Noticias

Zapatu honetan, hilaren 11an, on Joseba Segura gotzainak Jesusen Konpainiako zazpi abaderen ordenazinoa ospatuko dau. Ospakizuna Jesusen Bihotzaren eleizan izango da 12:30etan. Bestalde, abade biren ordenazinoak egongo dira Bilboko katedralean ekainaren 25ean eguerdiko 12:00etan. Hurrengo zapatuan ordenatuko diranen arteko bat, Francisco de Borja Miró Madariaga, Bilbon jaiotakoa da. Meza barria ekainaren 12an ospatuko dau Begoñako Amaren ikastetxean, goizeko 11 ta´erdietan.

Atzo eta gaur on Joseba Segura gotzaina Gipuzkoa aldetik dabil Eleizbarrutiko abade eta diakono batzukaz. Urtero antolatzen izan da honako topaketa bat azken ordenatuakaz eta aurton Loiolako San Inazio jaio zan tokian hasi dabe txangoa. Gaur Donostiara joango dira.

Kristau Sarbideko sakramentuak katedralean. Bihar, 19:00etan, zuzenean web orrialde honetatik.

On Joseba Segura Bilboko gotzainak eta Silvano Tonon artzainak “Mendekoste, Espiritu bera” gaiaren inguruan jardungo dabe. Otoitzaldi hori, gure Eleizbarrutian kristauen batasunaren aldeko otoitzaldiaren inguruan egiten diran topaketen barruan ospatuko da.

2021eko uztailaren zazpian jarri eben alkarte energetikoa abian Derioko Seminarioko eraikinean. Laudato Si´ Astearen barruan, Bilboko Eleizbarrutiak energia barriztagarrien inguruan azken urteotan emondako urrats batzuk ekarri nahi doguz gaur gogora. Gitxi dira ondino, badago zer egin aurrera begira eta horretarako baliogarriak izan daitekez apurka apurka beste erakunde batzukaz adostutako akorduak. 

Espiritu Santuaren inguruan erdigunetu dau gotzainak gaur abade eta diakonoei zuzendu deutsen gogo-jarduna. Bikaritza guztietatik Bilbora etorritako kleroa batu da zati bitan banatu dan goiz osoko jardunean. Parte hartzaileen artean 96 urteko Jose Angel Ubieta, bikario nagusi ohia eta Álex Andreu, Bizkaiko abaderik gazteena be egon dira. Azkenaldian behin baino gehiagotan zabaltzen dabilen mezua itxi dau gotzainak topaketan: Eleiza barruan aniztasuna aberastasuna dala eta zenbat eta aniztasun gehiago orduan eta hobeto. 

Eguenean hasi eta barikura arte, Eleizearen jasangarritasunaren inguruko jardunaldietan hartu dau parte Bilboko Eleizbarrutiak Madrileko Gotzain Koferentzian eratutako jardunaldietan. On Joseba Segura da arlo honetako gotzain arduraduna eta berari egokitu jako saioei hasierea eta amaierea emotea. Bestalde, Bilboko Eleizbarrutiaren lan pastoraltzako ordezkaritzea egon da Madrilen sindikatuetan parte hartzen daben kristinauen esperientzak alkarbanatzen. Bilbon, zapatuan, gazteen topaketea egon zan eta lekukotza ezbardinak entzun ziran. Gazteentzako lan kanpamentua egon da kartzela barruan be …

Gaur Lekeitioko Santo Domingo komentuan dagozan klausurako hamar monjek ospakizun biribila euki dabe. Jatorriz Keniakoak diran lekaime bik behin behineko profesinoa, komentuan behin betiko geratzeko ospakizunaren aurrekoa egin dabe. Biboko gotzaina, on Joseba Segura izan da batzarburua, Bilboko gotzain izentau ebela urtebete igaro dan egunean. Sor Carolina eta sor Hellenek dominikoen ordenekoak izateko urratsa emon dabe. Ospakizunean Lekeitiko alkatea eta udaleko beste agintari batzuk be izan dira herritarrakaz batera. Afrikako kantu eta dantza alaiakaz emon jako amaierea ospakizunari.

Bihar eta etzi, Eleizaren sostengu ekonomikoaren inguruko jardunaldiak egingo dira Madrilen Gotzainen Konferentziak antolatuta. On Joseba Segura, Bilboko gotzaina, arlo honetako arduraduna da Batzordean, beraz, bera izango da topaketeari hasierea eta amaierea emongo deutsana. Bilboko Eleizbarrutitik Jose Mari Ziarrusta, gerenteak; Jose Joaquin Moral, boluntario ekonomikoen arduradunak eta Dorleta Alberdi, komunikazino saileko zuzendariak hartuko dabe parte ekitaldietan.