Barriak
Etiquetado como: Santu guztiak / Domu Santu
San Antoniok "euriaz" bedeinkatu ditu baserritarrak Urkiolan
Euria iragarrita egoan, batez be arratsalderako, baina iragarpenak eguerdiz bete dira Urkiolan. Meza Nagusiaren ostean, Angel Mari Peñagarikano eta Julio Soto bertsolariak abesten egozala, egundoko euri-zaparrada bota dau. Santutegiaren inguruan batutak baserritarrek eskertu egin dabe euria, izan be, "ondo dator solorako; ia holan jarraitzen dauan". Halanda be, ez da danen gustuko izan, saltzaileek behar baino lehenago kendu behar izan dabez-eta postuak. Eleizan, orduoro -hamarretatik hasita- ospatu dira Eukaristiak eta eleiztar ugarik parte hartu dau. Gotzaina buru dala ospatu dan Meza …
Bizkaiko 24 ermita San Antonio eta San Joanen izenpeko dira
Gaur, Lisboan, 1195ean jaio zan Paduko San Antonio santu frantziskotarraren eguna ospatzen da. Bizkaian, Urkiolako santutegian ospatzen da jairik sustraituena eta ezagunena. Halanda be, lurraldeko beste hainbat herritan be gurtzen dabe santu hau. San Antonioren izenpeko ermitak dagoz Zallan, Erandion, Sukarrietan, Mallabian, Iurretan eta Zeberion. Ekaineko beste santuari, San Joan Bateatzaileari eskainitako ermitak, bestalde, Morgan, bermeon, Ajangizen, Ibarrutin, Lekeition, Aulestian, Ondarroan, Berriatuan, Markina-Xemeinen, Berrizen, Mallabian, Elorrion, Garain, Zornotzan, Diman, Igorren, …
Ekintza Katolikoak urteroko jaia ospatu eban atzo Las Carrerasen
Atzo -domeka-, EKO EGUNA 2023 ospatu zan, hau da EKO-ACG (Ekintza Katoliko Orokorra) mobimentuaren urteroko jaia. "Elkarrekin ibiltzen, nos acompañanos" goiburuaren haritik, partaideak oinez joan ziran Gallartatik Las Carreraseko parrokiaraino eta han ospatu eben jaia.
Asteburuko irudiak
Asteburuaren atarian, barikuz, Eleizbarrutiak autorpena egin eutsan On Joan Maria Uriarte gotzainari. Eguerdian, esker oneko Eukararistia ospatu zan Begoñako basilikan -hemen- eta beranduago ehun eta berrogeta hamar lagun inguru alkartu zan Seminarioa jatetxean bazkaltzeko. Arratsaldez, basilikan bertan, hainbat senar-emaztek euren ezkontzaren urteurrena ospatu eban. Beste alde batetik, zapatuz, Eleizbarrutiko Pastoral Kontseiluaren kurtsoko azken saioa ospatu zan. Gainera, Eleizbarrutiko 60 lagun erromes joan da Lourdesera Mariaren Legioa mobimentuaren eskutik. Atzo, Gorpuzti Eguna, On …
Kurtsoko azken Gotzain Kontseilua, Berrizen
Berrizko Mesedetakoek Berrizen bertan daukien Barnezabal Gogarte Etxean ospatuko dira gaur eta bihar Gotzain Kontseiluaren kurtso honetako azken saio biak. Kide guztiek -Eleizbarrutiko gotzaina, bikario nagusia, lurraldeetako bikarioak, Juanma Seco idazkari nagusia eta Marisa Arias (Laikotzarako Idazkaritzako zuzendaria), Manu Moreno (Karidade eta Zuzentasunerako ordezkaria ) eta Clara Arza (Fede-zabalkunde eta Katekesirako ordezkaria) kontseilu zabaleko hiru partaideak- parte hartuko dabe kurtso amaierako saio horreetan. Juanma Seco eta Marisa Ariasen azken batzarrak izango dira kontseilu …
Eleizbarrutiko asteko barriak
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Gorpuzti Egunez, meza eta prozesinoa, katedralean
Bihar -ekainak 11, domeka- Gorpuzti Egunez, On Joseba Segura Bilboko gotzaina buru izango da Santiago katedralean eguerdiko 12:00etan ospatuko dan Eukaristian. Eleizkizuna, zuzenean emongo da web orrialde honen bidez.
Kurtso barriaren hasiera, Egitasmoa... landuko dabez Pastoral Kontseiluan
Gaur ospatuko da Eleizbarrutiko Pastoral Kontseiluaren kurtsoko ohiko saioa. Gotzainari aholkua emoten deutsan eta Eleizbarrutiko askotariko arloetako ordezkariez osatuta dagoan kontseilu esanguratsu honek ospatuko dauan azken saio honetan, hainbat gai landuko dabe, esate baterako: egitasmoa nork bere egin eta garatzeko lekuan lekuko irakurketan izan dan parte hartzea eta irakurketa horretatik atara daitekezan ondorioak eta kurtso barriari hasiera emoteko 'Goazen!' ekitaldia. Goizeko 10:00etan hasiko da batzarra Begoñako Gogarte Etxean.
Maitasunaren Egunez, esker ona eta agurra
Atzo, hirukoiztarrek Algortan daben egoitzan, ekitaldi hunkigarria ospatu zan. Maitasunaren Eguna, aukera ederra izaten da euren denpora eta gaitasunak besteen alde eskaintzen dabezan ehunka lagunak -2.000 Bizkaiko Caritasen- alkartzeko eta guztiei esker ona eta autorpena eskaintzeko. Ehunka lagun batu zan Eukaristia berezia ospatzeko. Hasietan, Gontzal Mendibil musikagile eta abeslariak ondo etorria egin eutsen guztiei abesti bategaz, ondoren, Chusa Gonzalez lurraldeko kontseilariak esan ebazan berba batzuk eta Felix Larrondo lurraldeko bikarioak eskerrak emon ebazan VI. bikaritzan …