Barriak

Gaur ospatzen dan Oroimenaren Egunean, Begoñako Andra Mari Irakasleen Unibertsitate Eskolatik (BAM), esker ona adierazo gura deutse ADI ADIAN programako biktimei euren lekukotasuna emoteagaitik. Arduradunen esanetan, eskerrak emon gura deutsiez "euren eskuzabaltasun eta konpromisoagaitik. Nerea Barrios eta Abel Ucedaren lekukotasuna, bultzada da oroimenaren, zuzentasunaren eta bake eta bizikidetzarako heziketaren alde lan egiten jarraitu dagigun". Beste alde batetik, gaur, Bilboko gotzainak eta Bilbao Foroa Bake eta Bizikidetzaren alde dalako kideek bikrimen oroimenezko lore-eskeintzanparte …

On Joseba Segura gotzainak 2050ean irakurriko dan gutuna gorde eban kutxa baten, On Ricardo Blazquez kardinala bertan zala ospatu zan 75. urteurrenaren amaierako mezan.

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org

Sinodorako eleizbarrutiko taldeak deialdia egin dau alkarteetan, Sinodoko azken agiria argitaratu ondoren, bereizketarako taldeak gidatuko dabezan pertsonen sarea sortzeko. 2024ko abendua eta 2025ko otsaila bitarteko agirian sakontzeko saioa sustatu eta garatu dagien pertsonak aurkitu gura dira. Izendatutakoek heziketa jasoko dabe azaroaren 25 eta 26an. Izena emoteko: hemen.

Gaur iluntzeko 19:00etan ospatuko da Markina-Xemeingo Andra Mari eleizan "Bizkaiko hotsak" Bizkaiko organo-jaialdiko lehenengo kontzertua, urtero lez "Diego Amezua" Organoaren Adiskideen Bizkaiko Alkartearen eskutik. Miriam Cepeda organistak eta Aitor Biainek zuzenduko dauan Euskal Herriko Unibertsitateko abesbatzak parte hartuko dabe. Sarrera doan da leku guztiak bete arte. Kontzertua pantaila eraldoian emongo da. Markinako organoa Aquilino Amezua euskal organogileak eraiki eban 1912an. Musika-tresna erromantikoa da, tinbre-aberastasun handikoa eta bereziki egokia akonpainamendu …

Datorren domekaz, azaroak 9, Eleizbarrutiaren Eguna ospatuko dogu, "jaieguna eta eskerrak emoteko eguna, alkarregaz parrokia bizia, Jesukristoren zale amorratua eta besteen alde egiten dauana eratzen dogulako". Aurton, bainera, egun horretan emongo jake amaiera Bilboko eleizbarrutiaren sorreraren 75. urteurreneko ekitaldiei. On Joseba Segura gotzaina buru dala Eukaristia ospatuko da Santiago katedralean, 19:00etan. Deialdia egiten jaku bertara joan gaitezan. Web honetan be zuzenean emongo da. "

2010etik aurrera, azaroaren 10a egun esanguratsu bihurtu da euskal gizartearentzat eta gure Eleizarentzat. Egun hau aukeratu eben, urteko 365 egunen artean, bakarrik horretan ez dalako izan hildakoak eragin dituan atentaturik. Bake eta Adiskidetzerako Batzordetik adierazo dabenez, "egun horrek gertatutakoa eta sekula gehiago gertatu behar ez dauana gogorarazoten deusku. OROIMENA egiteko eguna da". Batzordetik, dei egin dabe, gainera, egunotan antolatuko diran ekitaldietan parte hartu daigu. Bilboko bikaritzek, esate baterako, alkarte otoitzaldi eta ospakizuna egingo dabe"Indarkeriarik …

Etzi -azaroak 8, zapatua-, heziketa-saioa izango da II. eta Vii. bikaritzetako (Bilbao) katekistentzat, goizeko hamarretan, Barria eraikinean (Plaza Barria, 4).

Datorren barikuz, azaroak 7, 20:30etan, alkartasunezko kontzertua ospatuko da "musika biziak salbatzeko" egitasmoaren alde, Indautxuko Karmengo Ama parrokiako areto nagusian, "Uganda Sticks eta Ruandako tanborrak" dalakoaren eskutik. Sarrerak (12 euro. Umeentzat: 10 euro) internet bidez eskuratu daitekez, hain zuzen be hemen edo txartel-leihatilan ordubete aurretik. Beste alde batetik, Aba Taano taldea urtarrilean etorriko da Bilbora, "musika biziak salbatzeko" ekimen beraren alde jarduteko. Euren emonaldia 2026ko urtarrilaren 3an izango da, 20:30etan, Indautxuko Karmengo Ama parrokiako areto …