Barriak
Etiquetado como: Katedrala
On Joseba Segura gotzaina buru dala ospatuko da hautsaren ezarpenerako eleizkizuna katedralean
Gaur, Hausterre-eguna, Garizumari hasiera emongo jako eta Eleizbarrutiko parrokietan eleizkizunak ospatuko dira hautsa ezartzeko. Bilboko gotzaina buru izango da Santiago katedraleko ospakizunean. 19:00etan, eta web honen bidez zuzenean ikusi ahal izango da.
Ezagutzen dogu Santiago katedraleko arrosa-leihoa?
Urtarrilean hasita, eta Eleiz Museoaren laguntzagaz, "Alkarren Barri / Comunicación" Eleizbarrutiko aldizkariak gure eleizetako arrosa-leihorik interesgarrienetako batzuen inguruko artikuluak aurkeztuko ditu. Lehenengoa, Santiago katedraleko arrosa-leihoari eskainita dago.
Katedralean ospatuko da eleizkizun ekumenikoaren zuzeneko emonaldia
Kristauen Batasunaren aldeko Otoitz Astea (urtarrilaren 18tik 25era) dala-eta Santiago katedralean 19:00etan ospatuko dan eleizkizun ekumenikoa zuzenean emongo da web honen bidez.
"Aita Santua, teologo jakintsua eta fededun otoizlaria izan da"
Gaur eguerdian, Bilboko gotzaina izan da buru Benedikto XVI.aren aldeko hileta-mezan, Bilboko katedralean. Fededun ugari batu da aita santu erretiratuaren alde otoitz egiteko. Katedraleko kapituluko, gotzain kontseiluko kideek eta beste hainbat abadek emon dabe alkar-meza, web orrialde honen bidez zuzenean emon dana. On Joseba Segura gotzainak, aita santu alemanak eskaini …
Benedikto XVI.a Aita Santu erretiratuaren aldeko hileta-mezaren zuzeneko emonaldia
Zuzenean, 12:00etan, web honetan.
Hileta-meza Benedikto XVI.a aita santu erretiratuaren alde bihar, Bilbon
Bihar, zapatua, urtarrilak 7, 12:00etan, On Joseba Segura Eleizbarrutiko gotzaina buru izango da abenduaren 31n hil zan Benedikto XVI.a aita santu erretiratuaren aldeko hileta-mezan. Web orrialde honek zuzenean emongo dau Eukaristia.
On Joseba Segura gotzaina buru dala, katedralean ospatuko dan Jaunaren jaiotzaren eguneko Eukaristia, zuzenean
Gabon-aldiko ospakizunetan ahalik eta gehienek parte hartu daien, batzuk zuzenean emongo dira web orrialde honetan, Radio Popular-Herri Irratian, Bizkaia Irratian eta baita Telebilbaon be.
Gabonetako hainbat ospakizun emongo da zuzenean
Aurtengo Gabon-aldiko ospakizunetan ahalik eta jente gehienek parte hartu daian, zuzeneko hainbat emonaldi izango da web orrialde honetan, Radio Popular/Herri Irratia eta Bizkaia Irratia Eleizbarrutiko irratietan eta Telebilbao katean.
Sortze Garbiaren eguneko ospakizunaren zuzeneko emonaldia
Eguerdiko 12:00etan, On Joseba Segura gotzaina buru dala, Sortze Garbiaren eguneko Eukaristia ospatuko da katedralean.
On Joseba Segura gotzaina: "Horma eta harresi bako Eleiza gura dogu"
Zapatuz, ezintasunen bat daben pertsonen aldeko nazinoarteko eguna ospatu zan. On Joseba Segura Eleizbarrutiko gotzaina buru izan zan, Santiago katedralean ospatu zan Eukaristian, eta beragaz alkar-meza emon eban Sergio Buiza Karidade eta Zuzentasunerako Ordezkaritzako ezintasunen arloko arduradunak. Aitatutako ordezkaritzako hainbat kide be izan zan ospakizunean eta …
Jacinto Batiz: "Errukiak pasibo ez ezik eraginkor izan behar dau"
Horixe esan eban, besteak beste, zapatuz, Jacinto Batiz doktoreak, Propagandisten Ekintza Katolikoak antolatuta, asteburuan Bilboko Euskalduna jauregian ospatu diran 'Katolikoak eta Bizitza publikoa Euskal Herrian' jardunaldien XVIII. ekitaldian. Aurton, "Fedeak bildurra garaitu egiten dau" goiburuaren haritik ospatu dira.
Lourdeseko Bizkaiko Hospitalitatearen erromesaldia Xabierrera
Ehun lagun inguruk -gaixo, hospitalitateko kide eta erromes- parte hartu dau, Lourdeseko Bizkaiko Hospitalitateak antolatuta, Xabierrera egin dan erromesaldian. Zapatuz Xabierren izan ziran eta atzo -domeka- Iruñan. Urrian, urtero, Lourdesera egiten daben erromesaldiaz gainera, urtean zeha beste hainbat jarduera be antolatzen dau Hospitalitateak, esate baterako, asteburuan Nafarroara egin dauan erromesaldia eta eguaztenez, Indautxuko Karmeneko Ama parrokiako areto nagusian, 19:30etan Carlota Valenzuelak eskainiko dauan berbaldia.
Zelan arindu emozino-sufrimentua itxaropena sortuz
Datorren maiatzaren 5ean, Pazkoaldiko VI. Domeka, Gaixoaren Pazkoa ospatuko da. Egun honen inguruan, parrokia alkarteak gaixoengana, honeen senideengana eta osasun arloko profesionalengana hurreratzen dira. Eurakaz batera eta euren alde otoitz egiten dabe eta gaixoen oliaduraren sakramentua emoten da. Gainera, Osasun Pastoraltzak antolatuta, berbaldia ospatuko da apirilaren 17an, eguaztenez, eta Deustuko Unibertsitatean etika-irakasle eta gizarte- eta osasun-zerbitzuetako labuntza-etikaren garapenerako aholkulari dan Marije Goikoetxea izango da hizlaria.
Astekoak, asteko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
BAM Irakasleen Unibertsitate Eskolak 75 urte bete ditu
"Begoñako Andra Mari" Irakasleen Unibertsitate Eskolak orain dala 75 urte, hain zuzen be 1948an ekin eutsan bere ibilbideari Teresiar erakundean. 1973an, Eleizbarrutiak bere gain hartu eban eskolaren titulartasuna eta Unibertsitate Eskkola bihurtu eban, karrera eta lanbidea goragoko mailan kokatuz. Denporaldi honetan, Lehen eta Bigarren Hezkuntzako 10.000 irakasle baino gehiago hezi da, askotariko ikasketa-planakaz eta askotariko testuinguru eta errealitate historikotan.
Errekebia gehiegikerien prebentzinorako batzordeko zuzendaritzan
Zuzendari barria dago Adin Txikikoen Babes eta Sexu Gehiegikerien Prebentzinorako Batzordean. Bizkaiko Adsis komunitateko kide dan Jose Enrique Varas bilbotar abadea da zuzendari barria. 1964an jaio zan eta soziologo eta teologoa da. Valdivian (Txile) egin zan abade, bertan hogei urte inguru igaro ebazan-eta. Orain dala bederatzi urte bueltatu zan Bizkaira eta San Francisquito parrokiara (Santutxu) bialdu eben. Covidaren eraginez denporaldi luzea bajan emon ondoren, Enkarterrin jarduten dau, Mendiarte Pastoral Barrutian. "Gogoz eta ilusinoz" hartu dau Carlos Olabarriren lekua, taldearen …
Kontzertua Lekeitioko organoaren barriztapenaren alde
Bihar -apirilak 23, zapatua- kontzertua ospatuko da Lekeitioko Andra Mariaren Zeruratzea basilikan, 20:00etan, bertako Cavaille Coll organoaren barriztapenaren alde. Ehun eta hirurogeta hamar urteren buruan, organoa hondatu egin da: aire-ihesak haize-kaxa eta hauspoetan, mekanismoa hondatuta, tutuak egoera txarrean, e.a. Parrokiatik azaldu dabenez, "oraindik liturgia girotzeko balio badau be, ez dau, ezta ezelan be, jatorriko indarrik eta ezin da kontzertuetarako erabili. Horregaitik, preminazkoa da musika-tresnaren barriztapen sakon eta duina".
Larrea gotzainak kopa altxatu ebanean
Berrogei urte igaro dira Athletic taldeak Begoñako Amatxuri kopa eskaini eutsan azken alditik. Mila lagun baino hurreratu zan basilikara unea bizitzera. Larrea gotzainak egin eutsen harrera, esanez: "gure herriaren senidetasunaren ikur zarie". Eguneko kroniken arabera, "ez zan kanpairik behar izan" eleiztarrak basilikara erakarteko, ingurua jentez lepo bete-zan eta zuri-gorriak hara iritsi baino askoz aurretik. Ospakizunari hasiera emoteko, 'Agur Jaunak!' abestu zan. On Luis Maria Larrea gotzainagaz batera, alkar-meza emon eben On Joan Maria Uriarte gotzain laguntzaileak, Fernando …
Batxilergorako aurre-matrikula zabalik EBI sareko ikastetxeetan
Apirilaren 19ra arte zabalik da 2024-25 ikasturterako aurre-matrikula egiteko epea, EBI Elizbarrutiko Ikastetxeak sareko kide diran Bilboko Somorrostro, Begoñazpi ikastegietan; Sopuertako San Viator ikastetxean; Sodupeko Avellaneda ikastetxean; Gernikako San Fidel ikastetxean eta Barakaldoko La Inmaculada ikaxtetxean.
“José Antonio, lagundu gure herri honi jakituria eta gizatasunez betetako erabakiak hartzen”
Gaur arratsaldeko zazpietan hasita ospatu da Jose Antonio Ardanza lehendakariaren aldeko hileta-mez Elorrioko Sortze Garbia basilikan. On Joseba Segura Bilboko gotzaina izan da buru eleizkizunean eta On Mario Izeta Burgoseko artzapezpikuak, On Fernando Prado Donostiako gotzainak; Carlos Garcia LLata Gasteizko bikario nagusiak, Alex Alonso lurraldeko bikarioak eta Iñaki Jauregi eta Juan Vicente Gallastegi oraingo eta aurreko parrokoek alkar-meza emon dabe.