Barriak
Etiquetado como: Amorebieta-Etxano
Zornotzatik ozen berba eta otoitz eginez
Atzo -eguaztena-, baterako ekitaldia ospatu eben Zornotzako parrokiek eta Karmengo Ama ikastetxeak, "Giza eskubideen jubileua" goiburuaren harira. Une bitan egin zan: goizez, ikastetxeko ikasle eta irakasleek eta Andra Mari parrokiako hainbat legunek ozen berba egin eben Gazarako bakea eta justizia eskatuz. Arratsaldez, "Bizkaia isilik" bilkura egin zan.
Ganbera-musika Amorebieta-Etxanoko eleizetan
Gaurtik irailaren 21ean ospatuko da "Eleizetan" jaialdia eta kontzertuak izango dira Dudeako San Migel, Boroako San Pedro, Bernagoitiako San Migel, Larreako San Joan Bateatzailea, Etxanoko Andra Mari eta Amorebietako Andra Mari tenpluetan.
Umeen eguneko ospakizuna Zornotzan
Datorren asteburuan, maiatzak 25 eta 26, Umeen Munduko Eguna (UME) ospatuko da, Frantzisko Aita Santuak deituta. Ekitaldi nagusia Erroman ospatuko da, baina munduko lekuko Eleiza guztietan ekitaldi hau sustatzeko eskatu da. Fede-zabalkunde eta Katekesirako Ordezkaritzaren barriak eta lagungarriak: hemen. Frantzisko Aita Santuak neskato eta mutikoei bialdu deutsen gutuna …
Guadalupeko Andra Mariaren ospakizunak eleizbarrutiko hainbat lekutan
Bihar, abenduak 12, Guadalupeko Andra Mariaren eguna ospatuko da. Egun hau bereziki ospatzen dabe Mexikon eta Hego Amerikako beste hainbat lekutan, deitura oso herrikoia da-eta. Eleizbarrutian, Eukaristia ospatuko da Bilboko San Nikolas eleizan, 19:30etan, latinoamerikarren talde batek euren zaindariaren omenez sustatu dauan ekimenez. Eleizkizunean, Luis Alberto Loyo Santiago katedraleko dean eta Alde Zaharra Pastoral Barrutiko (PB) arduraduna izango da buru.
Gabonetako kontzertua Begoñan, udako suteek eragindako biktimen alde
Datorren zapatuz, abenduak 13, sortu barri dan Koral Brahms taldeak jardungo dau, Gorka Sierra zuzendari dala, Begoñako santutegian. Gabonetako kontzertu berezia izango da eta John Rutterren "Aintza" interpretatuko dau. Begoñako kofradiak antolatutako ekitaldi berezi honetan batu daiten dirua Caritasen esku itziko da joan dan udan Leonen eta Ourensen gertatu ziran sute suntsitzaileek eragindako biktimen artean banatu dagian. Kontzertuan, Miriam Cepedak (Begoñako organista) eta Lander Bilbaok (tinbalak) jardungo dabe bakarlari lez, Bilboko Juan Crisostomo Arriaga kontserbatorioko ikasle …
Ministerio Ordenatuak erretiroa ospatuko dau bihar Javi Garcia abadeak gidatuta
Eleizbarrutiko Ministerio Ordenatuak erretiroa egingo dau bihar -abenduak 11, eguena-, 10:00etatik 13:00era, Begoñako gogarte etxean. Javi Garcia eleizbarrutiko abadeak gidatuko dau erretiroa gai honen inguruan: "Itxaron, haragitu eta onartutako Jainkoa. Gugaz bat egin gura dauan Jainkoa".
Gizarte zuzentasunerako argia
Gaur, abenduak 10, Giza Eskubideen Munduko Eguna ospatzen da. Hori dala-eta, Karitate eta Zuzentasunerako Ordezkaritzako Langile Pastoraltzarako eleizbarrutiko sailetik Eleizaren Doktrina Soziala (EDS) esaldia bialduko dabe barriro: "Zuzentasunerako argia". Oraingoan, Frantzisko Aita Santuaren Fratelli Tutti, entziklikatik hartu dabe dalako esaldi hori, EDSa era bakunean zabaltzeko ohiturari helduz bariro be.
Eukaristia Eulogio Prado lekaide adeitsuaren oroimenez
Begoñako gogarte etxearen ardura dauan Maitasun Errukiorraren Semeak alkarteko kide zan Eulogio del Prado lekaidea joan dan azaroaren 19an hil zan urriaren amaieran ospitalera eroan eban infekzinoa gainditu ezinda. Gizon alai eta edukazino onekoa, beti izaten eban berba atseginen bat hara joaten ziranei esateko. Senideek eta institutu erlijiosoko anaiek bere jaioterrian agurtu eben orain dala aste batzuk. Gaur -martitzena-, On Joseba Segura gotzaina buru izango da bere oroimenez 13:00ean Begoñako Andra Mari gogarte etxeko kaperan ospatuko dan mezan.
"En Belén de Judá", Abendualdi eta Gabon-aldirako musikala
"En Belén de Judá" Gabonetako musikalaren saio bi izango dira Deustuko salestarren antzokian. Xabier Echaniz eta Leire Monasterio dira Deustuko salestarren antzokian abenduaren 12an (19:00etan) eta 21ean (15:00etan) antzeztuko dan musikalaren zuzendariak. Azaldu dabenez, "En Belén de Judá" musikala "Bilboko eleizbarrutiko gazte talde baten fede eta sormenetik sortu da". Gehiago jakiteko eta sarrerak eskuratzeko: hemen.
Seminarioaren eguna
Gaur, abenduak 8, Andra Mariaren Sortze Garbiaren egunez, Seminarioaren Eguna ospatzen da, aurton, "Sembradores de Esperanza–Itxaropen-ereileak" goiburuaren harira.
Astekoak, asteko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Misino-bialketa ospatuko da bihar Xabierren, Bilboko gotzaina buru dala
Misino-heziketarako Madrileko Eskolako ikasleen taldea erromes joango da Xabierrera (Nafarroa) asteburu honetan (abenduak 6 eta 7). Bialketarako Eukaristia bihar -domeka- ospatuko da 13:00ean, Xabier basilikan, On Joseba Segura Bilboko gotzain eta Misinoetarako eta Eleizakazko Lankidetzarako Gotzainen Batzarreko presidentea buru dala.
Geure ordua da! Bizkaian Sinodoaren prozesuan parte hartzeko deia
Bilboko eleizbarrutiak entzute, hartu-emon eta alkarte bereizketarako une historikoa bizi dau. Frantzisko Aita Santuak deitutako Sinodo-seneko Eleizari buruzko Azken Agiria argitaratu ondoren, BIzkaian gauzatzek ordua heldu da. Prozesu hau ez da gitxi batzuentzat; lurraldeko fededun alkarteak osotzen dabezan pertsona guztien ordua da. Hori dala-eta, 100 'bideratzaileren' taldea osotu da, bikaritzetan "sinodo-senaren erlojua" martxan jarteko eta egokitzeko.