Barriak
Etiquetado como: Ondarea
35 kilometroko ibilbidea Zeanuriko 19 tenpluak bisitatzeko
Bihar ospatuko da Zeanurin ermitaz ermita egiten dan ibilaldia. 1988an Joko Alai Kirol Alkartearen eskutik sortu zan eta harrezkero natura eta ibilaldi luzeak gogoko dabezanen urteroko ezinbesteko hitzordu bihurtu dan oinezko ibilbide honen hogeta hamaseigarren ekitaldia ospatuko da.
Arteagan kanpaina jarri da martxan San Lorentzoren irudi gotikoa berreskuratzeko
"Salbatu daigun San Lorentzo!" kanpaina jarri dabe martxan Arteagako parrokian. Horren bitartez, 600 urte inguru eta 90 zentimetroko altuera dituan San Lorentzoren eskultura gotikoa sendotu egin gura dabe, izan be, gaur egun pipiaren eraginez oso kaltetuta dago.
Abandoko San Bizente Martiria parrokiako organoa barriztatzen dihardue
Orain dala hilabete batzuk Bilboko Abandoko San Bizente Martiria parrokiak organoa barriztatzeko egitasmoari ekin eutsan. Arduradunen esanetan, "organoaren egoera hala-moduzkoa" zalako. Parrokiak Bizkaiko Foru Aldundiaren eta Bilboko Eleizbarrutiaren laguntza dau egitasmo honetan eta 2025eko udarako amaitzea da asmoa.
“Open" ekimenak barriro zabalduko dituBilboko eraikinen ateak
Gaur hasi eta datorren domekara arte -urriak 6-, Open House jaialdia ospatuko da (zortzigarren ekitaldi honetatik aurrera, "Open" deituko da). "Arkitekturen jaialdia" goiburuaren haritik ospatuko dan ekitaldian, uribilduko 70 eraikin eta leku esanguratsu bisitatzeko aukeraz gainera, beste hainbat jardueratan parte hartzeko abagunea eskainiko da. Besteak beste, Eleiz Museoa, …
Bizkaiko burdinaren 'madarikazinoa', munduko onena
Komunikabideetarako Eleizbarrutiko sailak bideoa argitaratu dau Alberto Santana historialariak joan dan astean Bilbon ospatu ziran Eleizaren Kultur Ondarearen XLII. Jardunaldiei hasiera emon eutsen ekitaldian eskaini eban berbaldiagaz. Kultur Ondarerako Bizkaiko Foru Aldundiko Zerbitzu-buruak interes handiko zehaztasunak emon ditu aurkezpenean. Besteak beste, San Anton eleiza …
"Bilbao, gaur egungo arte erlijiosoak izan beharko leukenaren eredu da"
Gaur goizean emon deutse amaiera joan dan martitzenez Bilbon hasi ziran Eleizaren Kultur Ondarearen XLII. Jardunaldiei. Pablo Lopez Raso Madrileko Francisco Vitoria Unibertsitateko Komunikazino-fakultateko katedradunak betiko eleizetan eta oinplano barriko eleizetan txertatutako arte garaikidearen inguruko berbaldi bi eskaini ditu. Pablo Delclaux Ondarerako Gotzainen …
"Guggenheim museoa lagungarri izan da etorkizunean konfiantza izateko"
Aste honetan, Kultur Ondarerako Espainiako Gotzainen Batzarreko Gotzain Azpibatzordeak sustatzen dituan Eleizaren Kultur Ondarearen XLII. jardunaldiak ospatzen ari dira Bilbon, 25 Eleizbarruti inguruko ordezkariakaz. Atzo, Juan Ignacio Vidarte Bilboko Guggenheim Museoko zuzendariak jardun eban, besteak beste, eta uriburuko haibat leku bisitatu eben, esate baterako, …
"Gure Eleizen tradizinoaren ondarea gorde eta zabaltzea, jarrera modernoa da"
Estatuko 25 Eleizbarruti inguruk parte hartzen dihardu atzotik Kultur Ondarearen XLII. Jardunaldietan. Deustuko Unibertsitateko ospakizun-aretoan emon jaken hasera jardunaldiei Juan Jose Etxeberria Unibertsitateko errektorea, On Joseba Segura Bilboko gotzaina, Joan Maria Aburto alkatea, Lexuri Arrizabalaga Kultur diputatua eta Mons. Francisco Jose Prieto Santiago de …
Ondare kultural erlijiosoari buruzko jardunaldiak ospatuko dira Bilbon
Kultur Ondarerako Espainiako Gotzainen Batzarreko Gotzain Azpibatzordeak sustatuta, Eleizaren Kultur Ondareari buruzko XLII. Jardunaldiak ospatuko dira. Aurtengo ekitaldian, honako gai hau landuko da: "Ondare kultural erlijiosoa, ohitura, modernitatea eta jasangarritasuna".
Arrieta, Agate Donea, Santa Marina eta Munarri, Ondarearen Jardunaldietan
Urrian ospatzen ari dira Ondarearen Europako XXIII. Jardunaldiak Bizkaian. "Ondarea bizirik, patrimonio vivo, patrimonio inmaterial", goiburuaren haritik, Bizkaiko Foru Aldundiak, aurton, kultur egitarau zabala garatzen dihardu. Esate baterako, 152 dira egindako proposamenak eta 257 jardueratan -berbaldi eta solasaldiak, erakusketak, aspaldiko lanbideen erakusketak, bisita …
Eleizbarrutiak euskeraren egunagaz bat egin dau kulturaren oroitza-txostena euskeraz kaleratuz
Euskeraren eguna dala-eta, Bilboko eleizbarrutiak Kulturaren Bilboko eleizbarrutiko oroitza-txostena (1950-2025) formatu barrian eskuragarri jarri dau. Erraz jadesteko moduko eran, Bizkaiko Eleizak euskara zaintzeko, sustatzeko eta normalizatzeko egin dauan lan handi eta iraunkorra agertu dau. Oroitza-txosten instituzional honek Eleizak euskeraren bizitasunaren eragile lez historian izan dauan eta gaur egun dauan egitekoa nabarmendu dau. Kulturaren oroitza-txostenaren aurkezpen ofiziala joan dan azaroaren 5ean izan zan, Xabi Paya bertsolaria, Lara izagirre zine-zuzendaria eta Miguel Zugaza …
Basurtuko monja kaputxinoak harrituta "Guía Repsol" dalakoak egindako autorpenagaz
Monja kaputxinoen Basurtuko Pilareko Andra Mari monasterioa asaldatuta egoan gaur goizean. Telefono-hotsa etenbakoa izan da eta kamera bat baino gehiago hurreratu da gozogintzako lantegira. Izan be "Solete" autorpena jaso dabe, "Guía Repsol" dalakoak emoten dauan pegatina horia. Lehenengo aldiz komentuak kontuan hartu dabezala da barritasuna.
Gotzainak Begoñako misino-azoka bisitatu dau
Aurton be zabaldu dabe Begoñako misino-azoka basilikako arkupeen behealdean, orain dala hogeta hamar urte martxan jarritako alkartasunezko ohiturari jarraituz. Abenduaren 7ra arte zabalik izango dan azokak On Joseba Segura gotzainaren bisita eta babesa jaso dau gaur. Salmahaiak bisitatu eta boluntarioakaz solasean jardun dau.
Meza Bilbon, "Laguntasuna Behartasunean dan Eleizari" dalakoaren 60. urteurrenean
"Laguntasuna Behartasunean dan Eleizari" erakunde katolikoak 60 urte bete ditumunduko kristau alkarterik ahulenen eta jazarrita dagozanen alde konprometituta. Zerbitzuzko historiaren oroitzapenezko meza ospatuko da abenduaren 4an Santiago katedralean.
Desgaitasunaren egunez, "familiarteko eta itxaropenezko" ospakizuna
Joan dan zapatuz, azaroak 29, nazinoartean bihar, abenduak 3, ospatuko dan Desgaitasunaren eguneko eleizkizuna osptu zan Santiago katedralean. Kerman Lopez bikario nagusia buru zala egin zan "familiarteko eta itxaropenezko" ospakizuna.
Hasi da bikario-karguak barritzeko prozesua
Bilboko eleizbarrutiak Lurralde Bikarioen karguak barritzeko azterraldiari ekin jako gaur, euren bost urteko agintaldia amaitzear dalako. Era berean, Bikario Nagusiaren kargua be ebaluatu egingo da. Lurraldeetako bikario-karguak barritu beharra dagoala-eta, zenbat aukeratuko diran aztertu da aurretik eta, azkenean, azterraldiaren emaitzak ikusita, Gotzain Kontseiluak erabakia hartu dau: I. eta II. Bikaritzak bakarrean batzea berretsi eta, ondorioz, bertan bikario bakarra izatea eta IV. eta V. bikaritzek bikario banagaz jarraitu dagiela.
Abesbatzen Gabonetako kontzertuak Bilboko eleizetan
Datorren astelehenez, abenduak 1, abesbatzek Gabonetan Bilbon, auzoz auzo eskaintzen dabezan kontzertuetako bat ospatuko da. Abenduaren 1etik 28ra, bertoko abesbatzek 18 kontzertu eskainiko dabez Bilboko zenbait eleizatan. Egitaraua osorik honako honegaz batera agertzen dan kartelean. Udalak antolatzen ditu kontzertuok, Bilboko eleizbarrutiagaz batera, KULTUR GABONAK egitarauaren barruan. Gegiago jakiteko eta egitaraua osorik: hemen.
Alkarren barri aldizkariaren azalean, aska hutsik agertzen da
Bizkaiko Eleizaren inguruko barriak jasoten dituan Alkarren Barri hileroko agerkaria harpidedunen etxeetrako bidean da. Gaur, abenduko alea argitaratu da euskarri digitaleak ikus-entzunezko materialagaz. Ale hau Abendualdian eta Jubileu Urtearen amaieran atara da eta azalean gogoetara garoazan irudia agertzen da: aska hutsa eta goiburu hau: "En Navidad, pon lo que falta - Zeure esku dago".
Astekoak, asteko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Desgaitasuna daben Pertsonen Eguneko Eukaristiaren zuzeneko emonaldia
Datorren abenduaren 3an ospatuko da Desgaitasuna daben Pertsonen Nazinoarteko Eguna. Eleizbarrutian, gaur -azaroak 29, zapatua- ospatuko da Santiago katedralean, Kerman Lopez bikario nagusia buru dala, arratsaldeko zazpietan ospatuko dan Eukaristiagaz. Zuzenean eskainiko da web orrialde honen bidez.