Barriak
Etiquetado como: Eleiz Museoa
Azken bisita gidatua "Sorolla eta erlikiak" eraukusketara
Eleiz Museoan ikusgai dan "Sorolla eta erlikiak" erakusketa otsailaren 29ra arte luzatu ondoren, datorren zapatuz, hilak 24, aukera barria eskainiko da erakusketa berezi hau sakontasunez bisitatzeko. Museotik azaldu dabenez, "Joaquin Sorolla margolariaren eskutik, erlikia eta erlikia-ontzien munduan murgildu gara". Bisita gidatuaren prezioa: 5 € lagun bakotxeko. Lekua …
"Sorolla eta pintura erlijiosoari" buruzko berbaldia
Javier Novo Kontserbazino eta Ikerketarako Bilboko Arte Ederren Museoko koordinatzaileak berbaldia eskainiko dau gaur, 19:00etan, Bilboko Eleiz useoan. Otsailaren 29ra arte luzatu dan "Sorolla eta erlikiak" erakusketaren haritik programatutako jardueretako bat da.
Eleiz Museo 'gozoa'
Bihar -abenduak 1, barikua-, "Gabon-gozokiak. Komentutik etxera" Gabonetako azokaren ekitaldi barria inauguratuko da Eleiz Museoan (Gizakunde plaza 9B – Atxuri, Bilbao). Abenduaren 20ra arte, Penintsulako hainbat komentutan prestatutako Gabonetako produktu-sorta zabala eskainiko da Eleiz Museoko ganga-aretoan (sarrera doan).
Eleiz Museoak "Sorolla eta erlikiak" erakusketa zabaldu dau
Gaur eguerdiz,2024.eko urtarrilaren 31ra arte iraungo dauan "Sorolla eta erlikiak" erakusketa zabaldu da Bilboko Eleiz Museoan. On Joseba Segura Bilboko Gotzainak, Miguel Zugaza Bilboko Arte Ederren Museoko zuzendariak, Juan Manuel Gonzalez Cembellin Eleiz Museoko zuzendari teknikoak eta Javier Novo kontserbazino eta ikerketarako Bilboko Arte Ederren Museoko …
Asteburuan, "Open House" jardueraren hasiera
Urriaren 7 eta 8an, 65 eraikin eta eremu publikotatik gora erakutsiko dituan "Open House" jardueraren ekitaldi barria ospatuko da Bilbon. "Uri (im)materiala" goiburuaren haritik, aurtengo egitarauak alderdi honeen inguruan hausnartzeko bidea emongo dau: uria egokitzen dauan alderdi ukigarri eta ukiezina, arkitekturaren eta urigintzaren ingurune, gizarte eta ekonomia …
Arkotxako nekaldi bizidunari buruzko erakusketa Eleiz Museoan
Urrian ospatuk dira Ondarearen Europako XXIII. Jardunaldiak Bizkaian. Kultur testuinguru honetan, 150 jarduera inguru ospatuko da 70 herritan. Besteak beste, gaur -urriak 3- hasi eta hilaren 29ra arte, Arkotxako (Zaratamo) pastoral bizidunari buruzko erakusketa ospatuko da Eleiz Museoan, eta urriaren 7, 14, 21 eta 28an nekaldiaren entseguak egingo dira eta gura dauanak joateko …
Euskal Herriko 12 herritan garatuko da "Camino Escena Norte" egitaraua
Eleiz Museoko klaustroan aurkeztu zan atzo -astelehena- "Camino Escena Norte (CEN)" deitutako egitasmoa. Honen bitartez, trukea sustatu gura da arte eszenikoen arloan, irailaren 17tik urriaren 22ra garatuko dan egitarauaren haritik 60 lekutan, Galizian, Asturiasen, Kantabrian, Euskal Herrian eta Nafarroan. Gehiago jakiteko: hemen
Eleiz Museoa bisitatzerik nahi?
Gaur, maiatzak 18, Museoen Nazinoarteko Eguna ospatzen da. 1977tikhasita, egun honetan zera aldarrikatu gura da: museoak ezinbesteko bitarteko dirala kulturen arteko hartu-emonerako eta kulturen aberastasunerako eta herrien arteko ulertze, lankidetza eta bakerako. Museoen garrantzia nabarmentzeaz batera, ondarearen, jardueren, bisiten,... inguruko barriak jasoten dituan …
Eleiz museoko ihes-aretoa zabalik izango da aste honetan
Aste berezi honetan, Eleiz Museoa zabalik izango da eta, holan, eleiz ondareko 500 artelan zuzenean ezagutzeko aukera izango da. 1961ean sortutako museoak, gainera, bilduma oparoa dau, besteak beste, Bizkaiko eleizetatik eta dohaintza pribatuetatik jasotako piezak. Gainera, eta beste inongo museotan ez bezala, ihes-aretoa gordeten dau. Aparteko aukera da, era dibertigarrian …
Romañako San Pedro eleizako Maitasun Ederraren Ama Birjinaren erretaula barriztatu dabe
Turtzioseko Romañako San Pedro eleizak 500. urteurrena ospatu eban 2021ean eta, orain, erretaula barriztatu dau. Gaur egungo eleiza, aurreko eraikinaren osoko berreraikuntza da. Prozesu luzea izan zan, eleiztarrek tenplu esanguratsuaren aldeko apustu handia egin ebalako, hau da, sasoi haretan Enkarterrietan jasoten ziharduen handienetakoa eraikitzea pentsatu eben, Juan Manuel …
Kontzertu solidarioa "Mufungaren Adiskideak" fundazinoaren alde
Mufungaren Adiskideak Fundazinoak dialdia egiten dau bihar -maiatzak 4, zapatua-, 19:00etan, Bilboko Abandoko San Bizente Martiria parrokian ospatuko dan kontzertu solidariorako. "NTONDOBE-LA BONDAD DIVINA" abesbatzak eskainiko dau kontzertua eta batu daiten dirua Mufungara (Kongoko ED) materiala bialtzeko izango da.
Gotzainak gaur amaituko ditu lurraldeetako batzarrak
Eleizbarrutiko gotzainak, idazkari nagusia lagun, batzarrak egin ditu bikaritzaz bikaritza. Martxoan hasita, leku bakotxean Ebanjelizatzearen Eleizbarrutiko Egitasmoari lotuta egiten diran jarduerak eta lekuan lekuko kezkaz ezagutu nahi izan ditu. Era berean, bisita horreek Ebanjelizatze-egitasmoan zehaztutako ekintzak nabarmentzeko bide izan dira. Joan dan martitzenez, apirilak 30, II. bikaritzako pastoral ekintzaileakaz batzartu zan eta gaur ospatuko dau azken batzarra Bilbon, III. eta VII. bikaritzetakoakaz.
"Misino-lekukotasunak, gure nortasunaren ezaugarri"
Horixe entzun zan, besteak beste, atzo, maiatzaren 1ean ohiko danez, Urkiolan ospatu zan misino-ekitaldian. Hirurogei lagun inguru batu zan eta, egunari hasiera emoteko, hainbat lekukotasun entzun zan, bideo bidez, Ekuador, Kongoko E.D., Etiopia eta Filipinetatik. Xabier Goikouriak bere agurrean adierazo ebanez, "atzealdearen laguntzagaz aurrealdeak aurrera egin leike. Ezinbesteko dogu zuen babesa eta laguntasuna. Misinoetan egon zarienok ondotxo dakizue laguntza hau nahitaezko dana".
Antzerki solidarioa Bilboko San Bizente eleizan
"Hego BerrIa-Compromiso Sur" Bilboko Abandoko San Bizente Martiria parrokian sortutako taldeak kurtsoan zehar antolatzen dituan jarduera solidarioetako bat ospatuko da bihar -barikua-, 20:00etan. "Show Must Go On" antzezlana aurkeztuko dabe parrokiako 'Bengo leku' lokaletan.
Lur-globo berezia aldizkariaren azalean
Alkarren Barri - Comunicación aldizkariaren maiatzeko alean, lur-globoan jarritako lore koloretsuak nabarmentzen dira. Gerra eta indarkeriaz jositako inguruetan loreak ernetea eskatzen dauan alkartearen nahi eta itxaropena islatu gura dau. Azalean, aldizkariaren 32 orrialdeetan garatzen diran gaien barri emoten da: umeen munduko eguna, gaixoaren pazkoa edo joan dan astean Bilbon ospatu dan harrerari buruzko eztabaida-lekua, besteak beste.
Eleizbarrutia, ETAk hil eban lehenengo biktima zibilari eskainitako omenaldian
Udaleko ordezkariek, Juan Mari Aburto alkartea buru, eta "Bilbao Foroa Bake eta Bizikidetzaren alde" erakundekoek, non Galo Bilbaok parte hartzen dauan Bilboko Eleizbarrutiaren izenean, oroitzapenezko plaka barria ipini dabe urian. Ekitaldi sinboliko honen bitartez aukera emon gura jake herritarrei gogoan izan daiezan indarkeria terroristaren eraginez erahildako pertsona guztiak. Kasu honetan, Fermin Monasterio Perez bilbotar taxilariari eskaini deutse omenaldia. ETA talde terroristako kide batek tiroz hil eban 1969.eko apirilaren 9an. ETAren lehenengo biktima zibila izan zan eta alarguna eta …
Eleizako erakundeak lana eta familia benetan bateragarri egitearen alde
Bilboko Eleizbarrutiko Langile Pastoraltzak bere egin dau Eleizako hainbat erakundek maiatzaren 1a dala eta kaleratu daben agiria. Oraingoan, Eleiza Gizalegezko Lanaren alde ekimenetik hauxe aldarrikatu dabe: "ezinbestekoa da langileak zaintzea, lana eta familia benetan bateragarri egingo daben politikak sustatuz". Zehatz-mehatz, "lanaldiaren murrizketari begira", gizarte alkarrizketak aurrera egin beharko leukela dinoe.
Misino-eguna bihar, Urkiolan
Maiatzaren 1ean, aspalditikbatzen dira Urkiolan Bilboko, Donostiako eta Gasteizko Eleizbarrutietako misiolari eta lagunak. Gauza bera egingo dabe bihar eta, besteak beste, Ekuadorren 15 urtetik gora emon ondoren, Eleizbarrutira bueltatu diran Benjamin Respaldiza eta Paulino Ordaxen lekukotasunak entzungo dabez.
Asteburuan, Eleizbarrutian izan diran ekitaldien argazkiak
Bokazinoen aldeko Otoitzaldia Begoñako basilikan, Laiko-komunidadeen Mahaiaren Batzar Nagusia, Misiolari Klaretarren sorreraren 175. urteurrena Bilboko Mariaren Bihotza parrokian eta "Junior eguna" Artxandape Pastoral Barrutian, horra hor, asteburuan Eleizbarrutian ospatu diran ekitaldietako batzuk. Ondoren, ekitaldi horreetako argazkiak eta beste hainbat jarduera aurkeztuko doguz.
Otoitzerako erretiroak Barnezabalen eta Suesako monasterioan
Abandoko San Bizente Martiria eta San Frantzisko Xabier parrokietako 19 helduk otoitzerako erretiroa ospatu dabe Suesako monja hirukoiztarren monasterioan, Belen Roderok lagunduta. Beste alde batetik, Sestao Pastoral Barrutiko (PB) talde batek erretiroa egin dau Berrizko Barnezabal gogarte etxean.