Barriak
Etiquetado como: Aizu
'Aizu!!!' Langile Pastoraltzaren agerkari barria Emakumearen Nazinoarteko Eguna dala-eta
Bilboko Eleizbarrutiko Langile Pastoralzak Aizu!!! agerkariaren 93. alea kaleratu dau, "alkarte abegitsu eta barneratzaile" izateko oinarriak jarri guran. Horretarako, lagun bakotxak etxean, aske eta protagonista sentitu behar dauala dinoe. Datorren martxoaren 8an Emakumearen Nazinoarteko Eguna ospatuko dala-eta, zera esaten da: "ezinbestekoa dogu eginahalak egitea, …
"Aizu!!!" barria, Emakumeen aurkako Indarkeria Deuseztatzearen aldeko Eguna dala-eta
Datorren zapatuz, azaroak 25, Emakumearen aurkako indarkeria Deuseztatzearen aldeko Nazinoarteko Eguna ospatuko da. Hori dala-eta, Bilboko Eleizbarrutiko Langile Pastoraltzak Aizu!! agerkariaren ale barria kaleratu dau, errealidade horren inguruko datuakaz eta sentiberatasuna bizteko, salatzeko eta abegi egiteko deiagaz.
Minutuko isilunea, laneko ezbeharren biktimen alde
"Lana bizigai. Gizalegezko lana - Lan osasungarria" goiburuaren haritik ospatuko da datorren domekaz, apirilak 23, Gizalegezko Lanaren aldeko Eleizbarrutiko III. Eguna, lanean biziaren zaintza nahitaezkoa dala nabarmenduz. Langile Pastoraltzak, egun hau dala-eta, Eukaristien ostean, eleizen aurrealdean, laneko ezbeharren biktimen aldeko "alkartasun zeinua" egitea …
Atzo, 15 urteko neskatoa hil eben. Bestebakar bat bez!
Gaur, Emakumeen aurkako Indarkeria Desagerrarazotenko Nazinoarteko Egunean, Bilboko udalak antolatutako ekitaldi instituzionalean parte hartu dau Eleizbarrutiak, "indarkeria matxistaren gaitzespena jentaurrean agertzeko". Azkuna Zentroko atarian ospatu dan ekitaldian, Juan Mari Aburto alkatea izan da buru eta emakumeen aurkako indarkeriaren kotrako eta emakumeen eta gizonen arteko desbarditasuna gaitzesteko artikulu-, olerki-, abesti-txatalak irakuri dira. Dorleta Alberdi komunikazinorako Eleizbarrutiko saileko zuzendariak esku-hartu dau Bizkaiko Eleizaren izenean.
Urteurrena, alkartasuna eta ekitaldiak asteburuan
Caritas Tabirak 25. urteurrena ospatu eban joan dan zapatuz Durangon. Gainera, "haurtzaro solidarioa" azoka ospatu zan Gernikako plazan eta HOAC mobimentuko Bizkaiko hainbat militantek asteburuan Ávilan ospatu zan mobimentuaren batzarrean parte hartu eban. Ondoren, honeen eta asteburuko beste hainbat ekitaldiren barri:
Errekarte Pastoral Barrutiaren eguna ospatu dabe
Atzo -domeka- ospatu zan Errekarte Pastoral Barrutiaren (PB) eguna, Gurutzetako Mariaren Bihotz Garbia parrokian. Bertaratutakoei ondo etorria egin ondoren, adinaren araberako taldeak (umeak, gazteak, helduak) egin ebezan "Sinodo-sena biziz" goiburuaren inguruko jarduerak egiteko.
Erretiro-otoitzaldia I. bikaritzan, Portugaleten
Joan dan zapatuz, azaroak 23, I. bikaritzako ekipo ministerialetako eta pastoral arloetako 56 lagun batu ziran erretiro-otoitzaldian, Portugaleteko San Inazio parrokian, Miguel Angel Esnaola Karrantza eta Lanestosako abade eta Ekumenismorako eta Eleizen arteko hartu-emonerako gotzain ordezkaria gidari zala.
Eleizbarrutiko ordezkaritza emakumeen aurkako indarkeria desagerrarazoteko nazinoarteko eguneko ekitaldi instituzionalean
Gaur, azaroak 25, emakumeen aurkako indarkeria desagerrarazoteko nazinoarteko eguna da. Hori dala-eta, ekitaldi instituzionala ospatuko da Azkuna zentroan 11:00etatik aurrera. Juan Mari Aburto Bilboko alkatea eta Itziar Urtasun bardintasunerako zinegotzia buru dirala indarkeria hori desagerrarazotearen aldeko agiria irakurriko da. Dorleta Alberdi komunikazinorako saileko zuzendariak ordezkatuko dau Eleizbarrutia ekitaldian. Beste alde batetik, Langile Pastoraltzatik Aizu!!! agerkariaren 95. alea kaleratu dabe gai honen inguruko lekukotasunakaz eta, besteak beste, zera dinoe: "indarkeria …
Asteko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Gernikan, "haurtzaro solidarioa' ospatuko dabe
Bihar -domeka-, hogei urte bete dituan "haurtzaro solidarioa" Gernikan sustatzen dan egitasmo solidario honen ekitaldi barria ospatuko da. Katekesiko familiek sustatuta eta Iparralde-Hegoalde misino-taldeak koordinatuta egiten da. Aurreko asteetan, salgai jarteko gauzak biltzen ibili dira. Azoka, Gernikako merkatu-plazan egingo da 12:00etatik 14:00etara eta, aurretik, meza ospatuko da 12:00etan, Mesedetako monjen komentuan.
Asteburuan, "Bizkaiko hotsak" organo-jaialdia Abadiñon eta Elorrion
Gaur arratsaldez, Juan San Martinek organo-kontzertua eskainiko dau Abadiñoko San Trokaz eleizan, 19:30etan. Bihar, zapatuz, Roberto Fresco izango da protagonista Elorrioko Sortze Garbia basilikan iluntzeko zortzietan ospatuko dan ekitaldian. Emonaldi honeek “Bizkaiko hotsak” Diego de Amezua organo-jaialdiaren XIX. ekitaldiaren barruan egingo dira.
Caritas Tabiraren 25. urteurrena, bihar, Durangon
Caritas Tabirak Zidarrezko Ezteguan ospatzen dihartu "25 urte, abegia, itxaropena eta aukera eskainiz" goiburuaren haritik. Hogeta bost urteotan, Caritas Tabirak askotariko erronkei egin izan deutse aurre, "beti be konprometitutako boluntarioen lan nekaezinagaz". Apirilean, erakusketa ibiltaria jarri zan martxan, egitasmo eta egitarauen bidez Caritas Tabiraren lana sustatzeko eta urteurreneko ekitaldi nagusia bihar -zapatua- izango da Maristen Durangoko ikastetxean, 10:30etatik 13:30etara.
Otxarkoaga ikastegiaren historiari buruzko liburua
Atzo, 102 urte bete ziran Diego Berguices Otxarkoaga ikastegiaren fundatzaile izan zana jaio zanetik. Hori dala-eta, ikastegia zabaldu zanetik 60 urte bete diranean, heziketa alkarteak ospakizuna egin eban. Fundatzailea gogora ekarteaz batera, omenaldia egin eutsen 60 urteko ibilbidean ikastegiaren hazkundean esku-hartu dauan hainbat laguni. Era berean, lanbide heziketarako ikastegiaren bizitzako unerik nabarmenenak jasoten dituan liburua aurkeztu zan.