Barriak

Bilboko gotzainak 'Nueva Economía Fórum' dalakoak antolatutako gosari informatiboan parte hartu dau. Politika, eleiz eta enpresa arloko 160 lagun ingururen aurrean berba egin dau eta Elena Unzueta Caritas Bizkaia erakundeko zuzendariak aurkezpenean aurreratu dauanez, On Joseba Segura gotzainak "ez dau inor epel itzi". Bilboko Eleizbarrutiaren ekonomia eta pastoral jardueraren inguruko azalpenak emon ondoren, fedearen balio sozial eta pertsonalaz jardun dau. Europan, hedatuta dagoan krisiari lotuta, kristautasunak bizi dauan krisia aitatzeaz gainera, Eleizak etorkizunari aurre egiteko …

Goizeko bederatzietan hasiko da On Joseba Segura Bilboko gotzainak Ercilla hotelean, 'Nueva Economía Forum (NEF) Forum Europa, Tribuna Euskadi' dalakoak antolatutako ekitaldian, eskainiko dauan berbaldiaren zuzeneko emonaldia. Elena Unzueta Caritas Bizkaia erakundeko zuzendariak egingo dau gotzainaren aurkezpena. 

Juan Mari Lechosa Gonzalez Eleizbarrutiko abadea uztailaren 21ean hil zan Bilbon, 82 urte ebazala. Lutxanako parrokian urte asko emon eban, lehenengo, 60ko eta 70eko hamarkadetan eta, azkenean, Errekarte Pastoral Barrutian (PB) lagunduz. Horregaitik, makina bat lagunek eskatuta, datorren astelehenez, urriak 28, 19:00etan, Eukaristia ospatuko dabe bera oroitzeko Lutxanako Artzain Ona parrokian, Kerman Lopez Juan Mariren lagun min eta Eleizbarrutiko bikario nagusia buru dala. 

Euskalitek, Kudeaketa Aurreratuaren Astean -aurton, 30. ekitaldia ospatu da- antolatzen dituan jardunaldietan parte hartu dau, beste behin be, Bilboko Eleizbarrutiak. "Bizkaiko Eleizaren autofinantzaketa. Estrategia pastoral eta ekonomikoa 2022-2027" txostena aurkeztu eben atzo -eguaztena-, Iberdrolak Bilbon dauan egoitzako areto nagusian. Txostenaren aurkezpenean, honeek parte hartu eben: Jose Miguel Erdozain ekonomoak, Carlos Bargos idazkari nagusiak, Anabella barroso artxiboko zuzendari eta datuen babeserako arduradunak eta Jose Joaquin Moral egitasmo ekonomikorako idazkari teknikoak. 

Gaur arratsaldeko zazpietan ospatuko da Arrupe Etxean (Aita Lojendio, 2. BIlbao), Biblia-tailerraren lehenengo saioa. Migrazinoetarako Pastoraltzaren inguruko pertsonei zuzenduta dago eta Loiola zentroak eta Karidade eta Zuzentasunerako Migrazinoetarako sailak antolatzen dabe, sustatzailea, Eleizbarrutiko Teologia eta Pastoraltza Institutuko (ETPI) taldea dalarik. Tailer erara eskainiko da heziketa hau eta Bibliaren sen historikoa eta gaur egungo sena ezagutu eta horretan sakondu gura dabenentzat da.

Karidade eta Zuzentasunerako Ordezkaritzaren barruan dagoan Bake eta Adiskidetzerako sailetik proposamena egin dabe azaroaren 10ean ospatuko dan Oroimenaren Egunerako, bakarka, taldean edo alkartean egiteko. Besteak beste, ETAk bahitu eban enpresariaren seme dan eta, gertaera haren ingurukoak azaltzeaz batera, adiskidetzearen ikuspuntutik gogoetak eskainiz, "La caverna" liburua idatzi dauan Jose Maria Guiberti egindako alkarrizketa aurkeztu dabe. 

Bilboko III-VII bikaritzetako begiraleek otoitzaldia ospatuko dabe zapatuz, urriak 26, 10:00etatik 13:00era, Bilboko Eleizbarutiko Seminarioan (Zabalbide, 92). Belen Rodero Portugalete Pastoral Barrutiko (PB) ekipo ministerialeko kide eta Irakasleen Unibertsitate Eskolako (BAM) unibertsitate-zabalkunderako arduradunak gidatuko dau otoitzaldia.

Jose Angel Ubieta abadearen arimaren aldeko hileta-eleizkizuna barikuz, urriak 25, ospatuko da, 17:30etan, Bilboko Santiago katedralean.  On Joseba Segura gotzaina buru izango da. Bilboko gotzain izan zanean (1995-2010) Ubieta ezagutu eta beragaz jardun eban Mons. Ricardo Blazquez kardinala be etorriko da. Hil-kapera BIzkaia ehorztetxeak Gasaren plazan dauan beilatokian izango da bihar -urriak 24, eguena-, goizez, 11:00etatik 14:00etara eta arratsaldez, 16:30etatik 20:00etara. 

Jose Angel Ubieta abadea hilda, 98 urte ebazala, San Bizente abade-etxean. Bilbon jaio zan 1926ko martxoaren 21ean. Besteak beste, Seminarioko hezitzaile izan zan, Bikario Nagusi, Eleizbarrutiko Teologia eta Pastoraltza Institutuko Zuzendari edo Abadeentzako Bikaritza Zerbitzuko arduradun. Gainera, parrokietan jardun eban eta Eleizbarrutiko hainbat Kontseilu eta Batzordetako kide izan zan. 2018an, Carmelo Etxenagusia Ohorezko Aitamena jaso eban eta Eleizbarrutiari kulturaren arloan egin izan deutsan ekarpen nagusia Biblia-ikasketei lotutakoa izan dala autortu eban. Baina ezagutu ebenek gizona …

Orain dala hilabete batzuk Bilboko Abandoko San Bizente Martiria parrokiak organoa barriztatzeko egitasmoari ekin eutsan. Arduradunen esanetan, "organoaren egoera hala-moduzkoa" zalako. Parrokiak Bizkaiko Foru Aldundiaren eta Bilboko Eleizbarrutiaren laguntza dau egitasmo honetan eta 2025eko udarako amaitzea da asmoa.