Barriak
Etiquetado como: Meza latinoamerikarra
Ekuadortarren debozinoa "Virgen del Cisne" dalakoari
Bizkaian dan Hego Amerikako alkarte katolikoak gaur emon deutso hasiera 'Virgen del Cisne' dalakoaren bederatziurrenari; jaieguna, abuztuaren 17an izango da. Aurretiko Eukaristiak Miribillako Santa Maria Josefa parrokian ospatuko dira. Ekuadortarrek debozino handia deutse Ama Birjina honi eta Bizkaian bizi dan lagun askol otoitz egingo dau egunotan bere irudiaren aurrean. …
Egun bizi-biziak alkarte latinoamerikarrean
Abenduaren 7 eta 10 bitartean, batzar esanguratsuak ospatu dira hainbat parrokiatan: Santa Maria Josefa, San Felicisimo, Indautxuko Karmeneko Ama, Sortze Garbia eta Arantzazuko San Pedro Apostolua. Alkarte latinoamerikarraren erreferente dan David Urdaneta abadeak azaldu dauanez, "gure sustrai kultural eta espiritualen agerpen kartsuak izan dira. Guztiz pozgarriak pastoral …
Oscar Vera pasiotarra izan zan buru Meza latinoamerikarrean
Hilaren azken domekaz ohikoa danez, Meza latinoamerikarra ospatu zan. Hilean behin, Bilboko Eleizbarrutiko alkarte latinoamerikarreko kideak batzen dituan eleizkizunean, Bilboko gotzainak ordenatu barri dauan Oscar Vera ekuadortar abade pasiotarra izan zan buru.
Bilboko Gotzaitegiaren eta Hispaniako Predikarien Ordeneko prentsa oharra
Bilboko Gotzaitegiak eta Hispaniako Predikarien Ordenak (domingotarrak) argibideak emon gura ditugu
Doktrina Sozialaren "zuzentasunerako argia", M8 egunari lotuta
Hilabete honetan be aurkeztu da "Eleizaren Doktrina Sozialaren (EDS) argia", Langile Pastoraltzaren eta Migrazinoetarako pastoraltzaren eskutik. 2013an kaleratu zan "argi" hau lehenengo aldiz eta urteotan formatu desbardinak izan ditu. Agerkari honen bidez, EDSaren esaldi esanguratsuak banatzen dira. Oraingoan, M8 jardunaldia gogoratzen da Frantzisko Aita Santuaren esaldi bategaz.
"Ars Viva" erlejino-musikaren 2026ko jaialdiaren hasiera
"Ars Viva" eleiz-musikaren jaialdiaren 30. ekitaldia ospatuko da aurton. Gaur arratsaldez ospatuko da lehenengo kontzertua Los Corrales de Buelnako koralaren (Kantabria) eskutik, jesuiten Indautxuko ikastetxeko eleizan, 19:30ean.
Anabella Barroso, Espainiako Eleizako Artxibozainen Alkarteko presidente
Anabella Barroso Arahuetes, Bilboko eleizbarrutiko laiko eta Bizkaiko Eleizaren Historia Artxiboko (AHEB-BEHA) zuzendaria Espainiako Eleizako Artxibozainen Alkarteko presidente izendatu dabe. Izendapen hau Madrilen, otsailaren 24 eta 25ean ospatu dan Espainiako Gotzainen Batzarreko Batzorde Iraunkorraren 272. batzarrean gertatu da.
On Joseba Segura gotzaina buru izango da domekaz, Madrilen, Hispanoamerikaren Eguneko mezan
Datorren domekaz, martxoak 1, Eleizak Hispanoamerikaren Eguna ospatuko dau, aurton, "Bidelagun, alaitasunean bat eginda" goiburuaren haritik. Misinoetarako eta Eleizakazko Lankidetzarako Gotzain Batzordearen eskutik, egun honetan Eleizak Amerikan dauan presentziaren garrantzia nabarmendu gura da. Gotzain Batzorde horretako arduradun dan On Joseba Segura Bilboko gotzaina buru dala ospatuko da alkar-meza, besteak beste Herrien Ebanjelizazinorako Kongregazinoko Prefektu dan Luis Antonio Tagle filipinar kardinala meza-emoile dala. Goizeko 10:30etan izango da eta TVE2 katearen bidez zuzenean …
Bermeon, dirua batzeko kanpaina Andra Mari eta Santa Eufemia eleizetako teilatuak konpontzeko
Asteburu honetan, aparteko kolekta egingo da Bermeoko ospakizunetan Andra Mari eta Santa Eufemia parrokietako teilatuen konponketen gastuei aurre egiteko, "8.000 baietz" goiburuaren haritik.
"Bat eginda bizikidetzaren alde", musulmanen eta katolikoen batzarra
Bihar -otsailak 27, barikua- "Bat eginda bizikidetzaren alde" kristauen eta musulmanen arteko batzarra ospatuko da. Moyua plazan emongo jako hasiera ekitaldiari 18:00etan, agiria irakurriz. Ondoren, otoitzaldia eta afaria,non Ramadan eta Pazko aldian ohikoa dan baraua (iftar) hutsiko dan, egingo dira eskolapioen ikastetxean (Rekalde zum.)
120 lagun sinodoari buruzko batzarretan, Portugaleten
Joan dan asteburuan amaitu dira sinodoari buruzko batzarrak Portugaleten. Pastoral Barrutiko 120 lagun baino gehiagolk parte hartu dau.
Sinodoari buruzko bikaritzako lehenengo batzarra, zapatuz, Gurutzetan
Datozan asteetan bikaritzetan ospatuko diran Sinodoari buruzko hiru ekitaldietako lehenengoa ospatuko da datorren zapatuz, otsailak 28, Gurutzetako Mariaren BIhotz Garbia parrokian. I. eta II. bikaritzetan sinodo-taldeetan parte hartu daben 450 lagun ingururi egin jake deialdia saiorako. Gurutzetako hitzorduaren ostean, beste bi izango dira, martxoaren 14an, Zornotzan (IV. eta V. bikaritzak) eta martxoaren 28an, Bilbon, Indautxun (III., VI. eta VII. bikaritzak). Hiru batzarrak zapatuz egingo dira, beraz, 10:00etatik 12:30etara.
Ekintza Katoliko Orokorreko (EKO-ACG) kideek zuhaitzak landatuko dabez domekaz Urdaibain
Datorren domekaz, martxoak 1, EKO-ACG mobimentuak zuhaitzak landatuko ditu Urdaibaiko Biosfera Erreserban, Lurgaia alkarearen eskutik eta deialdia egin dau jenteak parte hartu dagian. Joan dan urtarrilaren 18an egitekotan ziran ekintza hau, baina bertan behera itzi behar izan eben eguraldi txarragaitik, eta asteburu honetan egitea erabaki dabe. Izena emon eta gozatu domeka goizerako plan bikain honetaz. Goizeko 9:30etan da hitzordua Kurutze Santua ermitan (Muxika).