Barriak

Astelehenean-, maiatzaren lehenengo egunez ohikoa danez, Gasteiz, Donostia eta Bilboko Eleizbarrutietako misino-familiakoak alkartuko dirra Urkiolan. Aurton, gainera, izango da ospatzeko arrazoirik, hain zuzen be, aurton, Euskal Eleizbarrutietako Misinoen 75. urteurrena ospatzen da.

Asteburuan, Misino-abestiaren 43. Jaialdia ospatu da Eleizbarrutian, “Muga bako kristauak” erakundearen eskutik. Estatuko 15 Eleizbarrutitik etorritako 600 lagun inguruk parte hartu dau ekitaldian. Zapatu goizez, Indautxu plazan alkartu ziran agintarien aldetik jaso eben harreragaz eta atzo emon eutsen amaiera jaialdiari, Santiago katedralean, On Joseba Segura gotzaina buru zala ospatu eben Eukaristiagaz. Argazkiak: hemen. Gainera, bariku arratsaldez, Bilboko Koral Alkarteak kontzertua eskaini eban Abandoko San Bizente Martiria eleizan, Euskal Eleizbarrutietako Misinoen 75. urteurrena …

Artzain Onaren Domekaz -aurton, apirilaren 30ean-, Bokazinoen aldeko Munduko Otoitz Eguna ospatuko da, sortu barri dan Bokazino Pastoraltzarako Gotzainen Batzarreko (EGB) Zerbitzuak sustatuta eta antolatuta. Egun berean ospatuko da Sorterriko Bokazinoen Eguna be, Aita Santuaren ardurapeko Misino-egintzak (OMP) erakundeak antolatuta. Hori dala-eta, hainbat jarduera antolatu da Eleizbarrutian, besteak beste, bihar -apirilak 25, martitzena-, Begoñako gogarte etxeko areto nagusian, 19:00etan Carlos Gomez-Virseda jesuita, misiolari eta medikuak eskainiko dauan berbaldia: "Bokazino Pastoraltzaren …

"Handian amets" goiburuaren haritik ospatuko da Misino-abestiaren 43. Jaialdia, hain zuzen be, Bilbon, apirilaren 22 eta 23an, “Muga bako kristauak” ekimenak sustatuta. Eleizbarrutiek txandaka antolatzen dabe jaialdi hau eta aurton, Euskal Eleizbarrutietako Misinoen 75. urteurrena dala-eta,  Bilbon ospatuko da. Estatu osoko 15 Eleizbarrutitako ordezkariak batuko dira bizkaitar uriburuan.

Euskal Eleizbarrutietako Misinoek (EEEEMM) 75. urteurrena ospatzen dihardu. Hiru Eleizbarrutiek (Donostia, Gasteiz eta Bilbao) batera antolatutako ekintzak izan dira eta baita Eleizbarruti bakotxak beren-beregi antolatutakoak. Esate baterako, bihar -apirilak 21, barikua-, Bilboko Koral Alkarteak kontzertua eskainiko dau Bilboko Abandoko San Bizente Martiria parrokian, 19:00etan.

Euskal Eleizbarrutietako Misinoek hainbat jarduera egiten dihardue 75. urteurrena ospatzeko. Askotariko ekitaldiak antolatu dabez eta bat baino gehiago martxoan garatu dan Misinoen kanpainaren barruan ospatu dabe eta bada datozan hilabeteetan egingo dan jardueraren bat. Misinoetarako Bilboko Ordezkaritzatik jakinarazo dabenez, urteurrenari buruzko panelak eskuragai dira, norbaitek jarduera edo ekitaldiren batean erabili gura izan ezkro. Zazpi hamarkada ingurutan, misino-egunetan erabili izan dan hainbat kartel jasoten daben 10 panelez osatuta dago. Eskaria egiteko, 94 401 36 99 telefonora …

Euskal Eleizbarrutietako Misinoen 75. urteurrena dala-eta, Donostia, Gasteiz eta Bilboko Eleizbarrutiek denporaldi honetan egin izan diran kanpainetarako kartelen erakusketa ibiltaria -10 panelez osatuta dago- antolatu dabe. Egunotan, Bilboko Santiago katedraleko klasustroan dago erakusketa hori eta datorren apirilaren 16ra arte ikusi ahal izango da kokapen horretan. 

Joan dan asteburuak aparteko misino-kutsua izan dau. Atzo, Eleizbarrutietako Misionen eguna ospatu zan eta gotzaina izan zan buru Santiago katedralean ospatutako Eukaristian: hemen. Misinoetarako Begoñako taldeak azoka txikia ospatu eban hainbat margolan salgai jarriz eta han batutako dirua misino-egitasmoetara zuzenduko dabe. Gainera, zapatuan, NOS UNIMOS - UNISSONS NOUS GKEak eta Balmasedako Udalak NOS UNIMOS EN BALMASEDA / PREMIOS ELKARTASUNA sarien bigarren ekitaldia ospatu eben eta 2015ean hil zan Pruden Escobar Eleizbarrutiko abade eta misiolaria gogoan izan eben.

Atzo, Garizuma-aldiko laugarren domeka, On Joseba Segura Bilboko gotzain eta Euskal Eleizbarrutietako Misinoetarako gotzain ordezkaria buru izan zan, Santiago katedralean eguerdiz ospatu zan Eukaristian. Hasieran esan ebanez, "aparteko eran gogoratu gura dogu 2023 honetan, 75 urte beteten dirala euskal Eleizbarrutiek misino-abenturari ekin eutsenetik". Gotzainak gogoratu ebanez, orduan, 1948an, bakarrik Gasteizko Eleizbarrutia egoan. Gotzainaren esanetan, "Euskal Eleizbarrutietako MIsinoen 75. urteurren hau Jainkoari eskaini gura deutsagu eta esker ona adierazo gura dogu gure misiolariak, …

Gaur, martxoak 19, San Jose eguna, Euskal Eleizbarrutietako Misinoek euren eguna ospatzen dabe. Aurton, era berezian, 75 urte beteten dira-eta lehenengo misiolariak abiatu ziranetik.