Barriak
Etiquetado como: Caritas
Saria Caritaseko Txorierriko boluntarioentzat
Caritaseko Txorierriko kristau alkarteko bolunterioei autorpena jaso dabe Txorierriko Mankomunitataren eskutik. Hain zuzen be, saria emon deutse euren ibilbide eta ekintza solidarioagaitik, aspalditik ari dira-eta, egunero-egunero pertsona nagusiak bisitatzen, neskato-mutikoei eskola-laguntasuna emoten eta familia askori harrera-zerbitzua eskaintzen.
BOSen kontzertu solidarioa Caritas Bizkaia erakundearen alde
Irailaren 6an, Bilboko Orkestra Sinfonikoak Caritas Bizkaia erakundearen alde eskainiko dau kurtsoko lehenengo kontzertua. Ekitaldia Karmeneko Ama parrokian izango da, 20:00etan. Sarrera doan izango da leku guztiak bete arte eta batu daiten dirua eleiz erakundeari emongo jako.
Caritas Bizkaia erakundearen deialdia puzzle erraldoia osotzeko
Caritas Bizkaia erakundeak deialdia egin dau gura daben pertsona, talde eta erakunde guztiek puzzle erraldoiaren osaketan lagundu daien. Zahartzaroaren aurkako gehiegikeria eta tratu txarren inguruan jabetzeko Munduko Eguna dala-eta antolatu dabe jarduera hau. Gaur, eguerdiko 12:30etatik 13:30etara izango da ekitaldia Bilboko Santiago katedralaren aurreko plazan eta pertsona …
Caritasek 13.000 lagun inguru artatu ebazan 2023an
Caritas Bizkaia erakundeak BIlbon dauan egoitzan aurkeztu dabe gaur goizean Caritasen 2023ko oroitza-txostena. Elena Unzuetak eta Ana Sofi Telletxeak, Caritas Bizkaia erakundeko zuzendari eta Gizarte Behatokiko arduradun, hurrenez hurren, erakundearen azken urteko daturik nabarmenenak eskaini dabez.
Solasaldi-kafea nagusien gizarte hartu-emonen garrantziari buruz
Gaur arratsaldeko bostetan, solasaldi-kafea ospatuko dabe Bilboko San Fernando parrokian. Pertsona nagusiei zuzendutako jarduera da eta Abando-Albia Pastoral Barrutiko CARITASek sustatzen dau.
Gernikan, klaratarrei buruzko ikus-entzunezkoa eta Caritasen aldeko kontzertua
Gaur eta bihar, ekitaldi garrantzitsuak ospatuko dira Lizeo antzokian. Lehenengoa, gaur iluntzeko 20:00etan, 'Agur Santa Clara' 14 minutuko dokumentalaren emonaldia izango da. Gernikan 600 urtez bizi ondoren, klausurako monja honeek agur esan eutsen gernikarrei gotzaina buru zala ospatu zan eleizkizunean eta eurek eta komentuak itzi daben arrastoa jasoten da …
Opil solidarioa: ez da kostatzen dana, balio dauana baino
Gaur goizean aurkeztu da datorren barikuz, urtarrilak 5, Bilboko Plaza barrian 10:00etatik 14:30etara ospatuko dan Errege-opil solidarioaren XX. ekitaldia. Ekimen hau, 2005ean jarri eban martxan Caritas Bizkaia erakundeak gizartea ume eta gazteek jasate daben bazterketa eta pobretasunaren aurkako borrokara erakarteko. Gaur egun be helburu bera dau: "sentiberatasuna biztu …
Kooperak ehun-tratamendurako bigarren instalazinoa zabaldu dau
Bizkaiak kontsumitu osteko ehun-tratamendurako bigarren instalazinoa dau, hain zuzen be, gaur, Mungian inauguratu dan 'Koopera Reusing Center II'. Koopera Caritas laneratze eta gizarteratzerako estatuko enpresarik handienak, baztarketa jasaten daben edo jasateko arriskua daben pertsonak laneratzeko eskaintza babaldu egin dau 3.368 metro karratuko instalazino barri honegaz.
"Inor etxebizitza barik" Caritasen kanpaina
Cáritas Bizkaia erakundeak etxebizitza bakoen inguruko 2023ko kanpaina ospatuko dau. Dei egiten dau, "alkarte inklusibo izan gaitezan, alkarteak eginez eta, helburu eta ekintzetan bat eginda, zailtasunak eta adorerik eza gainditu daiguzan". Oraingoan, aparteko arreta jarri gura dabe bizilekurik ez daukien emakumeek jasaten daben ahulezian: "sarea banatzeak alkarteari eusteko …
Parte hartu gura dozu Ipar-Hegoa alkartasun ikastaroan?
Eleizbarrutiko Teologia eta Pastoraltza Institutuak, Cáritas Bizkaia erakundearen lankidetza-egitasmoagaz eta Eleizbarrutiko Misinoen Ordezkaritzagaz batera, Ipar-Hegoa alkartasun ikastaroa jarriko dau martxan aurton be. Hezteko gogoa, jakin-mina eta Ipar-Hegoa alkartasunerako erakunderen baten konpromisoa hartzeko gogoa daben 21 urtetik gorakoentzat da.
Bilboko gotzaina Haur Misiolarien kanpamentuan
Aita Santuaren Misio Ekintzak (OMP) erakundeak antolatutako kanpamentua ospatuko da Javierren (Nafarroa) ekainaren 22tik 29ra. Umeen (lehen hezkuntzako 3-6 mailakoak) eta gazteen (DBHko 1-4 mailakoak) kanpamentuak egingo dia. Gaur -barikua-, On Joseba Segura Bilboko gotzain eta Misinoetarako eta Eleizen arteko Lankidetzarako Espainiako Gotzainen Batzarreko (EGB) Gotzain batzordeko presidentea joango jake bisitan.
Hirugarren etapa BizkaiBiran: Igorre-Zeanuri
BIzkaiBiraren hirugarren egunean, ibiltariek 12,11 kilometroko ibilbidea burutzeaz gainera, Zeanurik Caritas Bizkaia erakundeak egiten dauan lana zuzenean ezagutzeko aukera izango dabe. Lehenengo etapan, Osasun Pastoraltzan laguntzen dauan hainbat lagunek eroan eban lekukoa, atzo, Migrazinoetarako Pastoraltzako kideek eta gaur lekuko Caritas taldeen, hain zuzen be Arratiako talde honen, zerbitzua nabarmenduko da.
Vicente Vide Teologia-fakultateko dekano
Atzoko egunez -eguaztena- Deustuko Unibertsitatean ospatu zan ekitaldian, Macarena Cuenca Zientzia Ekonomiko eta enpresarialen (Deusto Business School) dekano-karguaz jabetu zan, Andoni Eguiluz Ingeniaritza-fakultateko dekano-karguaz eta Vicente Vide Teologia-fakultateko dekano-karguaz. Gainera, Alvaro de la Ricak bere gain hartu eban Politika Akademiko eta Eraldaketa Digitalerako errektoreorde ardura.
"Santiago katedraleko torre neogotikoari" buruzko berbaldia
Karidadearen Mirabeen Bilboko etxe nagusian dagoan (Nasa, 1) ospatuo da bihar -barikua-, 17:00etan, Arkitektura-gelak antolatutako berbaldia. Francisco Javier Garcia de la Torre zuzendariak jardungo dau honen inguruan: "Santiago eleiza katedraleko torre neogotikoa". Gainera, 7. pisuko terrazatik -7. zerua- bista panoramikoaz gozatzeko aukera izango da. San Anton, Areatza, Zazpi kaleak, Erribera, Itsasadarra...
BizkaiBirako bigarren etapa, Galdakaotik Igorrera
Atzo Begoñan emon jakon hasiera BizkaiBirari Begoñan hasi eta 13,06 kilometroren buruan, Galdakaon amaitu zan etapagaz. Gaur ospatuko da bigarrena, 15,94 kilometrokoa, Galdakaon hasi eta Igorren amaituko dana. Arratsaldez, Arratiako alkarte katolikoko etorkinak izango dira protagonistak.
Ehunka lagun batu da BizkaiBira ibilaldiaren hasierako ekitaldian
HIrurehun lagun inguru batu da Begoñako basilikan BIzkaiBIra ibilaldiko lehenengo etapari hasiera emoteko ekitaldian. 19 egunez egingo da amaitu be Bilbon amaituko dan esperientzia espiritual eta kultural hau. Gotzaina izan da buru Amatxuren oinetan ospatu dan bialketa-otoitzean. Otoitzaldia amaitzeaz batera, ibiltariek ibilbideari ekin deutse eta 13 kilometro egin ondoren, Galdakaora iritsiko dira.
300 lagun inguruk armagabetzea eskatu eban atzo
Bizkaiko kristau alkarteak batu ziran atzo Joan Santuak eleizan bakea aldarrikatzeko eta gerra-hotsak isiltzea eskatzeko. "Bake goldeak / Arados de paz" mobimentuak deituta, 300 lagun inguru batu zan gaubeilan, Hagan ospatzen ari zan NATOren goi-bileraren egun berean. Antolatzailek dei egin eben uztailaren 3an Gernikan amaituko dan BIzkaiBira ibilaldiko hirugarren etapagaz bat egiteko, arratsaldez ospatuko dan armagabetze eta bakearen aldeko ekitaldian.
"Harrera eta abegia" Bizkaia isilik bilkuretan
Bizkaia isilik bilkura isilak deitzen dabezanek azaldutakoaren arabera, Migrazinoetarako Nazinoarteko Erakundearen datuen arabera, 400 etorkin hil dira Mediterraneoan (munduko hobi komunik handiena) zeharkatzeko saiakeran. Gaur barriro batuko dira, hilaren azken eguaztenez ohikoa danez, bidegabekeriaz jositako hainbeste egoera agertzeko eta salatzeko. Deialdian jasoten danez, hilabete honetako bilkuran, "itxaropena erakutsi eta mundu zuzenagoaren alde jarraitu gura dogu. Gogoan izango doguz, batez be, mugak zeharkatzeko saiakeran biktima bihurtu diran pertsonak eta Europako hegoaldean bizi …
Bilboko gotzainak BizkaiBirari hasiera emongo deutso bihar Begoñan
Bihar hasiko a BizkaiBira, aparteko erromesaldi fisiko eta birtuala. Bilboko eleizbarrutiak antolatuta, 19 etapa burutuko dira jarraian. Zazpirehun eta hogei lagunek emon dabe izena 19 egun eta gaue Bizkaia zeharkatuko dauan 300 kilometro inguruko ibilbidea egiteko. Bihar, goizeko 9:00etan egingo da hasierako ekitaldia Begoñan eta handik abiatuko da lehenengo etapa. On Joseba Segura gotzaina izango da Amatxuren etxean egingo dan otoitzaldian eta Bilbao-Galdakao lehenengo etapan parte hartuko dau. Hasierako hetapa honetan, Santa Marina eta Galdakaoko ospitaleetako osasun pastoraltzako …
Parte hartu gura dozu campaJOCen?
Gazteria Langile Kristaua (JOC) mobimentuak "CampaJOC 2025" udako kanpamentua egingo dau Zallan uztailaren 21etik 27ra. Eleizbarrutiko 14 eta 30 urte bitarteko gazte guztiek emon leikie izena. Parte hartu gura dozu? Eurakas hartu-emonean jarri 688 88 39 50 (Ethan) edo 651 30 94 17 (Patri) telefonoen bitartez.