Barriak
Etiquetado como: Caritas
Caritas Tabiraren 25. urteurrena, bihar, Durangon
Caritas Tabirak Zidarrezko Ezteguan ospatzen dihartu "25 urte, abegia, itxaropena eta aukera eskainiz" goiburuaren haritik. Hogeta bost urteotan, Caritas Tabirak askotariko erronkei egin izan deutse aurre, "beti be konprometitutako boluntarioen lan nekaezinagaz". Apirilean, erakusketa ibiltaria jarri zan martxan, egitasmo eta egitarauen bidez Caritas Tabiraren lana …
DANAk eragindako biktimen aldeko eskaria asteburuko mezetan. Caritas Bizkaiak kanpaina jarri dau martxan
Caritas Bizkaia erakundeak larrietarako jardunbidea jarri dau martxan Levante aldean izan diran uholde larrietan kalteak jasan dabezan lagunei diruz laguntzeko. Bilboko Eleizbarrutian gizarte eta karitate ekintza sustatzen dauan erakundeak hainbat kontu zabaldu dau herritarren laguntasuna bideratzeko. Beste alde batetik, DANAk eragindako biktimen aldeko eskari berezia egingo …
Saria Caritaseko Txorierriko boluntarioentzat
Caritaseko Txorierriko kristau alkarteko bolunterioei autorpena jaso dabe Txorierriko Mankomunitataren eskutik. Hain zuzen be, saria emon deutse euren ibilbide eta ekintza solidarioagaitik, aspalditik ari dira-eta, egunero-egunero pertsona nagusiak bisitatzen, neskato-mutikoei eskola-laguntasuna emoten eta familia askori harrera-zerbitzua eskaintzen.
BOSen kontzertu solidarioa Caritas Bizkaia erakundearen alde
Irailaren 6an, Bilboko Orkestra Sinfonikoak Caritas Bizkaia erakundearen alde eskainiko dau kurtsoko lehenengo kontzertua. Ekitaldia Karmeneko Ama parrokian izango da, 20:00etan. Sarrera doan izango da leku guztiak bete arte eta batu daiten dirua eleiz erakundeari emongo jako.
Caritas Bizkaia erakundearen deialdia puzzle erraldoia osotzeko
Caritas Bizkaia erakundeak deialdia egin dau gura daben pertsona, talde eta erakunde guztiek puzzle erraldoiaren osaketan lagundu daien. Zahartzaroaren aurkako gehiegikeria eta tratu txarren inguruan jabetzeko Munduko Eguna dala-eta antolatu dabe jarduera hau. Gaur, eguerdiko 12:30etatik 13:30etara izango da ekitaldia Bilboko Santiago katedralaren aurreko plazan eta pertsona …
Caritasek 13.000 lagun inguru artatu ebazan 2023an
Caritas Bizkaia erakundeak BIlbon dauan egoitzan aurkeztu dabe gaur goizean Caritasen 2023ko oroitza-txostena. Elena Unzuetak eta Ana Sofi Telletxeak, Caritas Bizkaia erakundeko zuzendari eta Gizarte Behatokiko arduradun, hurrenez hurren, erakundearen azken urteko daturik nabarmenenak eskaini dabez.
Solasaldi-kafea nagusien gizarte hartu-emonen garrantziari buruz
Gaur arratsaldeko bostetan, solasaldi-kafea ospatuko dabe Bilboko San Fernando parrokian. Pertsona nagusiei zuzendutako jarduera da eta Abando-Albia Pastoral Barrutiko CARITASek sustatzen dau.
Gernikan, klaratarrei buruzko ikus-entzunezkoa eta Caritasen aldeko kontzertua
Gaur eta bihar, ekitaldi garrantzitsuak ospatuko dira Lizeo antzokian. Lehenengoa, gaur iluntzeko 20:00etan, 'Agur Santa Clara' 14 minutuko dokumentalaren emonaldia izango da. Gernikan 600 urtez bizi ondoren, klausurako monja honeek agur esan eutsen gernikarrei gotzaina buru zala ospatu zan eleizkizunean eta eurek eta komentuak itzi daben arrastoa jasoten da …
Opil solidarioa: ez da kostatzen dana, balio dauana baino
Gaur goizean aurkeztu da datorren barikuz, urtarrilak 5, Bilboko Plaza barrian 10:00etatik 14:30etara ospatuko dan Errege-opil solidarioaren XX. ekitaldia. Ekimen hau, 2005ean jarri eban martxan Caritas Bizkaia erakundeak gizartea ume eta gazteek jasate daben bazterketa eta pobretasunaren aurkako borrokara erakarteko. Gaur egun be helburu bera dau: "sentiberatasuna biztu …
Kooperak ehun-tratamendurako bigarren instalazinoa zabaldu dau
Bizkaiak kontsumitu osteko ehun-tratamendurako bigarren instalazinoa dau, hain zuzen be, gaur, Mungian inauguratu dan 'Koopera Reusing Center II'. Koopera Caritas laneratze eta gizarteratzerako estatuko enpresarik handienak, baztarketa jasaten daben edo jasateko arriskua daben pertsonak laneratzeko eskaintza babaldu egin dau 3.368 metro karratuko instalazino barri honegaz.
Oraindik bada lekuren bat Eleizbarrutitik Erromara egingo dan erromesaldirako
Erromesaldietarako Bilboko Eleizbarrutiko Sailak Erromara bidaia antolatu dau, Frantzisko Aita Santuak “Spes non confundit” buldaren bidez deitutako 2025eko Ohiko Jubileuan parte hartzeko. Oraindik bada lekuren bat 2025eko martxoaren 24tik -astelehena- martxoaren 27ra arte -eguena- (4 egun – 3 gau) egingo dan eta On Joseba Segura Bilboko gotzainak be parte hartuko dauan bidaiarako: Hemen.
Gabriel Urbain Faure musikagilearen heriotzaren oroitzapenezko kontzertua
Gabriel Urbain Faure musikagile eta organista frantsesaren heriotzaren mendeurrena dala-eta, datorren domekaz, abenduak 15, kontzertua ospatuko da Durangon. Hainbat korutako ahots mistoez beren-beregi kontzertu honetarako sortutako "Gabriel Faure abesbatzak" jardungo dau, Fernando Urain zuzendari dala. Bidane Txopitea (sopranoa) eta Hodei Yanez izango dira bakarlariak eta Gerardo Rifon organista gonbidatua. Emonaldia Andra Mari basilikan izango da 19:30etan. Sarrera doan da eta pantaila ipiniko dabe interpetreak ikusi ahal izateko.
"The Chosen" telesailaren Gabonetako ale berezia ikusterik nahi?
Verbum Dei Misino-familiaren Bizkaiko taldeak eta Bilboko Loiola zentroak jarduera berezi bat prestatu dabe Gabonak ospatzeko: The Chosen telesailaren Gabonetako ale berezia, "Mandatariak" izenburua dauana, ikustea. Larogeta hamar minutu inguruko kapitulu hau ikusteko sarrera doan da. Emonaldia abenduaren 20an izango da, barikuz, 18:00etan, Arrupe Etxean (Aita Lojendio, 2. Bilbao). Leku mugatuak dagoz. Lekuak abenduaren 18ko -eguena- 18:00ak baino lehen hartu behar dira: hemen.
Euskaliten Urrezko A Kudeaketa Aurreratuan Somorrostro ikastegiarentzat
EBI Eleizbarrutiko ikastetxeen sarean dagoan Somorrostro ikastegiak,Eusko Jaurlaritzaren autorpena jaso dau EUSKALITen bidez, "Bezeroak" elementuan Kudeaketa Aurreratuaren sariagaz.Sari-banaketa atzo ospatu zan Euskalduna jauregian eta bertan izan ziran, Mikel Jauregi industria, trantsizino energetiko eta jasangarritasunerako sailburua, Nerea Melgosa ongizate, garteria eta erronka demografikorako sailburua, Alberto Martinez osasunerako sailburua eta Maria Begoña Pedrosa hezkuntzarako sailburua. Azken honek emon eutsan saria Javier Laiseca Somorrostro ikastegiko xuzendariari. Argia …
Eleizbarrutiko ordezkaritza Teologiari buruzko Nazinoarteko Biltzarrean, Erroman
Vicente Vide Eleizbarrutiko abadeak eta Francisco Jose Ruiz Deustuko Unibertsitateko teologia-dekanoak egunotan, Frantzisko aita santua buru, Erroman ospatu dan Teologiari buruzko Munduko Biltzarrean izan dira eta teologia-batzorde bitan parte hartu dabe.
Domekaz, “Ibiltari 2024”, ibilaldi solidarioa Durangon
Datorren domekaz, abenduak 15, "ibiltari" ibilaldi solidarioa ospatuko da Durangon, San Jose Jesuitak, Ellacuria Fundazinoak eta Alboan GKEak sustatuta. Zazpi kilometroko ibilaldi honen bidez, ahulezia larrian dagozan pertsonei laguntzeko izango da, besteak beste, Libanon desplazatuta dagozanei edo Valentzia inguruan gertatu dan hondamendiaren biktimei laguntzeko.
Berbaldia Markinan Eleizbarrutiaren historiari buruz
Kurtso honetan, Bilboko Eleizbarrutiak bere 75. urteurrena ospatzen dihardu eta horren inguruan antolatutako jardueretako bat bihar -abenduak 12, eguena- izango da Markinako Mesedetako Ama eleizan, 18:00etan. Hain zuzen be, Gaspar Martinez Kultur Gai eta Ondasunetarako saileko arduradunak berbaldia eskainiko dau (euskeraz), Eleizbarrutiaren historia ardaztzat hartuta.
Jose Antonio Sanchez gizon apal eta adeitsua hil da
Jose ANtonio Sanchez Gorostiza abadearen arimaren aldeko hileta-eleizkizuna bihar -abenduak 12, eguena- ospatuko da 19:00etan, Abandoko San Bizente Martiria parrokian. San Bizente Abade-etxean bizi izan da urte askotan eta etxeko zuzendari izandakoa be bada. Poitiersen (Frantzia) jaio zan orain dala 87 urte eta Derioko Seminarioan egin zan abade 1962an. Goian bego!
Gospel kontzertu solidarioa Bidesariren alde
Datorren zapatuz, abenduak 14, 19:30etan, Bilboko Gospel koruak kontzertua eskainiko dau Bidesari alkartearen alde, Areetako Andres Isasi entzunaretoan. Ekitaldiaren antolaketaz arduratu dan Areetako Mesedetako Ama parrokiako Kartzela Pastoraltzako taldeak Bidesariri emongo deutso batu daiten dirua, kudeatzen dituan pisuetan erabili daian. Sarrerak (10 euro): hemen eta leihatilan, kontzertua hasi baino ordubete aurretik.
GESTOri buruzko proiekzinoa barriketaldiagaz
Giza Eskubideen Adierazpen Unibertsalaren 76. urteurrena dala-eta, Gogoan- por una memoria digna taldeak ekitaldi bi antolatu ditu Gernika-Lumon. Gaur -abenduak 10, martitzena-, Kepa Aulestiak berbaldia eskainiko dau, “Una comunidad decente: carencias y retos de la convivencia en Euskadi” bere liburuan (2023) jasotako gogoeten haritik, 18:30etan, Elai-alai aretoan. Beste alde batetik, bihar, Xuban Intxaustik zuzendu dauan eta giza eskubideei buruzko New Yorkeko jaialdirako aukeratu daben 'Gesto' dokumentala proiektatuko da. Emonaldia, Pastoral Barrutiagaz batera antolatu dabe.