Barriak
Etiquetado como: Zuzeneko emonaldia
Krisma-mezaren zuzeneko emonaldia
On Joseba Segura gotzaina izango da buru Santiago katedralean 11:00etan ospatuko dan Krisma-mezan.
Gotzaina izango da buru katedralean, Aste Santuko ospakizunetan
On Joseba Segura eleizbarrutiko gotzaina buru izango da Santiago katedralean ospatu daitezan Aste Santuko eleizkizunetan eta zuzenean jarraitu ahal izango dira web honetan eta Radio Popular-Herri Irratian.
Borja Uriarte pregoilariaren irakurraldiko argazkiak
Carmelo Etxenagusia Ohorezko Aitamenen IV. ekitaldia, zuzenean
Ekitaldia gaur -martxoak 20, eguena- izango da BBK aretoan, goizeko 11:00etan.
Bihar banatuko da Carmelo Etxenagusia Ohorezko Aitamena
Kultur arloko norbanako edo taldeei autorpena egiten deutsen "Carmelo Etxenagusia" Ohorezko Aitamenak hamar urte betetzen ditu, Bilboko eleizbarrutiaren 75. urteurrena betetzen dan urtean. IV. ekitaldi honetan aitamena jasoko dabe, liturgiarako lagungarriak itzultzen dituan "Euskal baliabideak taldeak", Inmaculada Gallastegik eta Juan Maria Iraolagoitiak (hil osteko aitamena) …
Ez zara "Martxoak8mujeres ekitaldian izan?
Indautxuko Karmeneko Ama parokiako areto nagusian ospatu da gaur "Martxoak8Mujeres" autorpenaren VII. ekitaldia, eleizbarrutiko 8 emakume protagonista zirala beste askoren izenean. On Joseba Segura Bilboko gotzaina izan da buru saioan eta 8 arlo desbardinetako 8 emakumeri autorpena emon jake. Web honetan, zuzeneko emonaldia eskaini da.
Hauts-eguneko Eukaristia, zuzenean, katedraletik
Gaur, Hauts-eguna, arratsaldeko zazpietan hasiko da, On Joseba Segura Bilboko gotzaina buru dala, Santiago katedralean ospatuko dan eta Garizumari hasiera emongo deutsan Eukaristia. Eleizkizuna, zuzenean jarraitu ahal izango da web honen bidez.
Bilboko gotzaina NBEak antolatutako mahai-inguruan, Gernikan
Nazino Batuetako Zibilizazinoen Itunak (UNAOC) eta Relgions for Peace erakundeak baterako ekimena antolatu dabe gerraren aurkako gaitzespena zabaltzeko eta, aldi berean, bakezko mezua sustatzeko eta zuzenbide internazionalaganako begiramena eragiteko. Ekitaldia Gernikan aurkeztuko da bihar eta Gernikako bonbardaketaren urteurrena ospatuko dan egunera arte -apirilak 26, zapatua- luzatuko da. On Joseba Segura Bilboko gotzainak Eliza Katolikoa ordezkatuko dau erlejinoarteko mahai-inguruan, Liceo antzokian, 9:30etan, eta partaide izango dira beste aitzindari erlijioso eta herri ordezkariak.
Amazonaseko Eleiz Biltzarreko presidenteordea, Bilbon
Datorren astelehenean, Mauricio López Amazonaseko Eleiz BIltzarreko presidenteorde, osoko giza garapenerako Dikasterioko eta Sinodo-seneko Eleizaren aldeko Sinodoko talde metodologikoko eta bideratzaileen taldeko kide eta PUAM Amazonaseko Unibertsitate-programako zuzendariak gure eleizbarrutia bisitatuko dau. Mauricio Lopez Frantzisko Aita Santuaren gertuko gizona izan da honen aitasantutza-aldian.
Frantzisko Aita Santuaren lau entziklikak
Gaur ospatzen dan Liburuaren Munduko Egunean, Frantzisko Aita Santuak bere aitasantutza-aldian idatzi ebazan idazkirik aitagarrienetako batzuk gogora ekarri gura doguz. Entziklikak nabarmenduko doguz: Lumen Fidei, "fedeari buruz" (2013), Laudato Si' "danona dan etxearen zaintzari buruz" (2015), Fratelli Tutti "gizarte senidetasun eta adiskidetasunari buruz" (2020) eta Dilexit Nos, "Jesukristoren bihotzaren giza eta jainko maitasunari buruz" (2024).
"Bere-berea eban estiloak, argentinar jatorriak eta lehenengo AIta Santu jesuita izateak bana-banako egin dabe"
Jorge Canarias Eleizbarrutiko Kuriako kantziler eta Deustuko Unibertsitateko Teologia-fakultateko irakaslea Radio Popular/Herri Irratian izan zan atzo eta joan dan astelehenez hil zan Frantzisko Aita Santuaren inguruan jardun eban.donde habló sobre el legado del Papa Francisco, fallecido este lunes. Carlos Olabarri eleizbarrutiko abade eta Ministerio Ordenaturako Idazkaritzako zuzendariak, bere aldetik, Bizkaia Irratian hitz egin eban Frantziskoren aitsantutzaren inguruan.
Eleizbarrutiko Teologia eta Pastoraltza Institutuak maileguan gehien emon dituan 10 liburuak
Gaur, apirilak 23, Liburuaren Munduko Eguna ospatzen da. Gaurko egunez, 1616an, Miguel de Cervantes eta William Shakespeare mendebaldeko kulturako idazle esanguratsuenetako bi hil ziran. Hori dala-eta, UNESCOk egun sinboliko hau izendatu eban 1995ean irakurketa sustatzeko eta egilearen irudia autortzeko egun lez.
Frantzisko aita santuaren arimaren aldeko Hileta-meza Nagusia, apirilaren 28an, Begoñan
Datorren zapatuz, apirilak 26, Frantzisko Aita Santuaren arimaren aldeko hileta ospatuko da Erroman, goizeko 10:00etan. Egun horretatik aurrera, mundu osoko eleizbarruti guztietan ospatuko dira atzo hil zan aita santuaren arimaren aldeko hiletak. Bizkaian, Begoñako basilikan izango da datorren astelehenez, apirilak 28, 18:00etan, On Joseba Segura gotzaina buru dala. Andra Mariarenganako Aita Santuaren debozinoa izan da hileta-mezarako tenplua aukeratzeko arrazoietako bat. Izan be, Frantzisko aita santuak Jainkoaren amari eskaini eutsan bere zerbitzua eta Ama Birjinaren babespean jarri …
Bilboko prozesinoak 75 argazkitan
Kofradien Ermandadeak Aste Santuan, Bilbon ospatu diran prozesinoen balantze positiboa egin dau partaidetza eta jarraipenari dagokionez. "Gertu" aplikazino barria 1.000 bider baino gehiagotan deskargatu izan da eta inprimatutako 25.000 egitarauak kaleratzeaz batera agortu ziran. Euriakilundu eban prozesinoen hasiera eta amaiera, bertan behera geratu ziralarik Arrangurarena eta Argi eta Berbizkundearena; Karidadearen eta Astakumearen prozesinoak laburragoak izan ziran.
Arte gotikoaren erakusketa Enkarterriko museoan
Avellanedako Batzar-etxean dagoan Enkarterriko museoan datorren domekara arte -apirilak 27- zabalik izango dan erakusketa dago ikusgai. Balio handiko hogeta hamazortzi pieza -erretaula, irudi eta margolanak- batu dabez, Jesus Muñiz Petralanda historialariak XIII eta XVI gizaldien artean Bizkaiko ondarean arrasto esanguratsua itzi dauan gotikoari buruz egin dauan lanaren euskarri eta agerpen lez.
'Kurutzearen ahala' gotzainen baterako Pastoral Idazkian
Iruña eta Tutera, Bilbao, Donostia eta Gasteizko gotzainek Garizuma-Pazko aldirako idatzi daben Eraman oneko erkatzea Pastoral Idazkian, 'Kurutzearen ahala' nabarmentzen da. Kurutzearen inguruko gogoeta hori V. kapituluan jasoten da. Pastoral Idazkiaren bigarren argitaraldia kaleratu da eta Bilboko eleizbarrutian, apirilaren 22tik aurrera barriro zabalik izango dan Jakinbide liburu-dendan erosi daiteke. Gaur, Zapatu Santua, Pazko-gaubeila ospatuko da Bilboko katedralean, 21:00etan, gotzaina buru dala.