Barriak
Etiquetado como: Gaixoaren Eguna
Asteburuko irudiak
Eleizbarrutian, maiatzean ospatzen dira Lehenengo Jaunartze gehienak. Horrezaz gainera, beste hainbat jarduera ospatu da asteburu honetan beste hainbat lekutan. Hona hemen batzuk nabarmenduta:
Gaixoaren Pazkoan ahulenengan jarriko da arreta
Bihar, Pazko-aldiko VI. domeka, Eleizak Gaixoaren Pazkoa ospatuko dau. Hori dala-eta, astelehenez, maiatzak 15, berbaldia ospatuko da Joan Santuak eleizan, 17:00etan, "bere aurpegiak liluratuta, lagun egiten dogu bizi ugari izan daien" gaiaren inguruan jardungo dauan Javier Vitoria Eleizbarrutiko abadea hizlari dala. Gainera, martitzenez, maiatzak 16, Eukaristia ospatuko da …
HOACeko batzorde iraunkorra Bilboko gotzainagaz batzartu da
Gema Martin antolaketa eta alkarte bizitzarako HOACeko arduraduna eta Jorge Hernandez kontsiliario nagusia Bilboko eleizbarrutian dira eta gaur goizean On Joseba Segura Bilboko gotzainagaz batzartu dira. Jorge Torralbo HOACeko eleizbarutiko presidentea, Roberto Jaureguibeitia kontsiliarioa, Begoña Cerrato zabalkunderako arduraduna eta Josu Sagastigordia antolaketa eta alkarte bizitzarako saileko kidea be izan dira batzarrean.
Deustuko Unibertsitateak Jose Ramon Scheifler oroitu eta omendu dau
Deustuko Unibertsitateak 2021eko irailean 101 urte ebazala Loiolan hil zan Jose Ramon Scheifler Amezaga jesuita gogoratu eta omendu eban atzo. Scheiflerren senide eta adiskideakaz batera, Juan Maria Aburto Bilboko alkateak, Gonzalo Olabarria kulturarako BIlboko Udaleko zinegotziak, Iñigo Urkullu Eusko Jaurlaritzako lehendakari ohiak eta Aitor Esteban Euskadi Buru Batzarreko presidenteak parte hartu eben ekitaldian.
Eleizbarrutitik Erromara egin dan erromesaldiko argazkiak
Badira egun batzuk Jubileu Urtea dala-eta eleizbarrutitik Erromara erromes joan dan taldea bueltatu zanetik. Orduan, hainbat erromesen lekukotasunak jaso ziran, hemen barriro irakurri daitekezanak. Orain, Alberto Sanzek egindako argazkien bilduma aurkeztuko dogu. Argazki asko dira, erromesek apurka-apurka ikusi eta erromesaldiko oroitzapenak freskatuko dabez eta joan ez ziranek leku hareek "bisitatu" ahal izango dabez. Irudiok, hemen jatsi daitekez. Gura dauanak, irudiak aukeratu eta bere bilduma eratu leike.
Bihotz-barritze eta adiskidetzea "Bizian gora" mobimentuaren Garizumako erretiroan
"Bizian gora" nagusien mobimentuak erretiroa ospatu eban atzo -eguaztena- Barria eraikinean (Plaza Barria, 4). Felix Alonso eleizbarrutiko abadeak gidatu eban ekitaldia eta, Jubileuaren testuinguruan, bihotz-barritzea eta adiskidetzea landu ebezan.
"BAS. Erlejino-musika" jaialdia gaurtik aurrera Gizakundea eleizan
Apirilaren 10etik 14ra, BAS. Erlejino-musika" jaialdia ospatuko da Gizakundea eleizan. Bilboko udalak antolatzen dau ekitaldi hau, aurton, "Mirespena / Admiración" goiburuaren haritik, eta, besteak beste, Bach, Carissimi, Palestrina edo Zubiaurre musikagileen piezak interpretatuko dabez. Sarrerak 10 euroren truke erosi daitekez Arriaga antzokiko leihatiletan, www.teatroarriaga.eus eta musika-musica.bilbao.eus orrialdeetan eta eleizan bertan, emonaldia hasi baino ordu erdi aurretik.
Santurtziko Santa Eulalia Patronatua haurren minbiziaren aurkako borrokan
Eleizbarrutiko ikastetxeak batzen dituan EBI sarean dagoan Santa Eulalia Patronatuak alkartasuna agertu gura izan deutse haur-minbizia jasaten daben ume eta familiak batzen dabezan Aspanovas Bizkaia eta Unoentrecienmil alkarteei, euren alde dirua batuz. Santurtzi Pastoral Barrutiko (PB) zazpi parrokiek parte hartu dabe diru-laguntzak emonez. Gainera, umeen katekesiko taldeek eta eskaut taldeek Patronatuak sentiberatasuna bizteko aurkeztu dituan lagungarriak lantzen dihardue.
Mariaren Legioaren Garizumako erretiroan parte hartzeko aukera
Mariaren Legioa Bilboko alkarteak Garizumako erretiroa egingo dau bihar -apirilak 10, eguena-, Alde Zaharrean (Kapelutegi 12. 1. ezk.) dauan lokalean eta gura daben guztiei parte hartzeko aukera emoten deutse. Jesus Sanchez Maus eleizbarrutiko abadeak gidatutako erretiroa 17:00etatik 19:00etara izango da eta Eukaristiak emongo deutso amaiera.
Bilboko eleizbarrutia plazara, BECen egingo dan azokan
Datorren maiatzaren 17an ospatuko da Bilboko Eleizbarrutiaren sorreraren 75. urteurreneko ekitaldi nagusia "Eleizea plazara" azokagaz. Aurreikuspenen arabera, milaka lagun batuko da, eleizbarrutiari lotutakoak ala ez, pastoral, gizarte eta ospakizun arloko jarduera ezagutzeko. Goizeko 10:00etan hasita, BECeko 3. pabiloian jarriko dabezan standak -80 inguru- bisitateko aukera izango da. Tailerrak be egingo dira, kapera izango da, txikigunea, klausurako monasterioetako gozokiak salduko dabez, eszenatokian etenbarik izango dira emonaldiak eta ez da ezustekorik faltako. Gotzaina buru dala osptuko …
Muskizen izango da eskauten jai handia
Astegoien honetan milazak lagun batuko da Muskizen eskauten jai handia ospatzeko. Beste behin eskultismoaren esanahia eta konpromisoa alkarbanatuko dabe. 22 urte igaro dira Muskizen Gorka deuna ospatu zanetik. Domeka honetan 2.500 lagun baino gehiago itxaroten dira.
Erlejinoarteko mahai-ingurua BAM Irakasle Eskolan
GAEA (Gaitasun Akademikoaren Eleiz Autorpena) emoten dan Erlejinoaren pedagogia eta didaktika irakasgaiari lotuta, erlejinoarteko mahai-ingurua ospatu da Derioko "Begoñako Andra Mari" Irakasleen Unibertsitate Eskolan (BAM). Honeek izan dira partaideak: Carmen Lozon Bahai alkarteko kidea, Aita Petru Eleiza Ortodoxoko kidea, Silvano Tanon Eleiza Ebanjelikoko kidea eta Miguel Angel Esnaola Ekumenismo eta Erlejinoen arteko hartu-emonerako Bilboko eleizbarrutiko arduraduna.