Barriak
Etiquetado como: Caritas
Bidezko Merkataritzarako proposamenak Ekuadorretik
"Bidezko Merkataritza: Ekuadorreko ekoizleen erronka eta proposamenak", goiburuaren inguruan jardungo dabe Maria Jesus Perez eta Marina Sampredo MAQUITA Fundazinoko kideek. Saioa, bihar, otsailak 26, izango da, 11:00etatik 12:00etara Kidendan (Epalzaren alarguna, 6, etxabea). Sarrera libre.
Caritasen errege-opil solidarioa argazkitan
On Joseba Segura Bilboko gotzaina, Joan Mª Aburto alkarteak eta Teresa Laespada Lan, Gizarteratze eta Bardintasunerako Foru diputatuak parte hartu dabe, besteak beste Bizkaiko Caritasek Bilboko Plaza Barrian errege-opil solidarioa banatzeko antolatu dauan ekitaldian. Eurakaz batera, boluntario ugari batu da eta erakundeetako eta etxe laguntzaileetako hainbat lagun.
Gaur, "Errege-opil solidarioaren" banaketa, Bilbon
Aurtengo gozoki solidarioak 600 kilo pisatuko ditu eta ohiko errezetaz egingo da. Prestaketan, 350 kilo irin, 63 kilo azukre, 92 kilo gurin, 110 dozena arrautza, 30 litro laranja-lore ur, 33 kilo legamia, 50 kilo fruta azukreztatu apaintzeko eta 7 kilo gatz erabiliko dira.El Roscón solidario llega de nuevo hoy a Bilbao. Esta iniciativa puesta en marcha por Caritas …
"Errege-opil solidarioaren" 3.500 zati banatuko dira urtarrilaren 5ean, Bilbon
Carlos Bargos Bizkaiko Caritaseko zuzendariak eta Ana Sofi Telletxea erakunde horretako ikerketa eta garapenerako arloko arduradunak "Errege-opil solidarioaren" ekitaldia aurkeztu eben atzo. Errege-opila urtarrilaren 5ean, eguenez, banatuko da Bilboko Plaza Barrian. Aurtengo gozoki solidarioak 600 kilo pisatuko ditu eta ohiko errezetaz egingo da. Prestaketan, 350 kilo …
Asteturuan, Caritasen Gabonetako kanpaina ospatuko da parrokietan
Carlos Bargos Bizkaiko Caritaseko zuendariak, asteburuan ospatuko dogun Eleizbarrutiko jardunaldirako idatzi dauan gutunean, dei egiten deusku gure barrentasuna eta Jainkoagazko hartu-emona zaindu daiguzan: "zaindu daiguzan gertuko eta urrineko pertsonak, zaindu daigun danona dan etxea non Jesus jaiobarria, txikia, mendekoa, gizatasun eta ahultasun egiten dan". Kanpainaren …
Parte hartu gura dozu eztabaida-leku eta topaketa baten?
Datorren astean, hitzaldi saila ospatuko da, "Estoy llamando a tu puerta - Harrera, gure erronka!", goiburua ardaztzat hartuta eta Loiola zentroak eta Eleizbarrutiko Teologia eta Pastoraltza Institutuak (ETPI) antolatuta. Hitzaldiok apirilaren 22, 23 eta 224an izango dira, 18:30etan, Arrupe Etxean. Izena emotea: https://bit.ly/Forodialogo2024 (5 euroko borondatezko laguntza eskatuko da egun bakotxerako).
3.000 eskaut batuko dira Urkiolan
Euskalerriko Eskautak mobimentuko kideak Gorka Deuna euren zaindariaren eguna ospatzeko eta eskaut mobimentuaren 65. urteurrena gogoratzeko batuko dira. Aurton, esanahi erlijiosoagaitik zein inguratzen dauan naturagaitik adierazgarri dan Urkiolako santutegiaren inguruan alkartuko dira. "Gure iragana ospatuz eta gure etorkizuna eraikiz" goiburua ardaztzat hartuta ospatuko dabe eguna.
Azoka solidarioa Altamiran, Palestinako umeen alde
Datorren domekaz, apirilak 21, azoka solidarioa ospatuko da, Altamirako Hirutasun Santua parrokiak antolatuta. Altamira auzoko frontoian izango da, 11:00etatik 18:00etara. Batu daiten diruaren zati bat Palestinako umeentzat izango da eta beste zati bat parrokiara iristeko arrapala eraikitzeko.
Omenaldia eta esker ona Mikel Larrauri abadeari, Ibarrurin
Mikel Larrauriren Ajuria, Gorozika, Ibarruri eta Gernikaldeko makina bat lagun batu zan zapatuz Ibarruriko parrokian, urte luzez bertan jardun izan dauan Mikeli esker ona adirazoteko. Hainbat abadek alkar-meza emoten ebala ospatu zan Meza Nagusian bertako koruak abestu eban.
Sestaoko hainbat familiak Larrabetzun igaro dau asteburua
Sestao Pastoral Barrutiko (PB) katekesiko eta beste hainbat arlotako familiak alkartu dira Larrabetzun eta alkarregaz igaro dabe asteburua. Jaime Pizarro pastoral moderatzailea eta Marisa Quintano Fede-zabalkunde eta Katekesirako arduraduna izan dira eurakaz.
San Migel-Orozko Pastoral Barrutikoak erromes joan dira Estibalizeko santutegira
San Migel-Orozko Pastoral Barrutiak, Donejakue Biderako eta Erromesaldietarako Eleizbarrutiko idazkaritzagaz batera, erromesaldia egin eban apirilaren 13an, zapatuz, Estibalizeko Andra Mariaren santutegira. San Migel, Arrigorriaga, Zaratamo, Ugao-Miraballes, Zeberio eta Orozkoko parrokiako kideek autobus bat bete eben eta Gasteizko Eleizbarrutiak Estibalizeko Andra Mariaren koroatze kanonikoaren mendeurrena ospatzeko 2023ko maiatzaren 6tik 2024ko maiatzaren 6ra ospatzen diharduen Jubileuan parte hartzeko.
Kristau Bizitzarako Ikastaroak mobimentuaren konbibentzia Etxebarrin eta kontzertua Ziortzan
Joan dan zapatuz, apirilak 13, Kristandade Ikastaroak mobimentuko kideek konbibentzia egin eben Etxebarriko San Esteban parrokian, apirilaren 26tik 28ra Begoñako Gogarte Etxean ospatuko daben Kristau Bizitzarako ikastaroaren aurrerapen lez.
Jacinto Batiz: "Errukiak pasibo ez ezik eraginkor izan behar dau"
Horixe esan eban, besteak beste, zapatuz, Jacinto Batiz doktoreak, Propagandisten Ekintza Katolikoak antolatuta, asteburuan Bilboko Euskalduna jauregian ospatu diran 'Katolikoak eta Bizitza publikoa Euskal Herrian' jardunaldien XVIII. ekitaldian. Aurton, "Fedeak bildurra garaitu egiten dau" goiburuaren haritik ospatu dira.
Lourdeseko Bizkaiko Hospitalitatearen erromesaldia Xabierrera
Ehun lagun inguruk -gaixo, hospitalitateko kide eta erromes- parte hartu dau, Lourdeseko Bizkaiko Hospitalitateak antolatuta, Xabierrera egin dan erromesaldian. Zapatuz Xabierren izan ziran eta atzo -domeka- Iruñan. Urrian, urtero, Lourdesera egiten daben erromesaldiaz gainera, urtean zeha beste hainbat jarduera be antolatzen dau Hospitalitateak, esate baterako, asteburuan Nafarroara egin dauan erromesaldia eta eguaztenez, Indautxuko Karmeneko Ama parrokiako areto nagusian, 19:30etan Carlota Valenzuelak eskainiko dauan berbaldia.
Zelan arindu emozino-sufrimentua itxaropena sortuz
Datorren maiatzaren 5ean, Pazkoaldiko VI. Domeka, Gaixoaren Pazkoa ospatuko da. Egun honen inguruan, parrokia alkarteak gaixoengana, honeen senideengana eta osasun arloko profesionalengana hurreratzen dira. Eurakaz batera eta euren alde otoitz egiten dabe eta gaixoen oliaduraren sakramentua emoten da. Gainera, Osasun Pastoraltzak antolatuta, berbaldia ospatuko da apirilaren 17an, eguaztenez, eta Deustuko Unibertsitatean etika-irakasle eta gizarte- eta osasun-zerbitzuetako labuntza-etikaren garapenerako aholkulari dan Marije Goikoetxea izango da hizlaria.