17-02-2025 Lunes, VI semana - tiempo ordinario
Bizkeliza 5 Gaurkotasuna 5 Barriak
 

Barriak

Etiquetado como: Domund

19.10.2023

Domekaz, DOMUND eguna ospatuko da

Datorren domekaz, urriak 22, DOMUND eguna ospatuko dogu, misino-egutegiko egunik garrantzitsuenetakoa. Aurton, hauxe da aukeratutako goiburua: 'Oinak bidean, bihotza adorez' (ik. Lk 24, 13-35). Feli Martin Misinoetarako ordezkariak egun honen inguruan azaldu dauanez, "‘munduaren azken mugetaraino’, gaur egun be bidez bide gertatu daitekeen topaketa da. Horixe da …

Barri-bilatzailea
-(r)en araberako bilaketa “...” Aurkitu dira 1652 Emaitzak.
-(r)en arabera ordenatu
Emaitzak orrialdeka
17.02.2025

Heziketa-saio barriak Corpus Christi parrokian

Bilboko Corpus Christi parrokian bihar emongo deutse hasiera hitzaldi sailari. "Eleiza sutan?!" goiburua ardaztzat hartuta, lau saio ospatuko dira Corpus eleizan (Poza lizentziatua, 50. Bis), otsailaren 18an eta martxoaren 4, 16 eta 25ean (gura daben guztientzat).

16.02.2025

Astekoak, asteko barrien laburpena

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
15.02.2025

Kanpaien eskuzko joaldia, Zeanurin berreskuratuko dan ohitura

San Balendin eguna dala-eta, datorren domekaz, otsailak 16, Andra Mari eleizako kanpaiei eskuz eragingo deutse eta Zeanuriko auzotarreek hori zuzenean ikusteko eta kanpai-hotsak entzuteko aukera izango dabe. Pedro eta Jose Antonio Lejarza anaiek berreskuratuko dabe galdutako ohitura hau, parrokiako azken kanpai-jotzaile izan zan Iñaki aitaren arrastoari jarraituz. Lehenengo joaldia goizeko 11:00etan izango da eta bigarrena 11:30etan, eta ostean meza ospatuko da. Ondoren, santuaren irudia prozesinoan eroango dabe Pietatea ermitara.

14.02.2025

Gernikako San Fidel ikastolak irabazi dau bideoklipen lehiaketa

Jone Aranberriak (Bizkaia Irratia), Igone Etxebarriak (Labayru Fundazioa) eta Luis Mari Vegak (Bake eta Adiskidetzerako Batzordea) osotu daben epaimahaiak Kultur Erakundeen Bilboko eleizbarrutiko Mahaiak antolatutako 'Jazotakoa jaso' lehiaketan irabazle egertatu dan lanaren izena emon dau. San Fidel ikastolan egin daben 'Ondoratu' bideoklipa da irabazlea. Santa Eulalia patronatuan landutako 'Eta zu izango bazina?' izenburudun bideioklipak jaso dau jentearen boto gehien. hain zuzen be, 2.577 boto. 

14.02.2025

Pastoral Barruti barria Santutxun

Otsailaren 23an eratuko da kanonikoki Santutxu Pastoral Barrutia (PB). On Joseba Segura gotzaina izango da buru eleizkizunean, San Francisquito parrokian, eguerdiko 12:00etan. Gainera, aurretik hainbat ekitaldi izango da: lehenengo eta behin, gaur arratsaldez kontzertua ospatukod a San Francisquito parrokian, 19:00etan, Bilbao Kamerata Jatorki abesbatzaren eskutik. Datorren eguaztenez, otsailak 19, Javier Oñate eleizbarrutiko abadeak berbaldia eskainiko dau: "Sinodo-sena ulertzeko eran", Maria Erregina eleizan, 19:30etan eta azaroaren 21ean, barikuz, Bonaparte abesbatzak eta beste batek …

13.02.2025

Carmelo Etxenagusia Aitamenak, Bizkaian irratiaren aitzindari izan ziranentzat

Nazino Batuek gaurko eguna izendatu eben Irratiaren Munduko Egun lez eta BIlboko Eleizbarrutiak irratian lan egiten daben profesionalak zoriondu gura ditu. Hain zuzen be, irratia protagonista izango da datorren martxoaren 20an Carmelo Etxenagusia Ohorezko Aitamenaren X. urteurreneko ekitaldian. Autorpenak BBK aretoan emongo dira goizeko 11:00etan eta euskerazko irratsaioak egiten aitzindari izan ziran Inmaculada Gallastegi eta Juan Maria Iraolagoitia zana izango dira autorpena jasoko dabenetako bi.

13.02.2025

Gotzainen baterako Pastoral Idazkia eta gogoetarako lagungarriak Garizumarako

Juan Carlos Elizalde Gazteizko gotzainak, Fernando Prado Donostiako gotzainak, Joseba Segura Bilboko gotzainak eta Florencio Rosello Nafarroako artzapezpikuak baterako pastoral idazkia aurkeztuko dabe datorren martxoaren 5ean, Hauts-egunez. Aitatutako idazkian, gogoeta egingo dabeb"Eleizaren eta gizartearen arteko hartu-emonari buruz, Mendebaldeko testuinguruan euskal eta nafar errealitatean oinarrituta". Pastoral idazkia eskainiko da eleizbarrutian Garizuman sakontzeko eta, horregaz batera, Liturgiarako ordezkaritzak eta VI. egitasmoaren sustapenerako taldeak prestatutakoak.

12.02.2025

Estrella Morenoren berbaldia: "Pastoral erabarritzerako argibideak"

Bihar -otsailak 13, eguena-, Estrella Moreno teologo eta Eleizbarrutiko Teologia eta Pastoraltza Institutuko (ETPI) zuzendariak "Pastoral erabarritzerako argibideak. Millennial belaunaldiari entzun" berbaldia eskainiko dau Barrian (Plaza Barria, 4), 18:30etan. 

11.02.2025

Gaixoaren Munduko Eguneko Eukaristiaren zuzeneko emonaldia

Gaur, otsailak 11, Lourdeseko Andra Mariaren eguna, Gaixoaren Munduko Eguna ospatzen da. Hori dala-eta, On Joseba Segura Bilboko gotzaina buru dala Eukaristia ospatuko da Santiago katedralean, 19:00etan, eta zuzenean ikusi ahal izango da web honen bidez. 

11.02.2025

60 abesbatzek parte hartuko dabe Bizkaiko abesbatzen astean, Begoñan

Atzo -astelehena- hasi zan Bizkaiko abesbatzen LI. astea, otsailaren 28ra arte, 60 abesbatza batuko dituana. Astelehenetik barikura, iluntzeko zortzietan ospatuko dira kontzertuak Begoñan eta ekitaldi bakotxean lau taldek parte hartuko dage. Egitaraua osorik: hemen.

Emaitzak orrialdeka