Barriak

Ondarearen Europako Jardunaldiak dirala-eta, datorren zapatuz, urriak 11, bisita gidatua egingo da Axpe Busturiako Andra Mari eleizara. Eguerdiko 12:00etarak jarri da hitzordua eta dibulgazinozko bideoa ikusteaz gainera, ibilbidea egingo da Juan Manuel Gonzalez Cembellin eta Raquel Cilla Eleiz Museoko adituen eskutik. 

Indautxuko Karmengo Ama eleizan (Bilbao), organo-kontzertua ospatuko da bihar -urriak 9, eguena, iluntzeko 20:00etan. Miriam Cepeda Begoñako basilikako organistak barrokoko piezak interpretatuko ditu. Sarrera doan da eta jasotako dohaintzak Caritas Bizkaia erakundeak kudeatzen dituan gizarte egitasmoetarako izango dira.

Egunotan ospatzen dihardue Bilbon Kudeaketa Aurreratuaen Europako 31. Astea, Euskalitek antolatuta. Urtero egiten dan ekitaldian, enpresa eta erakundeetan garatzen diharduen eta beste batzuentzat be interesgarri izan daitekezan kudeaketari buruzko gai barriak lantzen dira. 

Urriaren 4an, zapatuz, omenaldia egin eutsen iaz hil zan Juan Mari Lechosa eleizbarrutiko abadeari, Errekaldeko Arrosarioko Andra Mari eleizan. "Nor bere baitan otoitz egiteko giroan", Manu de las Fuentes abadeak otoitzaldia gidatu eta Kolosarrei zuzendutako gutuna gogora ekarrita, abadea honan gogoratu eban: "mandatari mairea, Jainkoaren doe Erreinuaren zerbitzari dan Eleizarentzat". Begoña Cerrato HOAC Bizkaia mobimentuko zabalkunderako arduradunak azaldu ebanez, hasieratik nabarmendu ziran esker ona eta konpromisoa. 

Datorren eguenez, urriak 9, Misinoen Munduko XCIX. Domeka (DOMUND) dala-eta, eta Migrazinoetarako Pastoraltzak eta Misinoetarako Ordezkaritzak antolatuta, misino-lekukotasunen mahaia ospatuko da Barrian (Plaza Barria, 4), Isabel Matilla eta Jaione Lopez misioilari laikoek, Ipar-Hegoaldea ikastaroa egin ondoren joan dan udan Togo eta Bolivian hurrenez hurren misino-esperientzia bizi izan daben Maider Hermoso eta Aimar Tomasek eta Carla Hernandez Zornotzan lekukotutako emakume nikaraguarrak parte hartuko dabe. 

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org

Bihar -domeka- Ondarearen Europako Jardunaldietan, Ziortzako eleiza eta monasterioaren bilakaera eta Elorrioko Argiñetako altxorrak erakutsiko dabez. Simon Bolibar Museoak eta Ziortza-Bolibarreko udalak proposatutako ibilbide gidatua euskaraz egingo da Lea-Artibaiko udalerriko plazan goizeko 10:30etan hasita. Elorrion, txanda bitan bisitatuko da nekropolia: 11:00etan euskeraz eta 12:00etan gaztelaniaz.

"Itxaropenean misiolari herrien artean" goiburuaren haritik ospatuko da gaur eta bihar mundu osoko milaka misiolari batuko dituan Jubileua Erroman. On Joseba Segura Bilboko gotzain eta Misinoetarako eta Eleizagazko Lankidetzarako Espainiako Gotzainen Batzarreko Gotzain Batzordeko presideak be parte hartuko dau ekitaldian, Manuel Heredia Misinoetarako Bilboko ordezkariagaz batera. 

"Itxaropenaren eroale" goiburuaren haritik ospatuko da domekaz Diakonotzaren eleizbarrutiko XI. eguna. Ministerio Ordenaturako Idazkaritzatik azaldu dabenez, goiburu hori aukeratu dabe Jubileu Urtea dalako, horixe dalako hain zuzen be diakonoen ministerioaren bihotza: "Bakardadeak, etsipenak edo bizitzeko gogorik ezak hainbestetan zauritzen dauan munduan, diakonoak Jainkoaren samurtasunaren zeinu izan behar dau, Barri Onaren eta benetako bizitzaren, altararen eta kalearen, fedearen eta fedetik aldenduta sentitzen diranen arteko zubi".

Asteburu honetan, Bizkaiko Foru Aldundiak antolatutako Ondarearen Europako Jardunaldietan, hitzordu aitagarriak doguz. Galdakaon, esate baterako, Andra Mari eleiza bisitatzeko aukera izango da bihar eta etzi, Jesus Muñiz Petralanda historialariaren eskutik. Sopelan, bestalde, Juan Manuel Gonzalez Cembellin Eleiz Museoko zuzendari teknikoak aurkeztuko ditu bihar, 11:00etatik 12:15etara, San Pedro eleizaren ezaugarri eta gorabeherak