Barriak

Ebanjelizatzearen Eleizbarrutiko Egitasmoaren sustapenaz arduratzen dan taldeak Abendualdirako lagungarriak prestatu ditu. Domeketako Eukaristietan zein katekesian, ikastetxeetan edo erakundeetan erabili daitekez aldi hau prestatzeko. Kurtsorako kartela oinarritzat hartuta, iragarri, ospatu, alkartea eta zerbitzua Egitasmoaren lau alderdiakaz bat datozan lau piezez puzzlea osotzea da helburua. Lau astetan, eremu horreetan eredu edo lekuko diran pertsona edo errealitateak identifikatu gura dira. 

"Vicente Zabala" kultur alkarteak ekitaldia ospatuko dau gaur arratsaldez Vicente Zabala (Tolosa 1931-Durango 2004) abade jesuita omentzeko. Arduradunek azaldu dabenez, "berbaldi-solasaldiaren bidez, Zabala gogoratuko dogu eta partaideek edozein unetan hitz egiteko aukera izango dabe". Ekitaldia Arrupe aretoan (Jesuitak, sarrera Kurutziagatik) izango da, 19:00etan. Zabalak euren bokazinoaren bereizketan lagundu eutsen Dionisio Larrañaga, Iñaki Loinaz eta Vicente Vide Durangoko abadeek parte hartuko dabe. 

`Eleizea plazara´ azokan aurkeztuko dau bere burua Bizkaiko Eleizak jentaurrean eta dagoeneko prest da ekitaldi hori iragarriko dauan kartela. Derion ospatu zan kurtso hasierako ekitaldian erabili zan irudiaren moldaketa da. 

On Joseba Segura Bilboko gotzainak Burgoseko Eleiz Probintziako gotzainek Burgoseko Artzapezpiku-barrutiko Ispiluen gelan ospatu daben batzarrean parte hartu dau.Bilboko gotzainagaz batera, han izan dira Abilio Martinez Osma-Soriako gotzaina, Mikel Garciandia Palentziako gotzaina, Juan Carlos Elizalde Gasteizko gotzaina eta batzar-buru izan dan Mario Iceta Burgoseko artzapezpikua.

Valentziako eta Levante inguruko beste hainbat lekutan Dana denporaleak eragin dauan hondamendiaren ostean, alkartasuna martxan da. Hainbat erakundek, esate baterako, kaltetuei diruz-laguntzeko kanpainari ekin deutsan Caritas Bizkaiak, sustatzen diharduen jarduerei beste hainbat ekimen solidario gehitu jako. Karrantzan, adibidez, herritarrek laguntasuna bialdu deutse kaltetuenen artean dagoan Paiporta herriari: "Zoriak hala nahita, Luis Paiportako herritarra Karrantzan egoan dana gertatu zanean. Ezin eban sinistu be egin amak telefonoz inotsona, harriak sekula ez daualako jasan uren …

Azaroaren 14an, Eleizbarrutiko Teologia eta Pastoraltza Institutuak (ETPI) antolatuta, klimaren aldakortasunean aditua dan Eduardo Agosta karmeldarrak berbaldia eskainiko dau Bilbon (Barria, Plaza Barria, 4. 18:30etan), "Ekologia, lurraren garrasia, pobreen garrasia da" goiburuaren haritik.Azaroaren 17an ospatuko dan Pobreen Munduko Egunari lotuta ospatuko da berbaldi hau. 

Atzo ospatu zan Bilbon 'Foro Alkargunearen' II. ekitaldia Bilbon. On Joseba Segura gotzaina bertan zala eta Sebastian Mora Comillaseko Pontifize Unibertsitateko etika-irakasleak gidatuta, hainbat aukera politikotako pertsonak eta unibertsitate, eleiz, sindikatu eta gizarte arlokoak batu ziran. "Sinodo-seneko Eleizaren ikuspuntutik gaur egungo erronka etiko, ekonomiko, kultural eta sozialak aztertzeko eta horreen inguruan alkarrizketan jarduteko topaguneak sortzeko" helburuagaz sustatutako Eleizbarrutiko gizarte asteen barruan ospatu zan ekitaldia. Atzoko gogoeta eta ondorio nagusiak …

Basurtuko ospitalean jarduten dauan Arreta Erlijioso eta Espiritualerako Zerbitzuak (AEEZ) antolatuta, Eukaristiak ospatuko dira ospitalean, azken urtean bertan hil diran guztien alde. Ana Perez Pons Basurtuko AEZZko kidearen esanetan, "lagun horreek gogoan izango doguz eta Jainkoari eskerrak emongo deutsaguz euren bizitzengaitik". Gaur, eguaztena, ospatuko da lehenengo Eukaristia eguerdiko 12:00etan, eta hurrengoak azaroaren 8, 11 eta 13an izango dira, ordu berean ospitaleko  kaperan. 

Datorren domekaz, azaroak 10, lekuko Eleizen Eguna, hau da, hemen, Bilboko Eleizbarrutiaren Eguna, ospatuko da. Goiburu beraren haritik ospatuko da Eleizbarruti guztietan: "Eta bila ari zarana zure barruan balego?". Bizkaian, aurton, kutsu berezia dau jardunaldiak, Eleizbarrutiaren sorreraren 75. urteurrenaren barruan ospatuko dalako. Hori dala-eta, On Joseba Segura gotzainak mezua idatzi deutse eleiztarrei, "bizitza osoa bokazinotzat hartzera" bultzatuz. Gainera, azken urteetako bideari jarraituz, ekonomia eta pastoral jarduerari buruzko barriak eskaini dira. 

Bilboko Loiola zentroak, Arrupe Etxea Kristau Bizitzarako alkarteak (CVX) eta Bilboko Eleizbarrutiak (Fede-zabalkunde eta Katekesirako ordezkaritzako helduak eta familia saila) "Familiaren erlojua" bitartekoa jarriko dabemartxan azaroaren amaieran, familia bakotxaren egitasmoa sustatzeko, edozein izanda be bizi dauan unea eta inguruabarra.