Barriak
Etiquetado como: Pobreen Munduko Eguna
Zortzi leiho inklusinoari: deialdia Bilboko Gizarte Jubileurako
Mundu osoko Eleizak, baita Bilboko eleizbarrutiko parrokia guztietan be, ospatuko dau Pobreen Munduko Eguna azaroaren 16an. Baina hemen, bezperan be ekitaldi esanguratsua izango da: Gizarte Jubileua ospatuko da III. eta VII. bikaritzetan. Ahuleziazko zortzi egoeraren inguruko esperientzia-tailerrak garatuko dira.
Pobreen Munduko Eguna Bilboko Eleizbarrutian
Frantzisko Aita Santuak deitutako Pobreen Munduko Egunaren inguruko jarduera ugari izan da Eleizbarruti osoan. Hona hemen ekitaldietako batzuk:
"Pertsonen sufrimentua naturalizatu egin dogu"
Atzerrian jaiotako auzotar gehien dauan Bilboko Errekalde auzoko Arrosarioko Ama parrokian ospatu da, era berezian, Pobreen Munduko Eguna. Sebastian Mora Caritas Española erakundeko idazkari ohi eta Comillaseko Unibertsitateko etika-irakasleak 200 lagun ingururen aurrean eskaini dauan berbaldi iradokitzaile eta probokatzaileak emon deutso hasiera gogoeta eta alkarrizketari.
Pobretasun, desbardintasun eta bazterketaren inguruko gogoeta eta alkarrizketa Bilbon
Gaur amaituko da datorren zapatuz, azaroak 18, Pobreen Munduko Egunaren bezperan, Errekaldeko Arrosarioko Ama parrokian ospatuko dan ekitaldian parte hartzeari begira izena emoteko epea. Orain arte, 160 lagun baino gehiagok emon dau izena 10:00etatik 13:00era egingo dan jardueran. Gotzaina eta Gotzain Kontseilua bertan dirala, Sebastian Morak fedeareb gizarte-karidade …
Sebastian Moraren berbaldia Pobreen Munduko Eguna dala-eta
Pobreen Munduko Egunaren bezperan, azaroaren 18an, topaketa egingo da Errekalde auzoko Arrosarioko Andra Mari parrokian. Gotzaina buru dala, otoitzaldia egingo da goizeko 10:0eetan eta, ondoren Sebastian Mora Caritas Española erakundeko idazkari ohi eta Comillaseko Pontifize Unibertsitateko etika-irakasleak jardungo dau. Bikario nagusiak jardunaldiaren aurkezpenean …
Zabaldu da epea aurton Errekalden izango dan Pobreen Munduko Egunerako izena emoteko
Frantzisko Aita Santuak azaroaren 19rako deitu dauanPobreen Munduko Eguna dala-eta, Bilboko Eleizbarrutian topaketa egingo da bezperan, Errekaldeko Arrosarioko Andra Mari parrokian. Ekitaldia goizeko 10:00etan hasiko da ondo etorriagaz eta On Joseba Segura gotzainak gidatuko dauan otoitzagaz. Bertan izango da Sebastian Mora Caritas Española erakundeko idazkari nagusi ohi …
Asteko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Gabonak eleizbarrutiko askotariko kultur alkarteetan
Abenduan, kulturarteko alkarteak prest dagoz Gabonak sakontasunez bizitzeko. Migrazinoetarako Pastoraltzak antolatu dabezan jardueretako batzuk aurkeztu ditu:
Zeu zara Gabon! Berrizko gazteen taldearen eta helduen erreferentzia taldearen ekimena
Gaur arratsaldez, Berrizen, Gabonen atariko ekitaldia egingo da gazteen taldeak eta helduen erreferentzia taldeak sustatuta. Antolatzaileen esanetan, "gelditzeko, alkartzeko eta bat eginda egun honeetako poza bizteko tartea izango da".
Bake eta Adiskidetzerako Batzordeak Durangoko ekintza bandalikoak salatu ditu
Bake eta Adiskidetzerako Bilboko Eleizbarrutiko Batzordeak Durangon oroimenezko hainbat plakaren aurka burututako erasoak salatu eta gaitzetsi egin gura ditu. Kristau alkarteari bialdutako oharrean dinoenez, "biktimen oroimena zikintzea, ekintza garratza da eta guztiz ankerra".
Organo-solas kontzertua Durangon
Gaur. 20:00etan, organo-solas kontzertua ospatuko da "Argi-gogoetak" zikloaren barruan, Durangoko San Frantzisko monasterioan. Victor Perea Garcia organistak musika eta gogoeta buztartzen dituan emonaldia eskeiniko dau, besteak beste, Johann Sebastian Bach, Jehan Alain eta Felix Mendelssohn-Bartholdy musikagileen piezak interpretatuz.
Abendualdiko erretiroa bihar I. bikaritzan, Portugaleten
Bihar, abenduak 13, Abendualdiko erretiroa egingo da Portugaleteko San Inazio parrokian 10:00etatik 13:30etara, gura dabenentzat. Santurtzi Pastoral Barrutiko (PB) Santi Juarez abade palotinoak gidatuko dau erretiroa.
Caritas Bizkaiaren deia loturak estutzeko eta alkarte bizitza indartzeko
Caritas Bizkaia erakundeak 2025eko Gabonetako kanpaina aurkeztu dau. Abendu osoan garatuko da eta urtarrilaren 5ean Bilboko Plaza Barrian ospatuko dan errege-opil solidarioaren XXII. ekitaldiak emongo deutso amaiera. Alkarte bizitza indartzea ardaztzat hartuz, kanpainak aurre egin gura deutso aukeratu bako bakardadearen gehikuntzari eta milaka familiak, batez be ume txikiak dabezanek, bizi dauan ahuleziazko egoerari.
Guadalupeko Andra Mariaren ospakizunak eleizbarrutiko hainbat lekutan
Bihar, abenduak 12, Guadalupeko Andra Mariaren eguna ospatuko da. Egun hau bereziki ospatzen dabe Mexikon eta Hego Amerikako beste hainbat lekutan, deitura oso herrikoia da-eta. Eleizbarrutian, Eukaristia ospatuko da Bilboko San Nikolas eleizan, 19:30etan, latinoamerikarren talde batek euren zaindariaren omenez sustatu dauan ekimenez. Eleizkizunean, Luis Alberto Loyo Santiago katedraleko dean eta Alde Zaharra Pastoral Barrutiko (PB) arduraduna izango da buru.
Gabonetako kontzertua Begoñan, udako suteek eragindako biktimen alde
Datorren zapatuz, abenduak 13, sortu barri dan Koral Brahms taldeak jardungo dau, Gorka Sierra zuzendari dala, Begoñako santutegian. Gabonetako kontzertu berezia izango da eta John Rutterren "Aintza" interpretatuko dau. Begoñako kofradiak antolatutako ekitaldi berezi honetan batu daiten dirua Caritasen esku itziko da joan dan udan Leonen eta Ourensen gertatu ziran sute suntsitzaileek eragindako biktimen artean banatu dagian. Kontzertuan, Miriam Cepedak (Begoñako organista) eta Lander Bilbaok (tinbalak) jardungo dabe bakarlari lez, Bilboko Juan Crisostomo Arriaga kontserbatorioko ikasle …
Ministerio Ordenatuak erretiroa ospatuko dau bihar Javi Garcia abadeak gidatuta
Eleizbarrutiko Ministerio Ordenatuak erretiroa egingo dau bihar -abenduak 11, eguena-, 10:00etatik 13:00era, Begoñako gogarte etxean. Javi Garcia eleizbarrutiko abadeak gidatuko dau erretiroa gai honen inguruan: "Itxaron, haragitu eta onartutako Jainkoa. Gugaz bat egin gura dauan Jainkoa".