23-05-2024 Jesucristo, sumo y eterno Sacerdote
Bizkeliza 5 Gaurkotasuna 5 Barriak ( Page 8 )
 

Barriak

Etiquetado como: Kulturartekoa

Barri-bilatzailea
-(r)en araberako bilaketa “...” Aurkitu dira 1139 Emaitzak.
-(r)en arabera ordenatu
Emaitzak orrialdeka
21.04.2024

Asteko barrien laburpena

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
20.04.2024

Liturgiaren arloei buruzko ikastaroa: sormena eta zehaztasuna

Liturgiari buruzko ikastaroa hiru saiotan garatuko da, apirilaren 25ean, maiatzaren 8an eta ekainaren 6an. Eleizbarrutiko Teologia eta Pastoraltza Institututik (ETPI) azaldu dabe zer dala-eta sortu dan jarduera hau: "pertsona eta alkarte askok fedea eremu bakun, adierazgarri eta zentzuzkoan ospatzeko agertutako premina eta egarriari erantzuteko". Izena emoteko: hemen.

19.04.2024

Bilboko Eleizbarrutian, inguru seguruen alde

Bilboko Eleizbarrutiak, Lagungo Fundazinoagaz eta ikerketarako Deustuko Unibertsitateko talde bategaz, laguntza eta prebentzinorako neurriak martxan jarri gura ditu askotariko errealidadeetan dagozan adin txikikoak hobeto babesteko. Horretarako, galdeketa egingo dau, lurraldez lurralde egoera zein dan jakiteko. Normalean, adin txikikoakaz eta ahulezian dagozan umeakaz jarduten daben pertsonei bialdu jake galdeketa hori eta maiatzaren 19ra arte erantzun ahal izango da. 

19.04.2024

'Arizmendiarreta' saria Caritas Bizkaia erakundearentzat

Datorren astelehenez, apirilak 22, Markina-Xemeingo Barinagako elizateko Iturbe baserrian gertatu zan Jose Maria Arizmendiarrieta abadearen jaiotzaren urteurrena ospatuko da. Hori dala-eta, Arizmendiarrieta Kristau Fundazioak abadearen aparteko gomuta egingo dau. Beneragarriaren kristau humanismoan oinarrituta, inklusinoa, parte-hartzea eta antzeko balioak ezartzen dabezan enpresa eta erakundeak nabarmenduko dira. Irabazi-asmo bako erakundeen artean, Caritas Bizkaia erakundeari emongo deutse saria. Ingeteam autortuko dabe enpresen arloan. Ekitaldia goizeko 9:00etan ospatuko da Deusto Business …

19.04.2024

Apirilak 28: Gizalegezko Lanaren aldeko Eleizbarrutiko Eguna

Apirilaren 28an, domekaz, Gizalegezko Lanaren aldeko Eleizbarrutiko IV. Eguna ospatuko dogu, "Tenemos derecho al cuidado con derechos! Zaintzaren eskubidea. Ekinbidea!" goiburuaren haritik. Karidade eta Zuzentasunerako Ordezkaritzatik azaldu dabenez, Eleizbarrutiko Egun honek lagungarri izan behar dau "kontzientzia hartzeko, gogoeta egiteko eta ekintzara jo eta zaintzen gizartearen alde egiteko, zaintza ahalbideratzen daben pertsonen eta, batez be, ahulenen eskubideak autortuz".

18.04.2024

Labayru Fundazioaren Euskal Biblioteka Ander Manterola deituko da aurrerantzean

Labayru Fundazioak urteko Batzar Nagusia egingo dau apirilaren 22an. Urtero moduan, Labayruko kide guztiak deialdi honetan parte hartzera gonbidatuak izan dira. Bertan urtean zehar egindako egitasmoak errepasatu eta aztertuko dabez alkarragaz. 

18.04.2024

Eleizaren deia bokazinoen alde otoitz egiteko

Apirilaren 21ean ospatuko dogun Pazko-aldiko laugarren Domekaz -Artzain Onaren domeka deitutakoan-, 2015etik aurrera ohikoa danez, jardunaldi bi ospatuko dira: Bokazinoen aldeko Munduko Otoitz Eguna eta Tokian tokiko Bokazinoen aldeko Eguna. Aurton, egun horretan hauteskundeak be ospatuko diranez, sentiberatasuna bizteko kanpaina egingo da eta hurrengo domekan, apirilak 18, Eukaristia ospatuko da, gotzaina buru dala, Begoñako basilikan, 18:0etan, eta eleizkizunean seminariorako eta diakonotzarako hautagaiek irakurle eta akolito ministerioa jasoko dabe. 

17.04.2024

Parte hartu gura dozu eztabaida-leku eta topaketa baten?

Datorren astean, hitzaldi saila ospatuko da, "Estoy llamando a tu puerta - Harrera, gure erronka!", goiburua ardaztzat hartuta eta Loiola zentroak eta Eleizbarrutiko Teologia eta Pastoraltza Institutuak (ETPI) antolatuta. Hitzaldiok apirilaren 22, 23 eta 224an izango dira, 18:30etan, Arrupe Etxean. Izena emotea: https://bit.ly/Forodialogo2024 (5 euroko borondatezko laguntza eskatuko da egun bakotxerako).

16.04.2024

3.000 eskaut batuko dira Urkiolan

Euskalerriko Eskautak mobimentuko kideak Gorka Deuna euren zaindariaren eguna ospatzeko eta eskaut mobimentuaren 65. urteurrena gogoratzeko batuko dira. Aurton, esanahi erlijiosoagaitik zein inguratzen dauan naturagaitik adierazgarri dan Urkiolako santutegiaren inguruan alkartuko dira. "Gure iragana ospatuz eta gure etorkizuna eraikiz" goiburua ardaztzat hartuta ospatuko dabe eguna. 

16.04.2024

Azoka solidarioa Altamiran, Palestinako umeen alde

Datorren domekaz, apirilak 21, azoka solidarioa ospatuko da, Altamirako Hirutasun Santua parrokiak antolatuta. Altamira auzoko frontoian izango da, 11:00etatik 18:00etara. Batu daiten diruaren zati bat Palestinako umeentzat izango da eta beste zati bat parrokiara iristeko arrapala eraikitzeko.

Emaitzak orrialdeka