Barriak
Etiquetado como: Bizian Gora/Vida Ascendnte
Vida Ascendente-Bizian Gora mobimentuak zaindarien eguna ospatuko dabe
Gaur, otsailak 4, eguerdiko 12:00etan, Bilboko Bariko San Nikolas eleizan ospatuko dan Eukaristian Vida ascendente - Bizian gora mobimentuak San Simeon eta Santa Ana zaindarien eguna ospatuko dau eta, ostean, senide bazkaria izango dabe. Maria Jesus Beascoechea eta Manuel Heredia, hurrenez hurren mobimentuko presidene eta kontsiliarioak Radio Popular-Herri Irratian …
Sakramentuari buruzko heziketa "Vida Ascendente/Bizian Gora" mobimentuaren eskutik
Bihar -urtarrilak 21, eguaztena-, Bizian gora mobimentuak antolatuta, kurtsoko bigarren heziketa-saioa ospatuko da. "Eukaristiaren sakramentua" gaia landuko da saioan, Felix Alonso abadeak gidatuta. Ohiko lekuan izango da, Barrian (Plaza Barria, 4. 1. solairua), goizeko 11:00etatik aurrera.
Heziketa-saioa Vida ascendente / Bizian gora mobimentuan
"Vida ascendente / Bizian gora" mobimentuak, kideen etenbako heziketaren garrantziaz jabetuta, Sakramentuen gaia lantzen dihardu. Atzo -eguaztena-, eleizbarrutiko hainbat lekutako kideak Barrian batu ziran adiskidetzearen inguruko saioan parte hartzeko. Felix Alonso eleizbarrutiko abadeak gidatu eban saioa.
Bizian gora mobimentuak emon deutso hasiera kurtsoari: "Ez gara zaharrak, nagusiak baino"
Maria Jesus Beascoechea "Vida ascendente/BIzian gora" mobimentuko eleizbarrutikok presidentearen berbok emon eutsen hasiera mobimentuaren kurtsoari, lehenengo batzar nagusia ospatuz. Otoitzaren ostean, presidenteak kurtso osorako jardueren egitaraua eta eleizbarrutiko batzorde barriaren kideak aurkeztu ebazan, talde-lana mobimentuaren jardunbide nagusia dala nabarmenduz.
Mª Jesus Beascoechea, "Vida Ascendente-Bizian Gora" mobimentuko presidente barria
Vida Ascendente–Bizian Gora mobimentuak kurtso amaierako ekitaldia ospatu eban atzo eta Basauriko taldeko kide dan Mª Jesus Beascoechea aukeratu eben mobimentuko eleizbarrutiko presidente. Azken zortzi urtez mandatu hau bete dauan Tomy Rodriguezen lekua hartu dau.
Bihotz-barritze eta adiskidetzea "Bizian gora" mobimentuaren Garizumako erretiroan
"Bizian gora" nagusien mobimentuak erretiroa ospatu eban atzo -eguaztena- Barria eraikinean (Plaza Barria, 4). Felix Alonso eleizbarrutiko abadeak gidatu eban ekitaldia eta, Jubileuaren testuinguruan, bihotz-barritzea eta adiskidetzea landu ebezan.
"Alkartasuna eta esker ona" Bizian gora mobimentuaren jaian
Atzo -otsailak 5, eguaztena- Ana eta Simeon Bizian gora mobimentuaren zaindarien eguna ospatu zan. Eukaristia ospatu eben San Nikolas parrokian eta Tomy Rodriguez Bizian gora mobimentuko presidenteak azaldu dauanez, "alkartasun eta esker oneko unea izan zan, urtean bizi izandako guztia gogora ekarriz. Era berezian gogoratu genduan iaz hil zan Alberto Payas presidente emeritua …
Bizian gora/Vida ascendente mobimentuaren zaindarien eguna
Bizian gora/Vida ascendente mobimentuak SImeon eta Ana zaindarien eguna ospatu eban atzo -eguena-. Tomy Rodriguez mobimentuko Eleizbarrutiko presidentearen esanetan, "mobimentuaren egunik garrantzitsuenetakoa da, talde guztietako lagunak batzen garalako adiskidetasun eta pozezko giroan".
Espiritualtasuna Hirugarren Adinekoen artean gaiari buruzko berbaldia bihar, Sestaon
'Vida ascendente - Bizian gora' mobimentuak antolatuta, berbaldia ospatuko da bihar -domeka-, Sestaoko Jesusen Bihotza parrokian, goizeko 11:00etan, "Espiritualtasuna hirugarren adinekoen artean" gaiaren inguruan jardungo dauan Estrella Moreno Eleizbarrutiko Teologia eta Pastoraltza Indtitutuko (ETPI) zuzendariaren eskutik.
"Vida Ascendente-Bizian Gora" mobimenduak kurtsoari hasiera emon deutso
"Vida ascendente - Bizian gora" pertsona nagusien Eleizbarrutiko mobimentuak kurtso hasierako batzarra ospatu eban. Tomy Rodriguez presidentearen esanetan, "taldeetako ordezkariak batu gara gure espiritualtasun, adiskidetasun eta apostolutzaren karismaren berariazko jarduerakaz kurtsoa programatzeko batu gara".
Gazteen Pazkoak parte hartzerik nahi?
Prest da aurtengo Gazteen Pazkoen egitaraua. Hamabost urtetik gorakoentzat dira eta "bizitza bizten dauan bidea" goiburuaren haritik osapatuko dira, eleizbarrutiko gaztetxo eta gazteei Pazkoa beste era batera bizitzeko aukera emonez. Antolatzaileen esanetan, "Pazko Hirurrena eleizbarrutiko beste hainbat lagun eta taldegaz batera zentzunez eta sakontasunez bizitzeko aukera da". Hogeta bost urtetik gorakoentzako proposamena be badago.
Amalurra, 'Jazotakoa jaso' bideoklipen lehiaketaren gaia
Ikusgai dagoz Kultur Erakundeen Mahaiak "Jazotakoa jaso / Comunica Cultura" goiburuaren haritik antolatzen dauan bideoklipen lehiaketaren IX. ekitaldian parte hartzen daben bideoak. "Amalurra eta Laudato si'" gaia da aurten jorratu beharrekoa, "Zer ematen digu eta zer ematen diogu" galdera abiapuntutzat hartuta gizadiaren eta lurraren arteko hartu-emona arakatzeko.
Sinodoari buruzko bikaritzako lehenengo batzarra prestatzen
Otsailaren 28an, Gurutzetako parrokian ospatuko da Sinodoari buruzko bikaritzako lehenengo batzarra. Hitzordu honen aurretik, alkarteetan Sinodoko azken agiriaren inguruan bereizten eta gogoeta egiten ari dira etenbako prozesu honen barruan.
Hauts-egunez, Eukaristia, zuzenean katedraletik
Arratsaldeko zazpiretan hasiko da On Joseba Segura Bilboko gotzaina buru dala Santiago katedralean, gaur, Hauts-egunez, Garizuma-aldiari hasiera emoteko ospatuko dan Eukaristia.
Gotzaina buru izango da hautsaren ezarpenerako eleizkizunean, katedralean
Gaur, Hauts-eguna, Garizuma-aldiari hasiera emongo jako eta eleizbarrutiko parrokietan eleizkizunak egingo dira hautsa ezartzeko. On Joseba Segura gotzaina buru dala Eukaristia ospatuko da Santiago katedralean, 19:00etan. Zuzenean emongo da web honen bidez.
40 lagun inguru batu zan atzo Portugaleten otoitz egiteko
Atzo, Portugaleteko El Carmen ikastetxean I. eta II. bikaritzetako katekistak, familia pastoraltzarako eta erreferentzia taldeetako laguntzaileak eta begiraleak batu ziran otoitz egiteko. Bikaritza bietako 400 lagun inguru batu ziran, Sergio Buiza bikarioa bertan zala.
Iruñako artzapezpikuak saioa gidatuko dau Bilbon
Sasoi honetan ohikoa danez, Eleizbarrutiko Teologia eta Pastoraltza Institutuak eta Ministerio Ordenaturako Zerbitzuak etenbako heziketarako saioa prestatu dabe abade eta diakonoentzat. Oraingoan, ekitaldia Seminarioan izango da (Zabalbide, 92), datorren eguenez, otsailak 19, 11:00etan.
Asteburuan, sendotzak, ikastaroak eta erretiroak
Asteburuan, eleizbartutian izan dan hainbat jarduera argazkitan:
Erandion ospatuko da bake eta adiskidetzearen aldeko XII. Bake Topaketa
Otsailaren 21ean, bakearen aldeko eleizbarrutiko topaketa ospatuko da Erandioko San Agustin parrokian, "Reconciliación... bidean" goiburuaren haritik. Indarkeriak eragindako sufrimentuaren oroimen eta autortzarako ibilbideetan sakonduko dau.
Asteko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen.
Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org