Barriak

Pietatea ermita inguruko artearen enborra neurtzek ohiturak 68 urte beteko ditu. Andra Mari eleizako azken kanpai-jotzailearen seme diran Lejarza anaiek eskuz joko dabez kanpaiak egun berezi horretan. Santua prozesinoan eroango dabe eta auzotarrak haren inguruan batuko dira. 

Bizkaian, sinodo-prozesuak aldi erabakigarria biziko dau. Zehaztu dira Bilboko eleizbarrutian bikaritzetan egingo diran batzarren egunak. Batzar erabakigarriak izango dira alkarte ibilbidean. Gurutzetako parrokian (I. eta II. bikaritzak) egingo da lehenengo batzarra otsailaren 28an, martxoaren 14an hurrengoa Zornotzan (IV. eta V. bikaritzak) eta martxoaren 28an hirugarren eta azkena Indautxun (III., VI. eta VII. bikaritzak):

Gaur, otsailak 11, Lourdeseko Andra Mariaren eguna, Gaixoaren Eguna ospatuko da Eleizan eta, hori dala-eta, On Joseba Segura eleizbarrutiko gotzaina buru izango da gaur 19:00etan Santiago katedralean ospatuko dan Eukaristian. Zuzenean jarraitu daiteke web honen bidez.

Eleizbarrutiko ikastetxeak batzen dituan EBI sarean dagoan Otxarkoaga ikastegiak "Uniraid 2026" alkartasunezko rallyan parte hartuko dau, mila kilo osasun-material eroanez Marokora. Oraingoan, gainera, espedizinoar joa dan taldeak antolakuntzaren logistikan be zuzenean parte hartuko dau.

Eskuragarri dagoz 2026ko Garizuma-aldirako bitartekoak. Aurton, ibilbide sinbolikoa aurkeztu da, domekaz domeka "basamortutik Jerusalemerako" Bidea egiteko. Liturgiarako ordezkaritzak prestatutako lagungarriotan honek jasoten dira, besteak beste: oharrak, otoitzak eta keinu bisualak Garizuma-aldian alkarte bizipena ahalbidetzeko.

On Joseba Segura gotzainak berbaldia eskeiniko dau Gotzaitegiak Plaza Barrian daukan egoitzan, hau da, Eleizbarrutiko Teologia eta Pastoraltza Institutuan, 18:30etan. Hain zuzen be, gizon-emakumek gaur egun daben auzirik sakonenaren inguruan jardungo dau: salbazinoa mundu sekularizatuan.

Roman Bilbao Arrospide eleizbarrutiko abadea hil zan atzo -otsailak 8, domeka- Bilbon. Bere arimaren aldeko hileta-eleizkizuna datorren barikuz, otsailak 13, ospatuko da, 18:30etan, Basauriko San Migel parrokian. 

Esku Elkartuak erakundeak sustatuta, munduko gosearen aurkako kanpaina nabarmendu dan asteburuan, izan da beste hainbat jarduera be. Hona hemen: 

"Samariar onaren errukia" goiburuaren haritik ospatuko da datorren eguaztenez, otsailak 11, Lourdeseko Andra Mari eguna, Gaixoaren Munduko Eguna. On Joseba Segura Bilboko gotzaina buru izango da egun horretan 19:00etan Santiago katedralean ospatu eta web honen bidez zuzenean jarraitu ahal izango dan Eukaristian.

Otsailaren 11an, Lourdeseko Andra Mariaren egunez, Gaixoaren Munduko Eguna ospatzen da. "Samariarraren errukia" gaia aukeratu da aurtengo ekitaldirako. Gaixoengan eta pertsona nagusiengan arreta jarrita, Bilboko Lourdeseko Andra Mari eta San Adrian parrokiako talde eta pastoral errealitateek gogoeta eta otoitzerako egun bereziak eskainiko dabez. Eguaztenez, otsailak 11, Lourdeseko Andra Mariaren egunez, gaidxoen oliaduraren sakramentua banatuko da goizez eta arratsaldez eta datorren domekaz, otsailak 15, Ama Birjinaren prozesinoa egingo da. Eguaztenez, otsailak 11, On Joseba Segura Bilboko …