Sarea/Bizkaiko Merkataritza dalakoak antolatuta. Hurtado de Amezaga kalea, 27-2an izango da, Bilboko udalaren laguntzagaz. Arduradunen esanetan, "ideiak, esperientziak eta borrokak batera jarteko eguna izango da, feminismoak eta elikadura-zuzentasunak ekoizteko, kontsumitzeko eta munduagazko hartu-emonerako erak aldatu egin daikiezala agertzeko".