Barriak
Etiquetado como: Caritas
Caritasek "Topaki 2025" boluntarioen eleizbarruti arteko topaketa ospatu eban zapatuz
Euskal eleizbarrutiek txandaka antolatzen dabe Caritas Euskadi erakundearen "Topaki" ekitaldia eta urton Caritas Bizkaia erakundea arduratu da Musikazaleen Bilboko Alkartean ospatu izan dan topaketaz.
Caritas Euskari erakundeak "Topaki 2025" ospatuko dau zapatuz, Bilbon
Caritas Euskadi erakundeak sustatzen dau "Topaki" boluntarioen topaketa,eta eleizbarrutiak txandaka arduratzen dira antolaketaz. Aurton, Bilboko eleizbarrutian izango da, goizeko 10:00etatik aurrera, Musikazaleen Alkartean (Marques del Puerto, 4). Bilbon, 2022an ospatu zan azken topaketa eta Patxi Fano irudigileak gidatu eban.
Caritasen errege-opil solidarioaren 3.000 zati banatuko dira
Urtarrilaren 5ean, Caritas Bizkaia erakundeak errege-opil solidarioaren XXI. ekitaldia ospatuko da.10:00 etatik 14:30etara, errege-opil zati bat eta basobete txokolate eskuratu ahal izango dira euro biren truke Bilboko Plaza Barrian. Jarduera honen bidez batu daiten dirua Caritas erakundeak haur-denpora eta familiei zuzenduta garatzen dituan egitasmoetarako idango da. Plaza …
Caritasen Gabonetako kanpaina: "Egon, iraun eta lagundu"
"Etorkizunari begira/Navidad, camino de esperanza” goiburuaren haritik ospatuko dau asteburuan Caritas Bizkaia erakundeak Gabonetako kanpaina. Elena Unzueta Caritas Bizkaia erakundeko zuzendariak kanpainaren aurkezpenerako gutunean azaldu dauanez, Gabonak, "egoteko, irauteko eta laguntzeko aldi dira. Aldi honetan, Maria Birjinak Jesus Umea besarkatu egiten dau. Bere …
Caritas Tabiraren 25. urteurrena, bihar, Durangon
Caritas Tabirak Zidarrezko Ezteguan ospatzen dihartu "25 urte, abegia, itxaropena eta aukera eskainiz" goiburuaren haritik. Hogeta bost urteotan, Caritas Tabirak askotariko erronkei egin izan deutse aurre, "beti be konprometitutako boluntarioen lan nekaezinagaz". Apirilean, erakusketa ibiltaria jarri zan martxan, egitasmo eta egitarauen bidez Caritas Tabiraren lana …
DANAk eragindako biktimen aldeko eskaria asteburuko mezetan. Caritas Bizkaiak kanpaina jarri dau martxan
Caritas Bizkaia erakundeak larrietarako jardunbidea jarri dau martxan Levante aldean izan diran uholde larrietan kalteak jasan dabezan lagunei diruz laguntzeko. Bilboko Eleizbarrutian gizarte eta karitate ekintza sustatzen dauan erakundeak hainbat kontu zabaldu dau herritarren laguntasuna bideratzeko. Beste alde batetik, DANAk eragindako biktimen aldeko eskari berezia egingo …
Saria Caritaseko Txorierriko boluntarioentzat
Caritaseko Txorierriko kristau alkarteko bolunterioei autorpena jaso dabe Txorierriko Mankomunitataren eskutik. Hain zuzen be, saria emon deutse euren ibilbide eta ekintza solidarioagaitik, aspalditik ari dira-eta, egunero-egunero pertsona nagusiak bisitatzen, neskato-mutikoei eskola-laguntasuna emoten eta familia askori harrera-zerbitzua eskaintzen.
BOSen kontzertu solidarioa Caritas Bizkaia erakundearen alde
Irailaren 6an, Bilboko Orkestra Sinfonikoak Caritas Bizkaia erakundearen alde eskainiko dau kurtsoko lehenengo kontzertua. Ekitaldia Karmeneko Ama parrokian izango da, 20:00etan. Sarrera doan izango da leku guztiak bete arte eta batu daiten dirua eleiz erakundeari emongo jako.
Caritas Bizkaia erakundearen deialdia puzzle erraldoia osotzeko
Caritas Bizkaia erakundeak deialdia egin dau gura daben pertsona, talde eta erakunde guztiek puzzle erraldoiaren osaketan lagundu daien. Zahartzaroaren aurkako gehiegikeria eta tratu txarren inguruan jabetzeko Munduko Eguna dala-eta antolatu dabe jarduera hau. Gaur, eguerdiko 12:30etatik 13:30etara izango da ekitaldia Bilboko Santiago katedralaren aurreko plazan eta pertsona …
Caritasek 13.000 lagun inguru artatu ebazan 2023an
Caritas Bizkaia erakundeak BIlbon dauan egoitzan aurkeztu dabe gaur goizean Caritasen 2023ko oroitza-txostena. Elena Unzuetak eta Ana Sofi Telletxeak, Caritas Bizkaia erakundeko zuzendari eta Gizarte Behatokiko arduradun, hurrenez hurren, erakundearen azken urteko daturik nabarmenenak eskaini dabez.
Itzuli dira erromesaldiak Lurralde Santura
"Lurralde Santuaren adiskideak. Bilbao" taldeak erromesaldia egingo dau Lurralde Santura uztailaren 6tik 13ra. Urtebete eta erdi inguru haretara bidaiarik egiteko aukera barik egon ondoren, egoera latza bizi izan da-eta inguru haretan, talde batzuk hasi dira bidaiak antolatzen. "Lurralde Santuaren adiskideak. Bilbao" taldetik behin eta barriro dinoenez, "ez da bildurrik izan behar". Frantziskotarrek, esate baterako, lehenago egingo dabez, hain zuzen be apirilean.
"In vino veritas", berraurkitzearen jaia, Berrizko parrokiak antolatuta
Berrizko parrokiak saio berezia antolatu dau gaur arratsalderako: lekukotasunez baliatuz, lehengo katekisten, aiten eta amen fedeari lotzeko bideak arakatuko dabez. Berrizko Catirasen lokalean (trenbidearen aurrean) izango da eta antolatzaileen esanetan, "arratsalde hunkigarria izango da, ezustekoz eta adiskidetasunez betetakoa".
BIlboko eleizbarrutiak app-a sortu dau BizkaiBira jardueragaz bat egiteko
Bilboko Eleizbarrutiaren 75. urteurrena ospatzen dihardugula, ekainaren 25etik uztailaren 13ra BIzkaiBira (Eleizbide) egingo da; Bizkaian zehar 19 egunez eta 19 etapatan bizi ahal izango dan esperientzia bikaina. Eleizbarrutiak aplikazinoa prestatu dau ibilbidean parte hartu gura dabenentzat. Begoñako basilikan emongo jako hasiera ibilbideari eta Bizkaiko hainbat errealitate natural, pastoral eta espiritual zeharkatu ondoren, Santiago katedralean amaituko da ospakizun bategaz. Aplikazinoa iphone zein android sisteman jatsi daiteke.
Ezin izan dozu "Carmelo Etxenagusia Ohorezko Aitamenaren" banaketa jarraitu?
Bilboko BBK aretoan ospatu dan ekitaldian banatu da kultur arloko norbanako edo taldeei autorpena egiten deutsen "Carmelo Etxenagusia" Ohorezko Aitamena. que distingue a personas o colectivos del ámbito de la cultura. Aurton, aitamenen IV. ekitaldian, honeei egin jake autorpena: liturgiako lagungarrien itzulpenak egiten dabezan itzultzaileen "Euskal baliabideak taldeari", Inmaculada Gallastegiri eta Juan Maria Iraolagoitiari (hil osteko aitamena), euskerazko komunikazinoan egindako ekarpenagaitik eta Antonio LInaza abadeari liturgiako musikari egindako ekarpenagaitik eta ETBan domekero …
Carmelo Etxenagusia Ohorezko Aitamenen IV. ekitaldia, zuzenean
Ekitaldia gaur -martxoak 20, eguena- izango da BBK aretoan, goizeko 11:00etan.
Bizkaian, Barakaldon ospatuko da gizarte Jubileuaren lehenengo ekitaldia
2025ean Eleizak Jubileu Urtea ospatzen dihardu Frantzisko Aita Santuak deituta. Bilboko eleizbarrutian, joan dan abenduaren 29an emon jakon hasiera Jubileuari, Bilboko Alde Zaharra zeharkatu eban prozesinoagaz eta santiako katedralean ospatu zan Eukaristiagaz. Hainbat jarduera dago antolatuta urte berezi honetarako, esate baterako datorren astean, martxoaren 24tik 28ra, On Joseba Segura gotzaina buru dala egingo dan eleizbarrutiko erromesaldia Erromara. Gainera, datorren zapatuz, marxoak 22, gizarte Jubileuari dagokion lehenengo ekitaldia egingo da: Caritas Bizkaia erakundeak kudeatutako …
Bihar banatuko da Carmelo Etxenagusia Ohorezko Aitamena
Kultur arloko norbanako edo taldeei autorpena egiten deutsen "Carmelo Etxenagusia" Ohorezko Aitamenak hamar urte betetzen ditu, Bilboko eleizbarrutiaren 75. urteurrena betetzen dan urtean. IV. ekitaldi honetan aitamena jasoko dabe, liturgiarako lagungarriak itzultzen dituan "Euskal baliabideak taldeak", Inmaculada Gallastegik eta Juan Maria Iraolagoitiak (hil osteko aitamena) euskerazko komunikazinoan egindako ekarpenagaitik eta Antonio Linaza abadeak liturgiako musikari egindako ekarpenagaitik eta domekaz ETBtik euskeraz emoten daben meza sustatzen laguntzeagaitik. Ekitaldia bihar -martxoak …
"Miserere" kontzertua DANAk eragindako biktimen alde
Begoñako kofradiak eguerdian eskainitako prentsaurrekoan aurkeztu dau Garizuman ospatzen dan "Miserere" kontzertua. Begoñako basilikan izango da, datorren zapatuz, martxoak 22, iluntzeko zortzietan. Aurton, ongintzazko kontzertu honen bitartez batu daiten dirua Caritasek bideratuko dau Valentzian DANAk eragindako biktimei laguntzeko.
Bilboko Aste Nagusiaren pregoilariagaz berbaz
Bilbao Uribilduko Kofradien Ermandadeak Borja Uriarte Uribe-Kosta Pastoral Barrutiko parrokoa izendatu dau Bilboko Aste Santuko pregoilari. Irakurketa, boxeoa, polizia-telesailak eta alkarte txikien ospakizunak gustuko dituan 32 urteko bilbotarra "apur bat lotsatuta dago" eskaera honen aurrean. Pregoia prestatuta dauala-eta, lasaiago dagoala dino. Hitzordua, hilaren 19an da, eguaztenez, San Jose Eguna, Santiago katedralean 20:00etan. Zuzenean emongo da web orrialde honen bitartez.