Barriak
Etiquetado como: Katedrala
Gotzaina izango da buru katedralean ospatuko diran Aste Santuko eleizkizunetan
On Joseba Segura Eleizbarrutiko gotzaina buru izango da Santiago katedralean ospatuko diran Aste Santuko eleizkizunetan. Honeek, zuzenean emongo dira web honen bitartez eta baita Radio Popular-Herri Irratian be.
Gotzaina, pregoilari Bilboko Aste Santuan
Bihar, iluntzeko 20:00etan irakurriko da Aste Santuko pregoia Santiago katedralean. Penitentziazko Kofradien Ermandadeak On Joseba Segura Bilboko gotzaina aukeratu dabe pregoilari. Azaldu dabenez, "kofradiei erakutsitako babesa, eurak Eleizbarrutiaren bizitzan txertatzea eta euren barruko barrikuntza sustatuz, erabakigarria izan da 2024ko Aste Santuko pregoilari …
Hausterre Eguneko Eukaristia, zuzenean, katedraletik
Irudian klik eginez, zuzenean parte hartu daiteke Eukaristian. Eleizbarrutiko youtube kanaletik eta facebooketik be emongo da.
Gotzaina buru dala ospatuko dan Jaunaren Agerkundearen eguneko mezaren zuzeneko emonaldia
Eguerdiko 12:00etan hasiko da On Joseba Segura Bilboko gotzaina buru dala Santiago katedralean ospatuko dan Jaunaren Agerkundearen Eguneko Eukaristia.
Jaunaren jaiotzaren eguneko Eukaristia katedraletik, On Joseba Segura gotzaina buru dala
On Joseba Segura Bilboko gotzaina buru dala Santiago katedralean eguerdiko hamabietan ospatuko dan Jaunaren jaiotzaren eguneko Eukaristiaren zuzeneko emonaldia.
Asteburuan, erretiroak, ospakizunak eta urteurrena
Joan dan zapatuz, abenduak 2, Ahalmen-urritasunen bat daben Pertsonen Nazinoarteko Egunez, Eukaristia ospatu zan Santiago katedralean, Kerman Lopez bikario nagusia buru zala. Egun berean gogoratu zan Euskeraren Eguna be, hainbat jardueraren bidez. Gainera, zapatuz, Gernikaldea Pastoral Barrutiak bere 10. urteurrena osptu eban, HOAC Bizkaia mobimentuko militanteek Abendualdiko …
Santiagoko katedralaren arrosa-leihoaren barne historia
Santiago katedraleko arrosa-leihoa kolore biziko mosaikoa da, batez be kolore gorriak eta urdinak nagusitzen dira bertan. Erdigunean Santiago zaindaria dago. Eta arrosa-leihoaren azpian beirateetan, apostoluak Jesusen inguruetan. Kanpotik ez dira ikusten baina barrutik ikusgarriak dira. Bazenkian antzina arrosa-leihoa baino lehenago, beiratea egoala bertan?
Santiago Apostoluaren eguneko eleizkizuna, zuzenean
Eguerdiko 12:00etan hasiko da Santiago Apostolu eta Bilbao uriaren zaindariaren egunez bere izenpeko katedralean ospatuko dan Eukaristia. Zuzenean jarraitu daiteke web honen bidez.
Santiago Bilbao uriaren zaindariaren egunez, Eukaristia katedralean
Gaur, uztailak 25, Santiago Apostolu eta Bilbao uriaren zaindariaren eguna ospatzen da. Luis Alberto Loyo katedraleko deana buru izango da Santiago katedralean eguerdiko 12:00etan ospatuko dan Eukaristian. Zuzenean jarraitu daiteke web honen bidez.
Krisma-mezaren zuzeneko emonaldia
On Joseba Segura Bilboko gotzaina buru izango da Krisma-mezan, Santiago katedralean, 11:00etan.
Nelkaldi bizidunak Balmasedan, Arkotxan eta Durangon
Hiru herriotan, aspalditik eusten deutse usadio honi. Balmasedan, esate baterako, bihar goizeko 9:30etan antzeztuko dan Nekaldi Bizidunak 50.000 bisitari inguru erakarten dau urtero. Egitaraua, ibilbidea eta sarrerak: hemen. Prozesinoez eta Nekaldi bizidunaren biharko antzezpenaz gainera, azken afariaren antzezpena egingo da gaur, hain zuzen be, Durangon. Hiru egunez antzezten dabe, atzo, lehenengo aldiz, gaur eta bihar. Gehiago jakiteko: hemen. Azkenik, Zaratamoko Arkotxa auzoan, antzezpena 11:00etan hasiko da eta hiru orduko iraupena izango dau.
30 metroko altuerako Athleticen kamiseta Derioko Seminario Zentrum eraikinean
20 metroko zabalerako eta 30 metroko altuerako Athleticen kamiseta -600 metro karratu eta 300 kiloko olana mikrozulatua- jarri dabe Derioko Seminarioa zanaren Seminario Zentrum eraikinaren erdiko torrean. Eraikin horretan, enpresa- eta zerbitzu-alkarteak jarduten dau, guztira, 3.000 lagun inguruk.
Alkartasuna Lurralde Santuaren alde
Bariku Santuz, urtero, Leku Santuen aldeko Egun berezia ospatzen dogu. Hori dala-eta, Anai Francesco Patton Lurralde Santuko Jagoleak mezua idatzi dau: "Pandemiaren eraginez urte bi inguru kolokan emon ondoren, urriaren 7an beste gerra bat biztu zan bat-batean Lurralde Santuan. Milaka heriotza eragiteaz gainera, beste behin be blokeatu egin zan erromesen bisita, gure gazteak luzaroan eskolara joan gabe geratu ziran eta Lurralde Santuko kristau asko eta asko, batez be Belenen eta Palestinan eta baita Jerusalemeko Uri zaharrean eta Israelen be, lan barik geratu zan".
Bizimodu hobearen bila euren etxea izten daben emakumeak gogoratuko dabez 'Bizkaia isilik' bilkuretan
Hilaren azken eguaztenez ohiko bihurtu danez, 'Bizkaia isilik' bilkurak egingo dira gaur, "etorkin eta errefuxiatuek jasaten dabezan bidegabekeriak salatzeko". Bilkurak 19:30etan egingo dira ohiko lekuetan: Bilbon, Arriaga plazan; Portugaleten, Gregorio Uzkiano kalean; Barakaldon, Bide Onera plazan; Galdakaon, Iturriondo plazan; Durangon, Andra Mari eleizpean; Balmasedan, San Severino plazan, Getxon, Telletxe plazan (metroaren ondoan) eta Zornotzan, Herriko plazan.
Gazteek Kurutze-bidea egin dabe Durangon
Atzo, Astelehen Santua, Durangon gazteek emon eutsen hasiera Aste Santuari. Alex Alonsolurraldeko bikarioak amaieran azaldu ebanez, "Aita Santuak Lisboako GMJ ekitaldian idatzi eban Kurutze-bidearen haritik otoitz egin dogu eurakaz". Gazteak txandakatu egin ziran egonaldiz egonaldi kurutzea eroateko, "nor bere baitan bilduta".
Gazteen Pazkoak
Bihar -eguaztena- hasiko dira gure Eleizbarrutian ospatuko diran Pazko gehienak. "Jesusen antzera, abegi egin" proposatu jake aurton gazte eta gaztetxoei Pazkoa bizi daien. Fede-zabalkunde eta Katekesirako Eleizbarrutiko Ordezkaritzako Haur eta Gazteen sailetik azaldu dabenez, "aukera ona da Pazko Hirurrenarenera zentzuz eta sakontasunez hurreratzeko, egunok Eleizbarrutiko beste pertsona eta talde batzukaz batera biziz".
Juan Ignacio Bilbao Alcatena onberatasun handiko gizona hil da
Martxoaren 23an, zapatuz, Juan Ignacio Bilbao Alcatena Eleizbarrutiko abadea hil zan Bilbon, 92 urte ebazala. Bere arimaren aldeko hileta-eleizkizuna gaur ospatuko da 18:00etan, Plentziako Andra Maria Magdalena parrokian.
Eleizbarrutiak Erramu-domeka ospatu eban atzo
Atzo, Erramu-Domeka, hasiera emon jaken Aste Santuko eleizkizunei. On Joseba Segura gotzaina buru izan zan Santiago katedraleko ospakizunean eta web honen bidez zuzenean ikusteko aukera izan zan: hemen.