Barriak
Etiquetado como: Nagusiak
Solasaldi-kafea nagusien gizarte hartu-emonen garrantziari buruz
Gaur arratsaldeko bostetan, solasaldi-kafea ospatuko dabe Bilboko San Fernando parrokian. Pertsona nagusiei zuzendutako jarduera da eta Abando-Albia Pastoral Barrutiko CARITASek sustatzen dau.
Saioa eta kafea nagusientzat San Frantzisko Xabier parrokian
Abando-Albia inguruko pertsona nagusiak bihar, urtarrilak 31, batuko dira Bilboko San Frantzisko Xabier parrokian (2. solairua), batzar-kafean. Antolatzaileen esanetan, "partaideek, zahartzaroan agertzen dan hainbat konturi buruz jardungo dabe kafe baten inguruan".
"Vida Ascendente-Bizian Gora" mobimenduak kurtsoari hasiera emon deutso
"Vida ascendente - Bizian gora" pertsona nagusien Eleizbarrutiko mobimentuak kurtso hasierako batzarra ospatu eban. Tomy Rodriguez presidentearen esanetan, "taldeetako ordezkariak batu gara gure espiritualtasun, adiskidetasun eta apostolutzaren karismaren berariazko jarduerakaz kurtsoa programatzeko batu gara".
Pertsona nagusien astea, Caritasen "Bizi bete" egitasmoaren barruan
Bizkaiko Caritasek sustatzen dauan "Bizi bete" egitasmoaren barruan, gaur -maiatzak 22, astelehena- hasi eta eguenera arte -maiatzak 25- askotariko jarduerak izango dira pertsona nagusien astea ospatzeko, arratsaldeko bostetan, frantziskotarrek Iralan daukien aretoan (Vista Alegre kalea). Gaur arratsaldez, hain zuzen be, Redouan Chacouch Barakaldoko Agharas alkarteko kideak …
Caritasen Bizi-Bete egitasmoak 10 urte bete ditu
Gaur eta bihar, Bizi-Bete Bizkaiko Caritasek Nagusiei eta Zahartzaroari eskaintzen deutsan eta 2013an Bilboko Irala auzoan martxan jarri zan egitasmoaren 10. urteurrena ospatuko da. Gaur -astelehena-, arratsaldeko bostetan eta AA. Frantziskotarren parrokiako areto nagusian (Vista Alegre z/g), hamar urteko ibilbidea gogoratuko dabe hainbat lagunen lekukotasunen bidez. Bihar …
Ganbera-musika Amorebieta-Etxanoko eleizetan
Gaurtik irailaren 21ean ospatuko da "Eleizetan" jaialdia eta kontzertuak izango dira Dudeako San Migel, Boroako San Pedro, Bernagoitiako San Migel, Larreako San Joan Bateatzailea, Etxanoko Andra Mari eta Amorebietako Andra Mari tenpluetan.
35 kilometroko ibilbidea Zeanuriko 19 tenpluak bisitatzeko
Bihar ospatuko da Zeanurin ermitaz ermita egiten dan ibilaldia. 1988an Joko Alai Kirol Alkartearen eskutik sortu zan eta harrezkero natura eta ibilaldi luzeak gogoko dabezanen urteroko ezinbesteko hitzordu bihurtu dan oinezko ibilbide honen hogeta hamaseigarren ekitaldia ospatuko da.
Bihar, ekitaldi berezia Amatxuren koroatzearen 125. urteurrena dala-eta
Datorren astelehenez, irailak 8, Begoñako Ama Birjinaren koroatzearen 125. urteurrena ospatuko da. Hori dala-eta, Meza berezia ospatuko da bihar, 19:00etan. Luis Gamarrak zuzendutako Santurtziko 'Lagun zaharrak' abesbatzak abestuko dau ospakizunean eta Sestaoko 'Ametsa' abesbatzak bat egingo dau beronegaz Salbea eta Begoñako Andra Mari abesteko. Miriam Cepeda Basilikako organistak, Diego Duran dantzariak eta sarrera girotuko daben 5 txistularik be parte hartuko dabe eleizkizunean. Begoñako kofradiak esku-hartze berezia izango dau eleizkizunean eta Bizkaiko eta Arabako kofradiek parte …
Bazenkian Begoñako Andra Mariaren irudi bat dagoana 12 metrotara urperatuta?
Gaztelugatxeko San Joanen inguruan, 12 metroko sakoneran, Begoñako Andra Mariaren irudia dago urperatuta. 1963an tronuratu eben irudia, urpekari eta marinelen zaindaria. Urtero gogoratzen da gertaera hori otoitz eta lore-eskaintzakaz. Domeka honetan, irailak 7, barriro jarriko deutsez loreak urperaturako irudiari.
Bizkaiko Eleizaren kurtso hasieran, bost ibilbide oinez Elorrion
Aurretik be jakitera emon dogunez, irailaren 27an ospatuko da "Goazen 2025" ekitaldia eleizbarrutiko pastoral ekiturteari hasiera emoteko (ezinbestekoa da izena emotea: hemen). Ekitaldiari goizeko 10:00etan emongo jako hasiera, autobusak zehaztutako lekuetara iritsi eta harrera eta jubileu otoitza egiteaz batera. Ondoren, erromesaldia egingo da jubileu tenplua dan basilikara, bost lekutatik abiatuta: San Agustin eleiza, Argiñetako nekropolia, San Antonio Abadea ermita, monja domingotarren monasterioa eta Maria Bitarteko eleizbarrutiko ikastetxea.
Zabalik kurtso hasierarako izena emoteko epea
Elizeak Itxaropenaren Jubileua ospatzen dauen urtean, Bilboko eleizbarrutiak bere 75. urteurreneko ekitaldiakaz jarraitzen dau. Ikasturte barria irailaren 27an inaugurauko da ofizialki, Elorrioko Sortzez Garbiaren parrokian, eta egun horretarako Jubileoa irabazteko tenplu bihurtuko da. Izena emoteko epea zabalik dago. Izen emotea: hemen
Eleizeak ingurumena eta giza justiziaren aldeko jardunaldia ospatzen dau
Leon XIV aita santuak aukeratutako Sorkuntzaren Zaintzaren aldeko Munduko Otoitz Jardunaldiaren gaia “Bake eta itxaropen haziak” da. Hain zuzen be, Bizkaiko Elizak bakearen aldeko haziak banatu ebazan maiatzean, etxe askotan loratu diranak.
Abian da dokuMentala film laburren jaialdia
Argia Fundazioak dokuMentala film laburren jaialdiaren edizino barria jarri dau abian. Laguntza-harremanak aldaketaren eragile modura jartzen dauz erdigunean ekimen honek. Deialdia zabalik dago eta edozein persona, kolektibo edo erakundek aurkeztu leike bere lana zemendiaren 14ra arte.
Bizkaiko parrokiarik zaharrenean, bederatziurrena
Almikeko parrokia Bermeoko uribilduan dago, Busturiagaz mugan. Lope Díaz de Haro jaunak eta haren emazte Urraca Alfonsa andreak lurraldean sortu eben lehenengoa da. Gaurtik aurrera, inguruko eleiztarrak oinez joango dira eleizaraino, Ama Birjinaren bederatziurrena ospatzeko. Bere omenezko jaia irailaren 8an izango da.
Mañaria eta Abadiñoko erreguteak urteko azkenak
Abuztuko azken barikuro legez, Mañariko Jasokundeko parrokiako-alkarteak eukaristia ospatu dau Urkiolako santutegian. Amaitzerakoan, Felix eta Kontxiri oparitxoa emon gura izan deutsie datorren astetik aurrera etapa barri bati ekingo deutsie Ermuan-eta. Bihar, ikasturte liturgikoaren azken erregutea ospatuko da, Abadiñokoa, 11:30etan izango da eukaristia.