Barriak
Etiquetado como: Bilboko Koral Alkartea
Bilboko Koral Alkartearen agurra Aita Santuari
Bilboko Koral Alkarteak omenaldia egin deutso Valentin Maria Zubiaurreri 'Jesukristo gure Jaunaren Nekaldia' bere oratorioa Erroman estreinatuz. Joan dan eguaztenez, audientzia orokorra amaitzeaz batera, koraleko hainbat kide Aita Santuagaz egon zan. Koralaren izenean agurtu egin eben eta, solasaldi laburrean, euren bidaiaren nondik norakoak azaldu eutsiezan gaur Vatikanoan …
Abade, idazle eta teologoaren berbaldia Jesusi buruz
Datorren eguenez, urtarrilak 23, Serafin Bejar Granadako abade eta teologia-fakultateko irakasleak berbaldia eskainiko dau: "Jesusen jainkotasun eta gizatasuna". Saioa Barrian (Plaza Barria, 4) izango da, 18:30etatik aurrera, Eleizbarrutiko Teologia eta Pastoraltza Institutuak antolatuta.
Erandion, "hizkuntza eguneratzeko" prestatzen dihardue
Datorren eguaztenez, urtarrilak 22, 19:00etan eta Erandioko San Agustin parrokiako lokaletan, Ebanjelizatzearen Eleizbarrutiko VI. Egitasmoaren (EEE) lehentasunetako baten sakontzeko saioa izango da: "Kultura anitzez bustitako gure gizartean fedearen barri emoteko bide barriak sustatu". "Comunikar la fe en la ciudad secular. Teología de la comunicación" (2013) liburua idatzi dauan Vicente Vide abadeak gidatuko dau saioa.
Batzar ekumenikoa Kristauen Batasunaren aldeko Otoitz Astean
Bizkaiko kristau Eleiza eta alkarteak Bilboko Santiago katedralean batu ziran domekaz, Kristauen Batasunaren aldeko Otoitz Astean. Eleizkizunean, Eleiza Luteranoko, Espainiako Eleiza Erreformatu Episkopaleko, Konstantinoplako Patriarkatuko Eleiza Ortodoxoko, Espainiako Eleiza Ebanjelikoko, Ukrainako Eleiza Greko-katolikoko ordezkarien parte hartu eben, Kerman Lopez Bilboko Eleizbarrtiko bikario nagusi eta Eleiza Katolikoko ordezkaria buru zala.
"Esclavas de Fátima" ikastetxearen 50. urteurrena
Joan dan barikuz, urtarrilak 17, "Esclavas SC Fátima" ikastetxeak bere Urrezko Ezteguak ospatu ebazan. Fernando Marcos III-VII bikaritzetako lurralde bikarioa eta Jesus Sanchez Maus parrokoa izan ziran buru Eukaristian.
Misino-jarduerak Afrikan 60 urtez
1965eko urtarrilaren 21ean, hemengo hiru abade heldu ziran lehen Zaire zan eta orain Kongoko Errepublika Demokratikoa dan herrialdera. Misino-jarduera honen 60. urteurrena ospatzeko bihar -urtarrilak 21, martitzena, mahai-ingurua ospatuko da 19:00etan, Abandoko San Bizente Martiria parrokiako Bengo-Leku lokaletan. Hirurogei urteotan herrialde haretan egon izan dan hainbat misiolarik lekukotasuna emongo dau.
Astekoak, asteko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Askotariko kristau Eleizen baterako otoitza
Urtarrilaren 18tik 25era, Kristauen Batasunaren aldeko Otoitz Astea ospatuko da. Bilboko Eleizbarrutian, bihar -urtarrilak 19, domeka- ospatuko da ekitaldi nagusia, 19:00etan, Santiago Katedralean. Kerman Lopez bikario nagusia buru dala egingo dan eleizkizun ekumenikoan, askotariko kristtau Eleizetako -katolikoa, anglikanoa, protestantea, ebanjelikoa, grekokatolikoa eta ortodoxoa- kideek parte hartuko dabe. Aste honetan Bizkaian dan Rabateko kardinalak adierazpenak egin ditu eleizen arteko hartu-emonaren eta migrazinoaren inguruan.
75. urteurreneko oroigarri 'bereziak' eskuragai
75. urteurreneko webean orri bat jarri da, gertaera honen inguruko oroigarri 'bereziak' eskatzeko. Oroigarriok eskuratu eta urteurrena nork bere egin eta gizartean agertzeko aukera da. Ekimen honen bidez kolorez betetako logo barria askotariko lekuetara eroango da. Opari bakar eta praktikoa be izan daiteke alkarteetako kideei euren boluntario lana eskertzeko. Eskariak: hemen.
Urteera gidatuak Enkarterri inguruko gotikoa bisitatzeko
Enkarterriko Museoak gotikoaren inguruko urteera gidatuei ekingo deutse barriro be. Hil honetan, Portugaletera joko dabe bihar -urtarrilak 18, zapatua-, eta Balmasedara, hilaren 25ean. Jarduera honeetan parte hartu gura dauanak aldez aurretik lekua gorde beharko dau museoaren webean: www.enkarterrimuseoa.eus
Azken egunak erakusketa ibiltaria Begoñan ikusteko
"Gogoratu, bizi, amets egin" erakusketa ibiltariak Bizkaiko Eleizaren 75 urteko historiako une gogoangarriak agertzen ditu.Erakusketa, Derion ospatu zan kurtso hasierako ekitaldian zabaldu zan eta handik Begoñako Gogarte Etxera eroan eben. Gaur egun, Amatxuren etxean (III-VII bikaritzak) dago eta datozan egunetak San Bizente parrokiara lekualdatuko da eta hantxe egongo da ikusgai hiilaren amaierara arte.