Barriak

Datorren domekaz, uztailak 13, BizkaiBira ibilbideko azken kilometroak egingo dira joan dan ekainaren 25ean abiapuntu izan zan Bilbora heltzeko. Honako honegaz batera ikusgai dan bideoan, Clara Arza Fede-zabalkunde eta Katekesirako eleizbarrutiko arduradunak domeka goizez, 8:30etan, salestarrek Gurutzetan daben ikastetxean abiatuko dan azken etapan parte hartzera deitzen dau. Itsasadarraren ezkerraldea zeharkatzen dauan bidegorritik egingo da etapa. Ibiltariak Santiago katedralera helduko dira eta bertan On Joseba Segura gotzaina buru izango da egunotako bizipenetako batzuk jasoko dituan eta …

BizkaiBira ibilaldia domekan amaituko da Bilbon eta gaur 17. etapa burutuko da. Gizakia Fundazinoa izango da protagonista 8:30ak inguruko bialketa-otoitzaldiaren ostean, 9:00etan Balmasedatik abiatuko dan gaurko etapan. Hamazortzi kilometro inguru egin ondoren, 14:00 aldera helduko dira Sodupera eta bertan Zariketeko San Pedro edo Bolumburu lako leku interesgarriak bisitatuko dabez.

Asteburuan amaituko da Bizkaibira. Zapatu eta domekako jardueren bidez emongo jako amaiera 19 egunez, adiskidetasuna, alkartzea eta espiritualtasuna landuz eta naturaz gozatuz, elizbarrutiko zazpi bikaritzak zeharkatzen diharduan ibilaldiari. Domekan burutuko da 19. etapa, azkena, eta jarduerari amaiera emongo jako gotzaina buru dala katedralean ospatuko dan Eukaristiagaz (zuzenean emongo da web honen bidez). Bezperan, erromeria ospatuko da salestarrek Gurutzetan daben ikastetxean, 19:00etatik aurrera, "Zuluband" taldearen eskutik.

BizkaiBira ibilaldiko 16. etapa Karrantza bailaran garatuko da. Atzokoa Balmasedan amaitu zan eta hemendik autobusez joango dira ibiltariak Karrantzaraino, abiapunturaino eta 10:00 inguruan ekingo deutse 14:00ak inguruan amaituko dan ibilaldiari. Eguneko azpimarra, alkarte txikiak eta landa-eremua izango da.

Beste urte batez, Marian Canton de Salazar Eleizbarrutiko Teologia eta Pastoraltza Institutuko (ETPI) arduradunak, Fernando Allende, Galo Bilbao, Sebastian Garcia Trujillo, Javier Oñate, Maite Valdivieso eta Blanca Villanuevaren laguntzagaz, udarako egokiak izan daitekezan irakurgaien zerrenda egin dau. Bere esanetan, "teologia, espiritualtasuna, gizarte zientziak eta literatura arloan aukeratutako liburuok, euskerazkoak zein gaztelaniazkoak, interesgarriak izatea gurako geunke".

Antolatzaileen arabera, BizkaiBira ibilaldiko gaurko etapa erraza da, ibilbide herrikoia, 20 kilometro ingurukoa. Hasiera Sopuertan da eta amaiera, Bizkaiko herririk zaharrenean, Balmasedan. Hainbat leku interesgarri dago inguruan: meategi zaharrak, Alen-Castro meatze-trenbidea eta Burdinazko mendietako bide berdea, besteak beste.

Bilboko Eleizbarrutiaren 75. urteurrenaren kurtsoaren azken txanpan gagoz.  Eleizbarrutiaren historiako 75 urteak ospatzeko ekitaldien artean, bi nabarmenduko gendukez: joan dan maiatzaren 17an BEC erakustazokan ospatu zan “Eleizea Plazara” ekitaldi jentetsua eta gaur 14. etapara helduko dan BizkaiBira. Orain, geroari begiratzea dagokigu eta honako honen bitartez Gotzain Kontseiluak 2025-2026 kurtsorako onartutako jardunaldien egutegia aurkeztuko dogu. Kurtsoaren hasierako ekitaldi ofiziala irailaren 27an egingo da Elorrioko Sortzez Garbia parrokian. 

Gaur, hogeta hiru kilometro egingo dabez Bizkaibiran, Portutaletetik Sopuertara. Etaparen zailtasuna ertainekoa da eta 6 ordu ingurutan burutzea aurreikusi dabe. Heziketa izango da 14. etapa honen gai nagusia eta partaideek eleizbarrutiko ikastetxeek osotzen daben EBI sarean dagoan Sopuertako San Viator ikastetxearen heziketa-, hezkuntza- eta inklusino-proposamena ezagutzeko aukera izango dabe. Gainera, perteneciente a la red diocesana EBI. Además, burdinola bisitatuko dabe Muskizen.  

Joan dan astean azken saioa ospatu eban Gotzain Kontseiluak abade, diakono eta laikoen postu barriak edo barritzeak onartu ebazan. Irailaren 1etik aurrera sartuko dira indarrean.

Gaur, BizkaiBirako 13. etapa burutuko da. Otoitzaldiaren ostean, goizeko 9:00etan abiatuko dira Plentziatik eta 20 kilometro egin ondoren, Portugaletera helduko dira. Zailtasun gitxiko etapa dala-eta, "familiarteko etapa" izendatu dabe. Bost ordu inguruko ibilaldiaren ostean, 14:45ak inguruan egingo deutse harrera erromesei Portugaleten.