Barriak
Etiquetado como: HOAC
Parte hartu nahiko zeunke Ekintza Katoliko Orokorraren eta HOACen erretiroan?
"Itxaropena" goiburuaren hartitik Garizumako erretiroa ospatuko dabe eleizbarrutiko Ekintza Katoliko Orokorrak eta Ekintza Katolikoko Langile Ermandadeak (HOAC) martxoaren 15ean. Manu de las Fuentes eleizbarrutiko abadeak gidatuko dau, Arrosarioko Andra Mari parrokian, 9:30etatik 18:00etara.
HOAC mobimentuak etenbako heziketarako erretiroa egin dau Berrizen
Asteburuan, Ekintza Katolikoko Langile Ermandadea (HOAC) mobimentuak etenbako heziketarako sarrerako ikastaroa ospatu dau Berrizko Mesedetako Misiolarien komentuan. Alde Zaharreko, Barakaldoko eta Errekaldeko militanteek parte hartu dabe Juani Sosa Kanarietako HOAC mobimentuko militanteak gidatu dauan saioan.
HOAC mobimentuaren deialdia udako ikastaroetan parte hartzeko
HOAC mobimentuak prestatu ditu aurtengo udako ikastaroak; hain zuzen be, Avilan izango dira uztailaren 22tik 28ra. Jorge Torralbo HOAC mobimentuko Bizkaiko presidenteak, Maite Valdivieso Langile Pastoraltzarako Bilboko ordezkariak eta Bizkaiko hainbat militantek parte hartuko dabe ikastaroetan. Marimar Gonzalez HOAC mobimentuko Bizkaiko aurreko presidente eta gaur egun HOAC …
Asteburuan, esker ona, omenaldia eta beste hainbat ekitaldi
Barikuz, esker oneko meza ospatu zan Zabalako San Rafael Goiaingerua parrokian, On Joseba Segura gotzaina buru zala. Aurrerantzean, eleizak lehengo egitekoa izango dau, hau da, kapera bihurtu da eta bertan egun berezietan egingo dira eleizkizunak. Beste alde batetik, atzo -domeka- Kerman Lopez bikario nagusia buru izan zan Berrizko Mesedetako Misiolarien XVII. kapitulu …
Ikastaroa eta mahai-ingurua HOACen eskutik
Otsailaren 1ean -eguena-, Errekaldeko Ekintza Katolikoko Langile Ermandadeak (HOAC) mahai-ingurua ospatu eban Errekaldeko Auzo-etxean, auzoan askotariko arloetan jarduten daben lau erakundek parte hartu ebelarik: Arraizpe Pastoral Barrutiak (PB), Gazte Lekuk, Iturri Gorri Kirol Alkarteak eta Errekaldeberriz auzotarren alkarteak. HOAC Bizkaiak "Kristau espiritualtasuna eta …
HOAC Bizkaiaren bost lehentasun 2023-25 biurtekorako
Atzo batzartu ziran Bilbon Ekintza Katolikoko Langile Ermandadea mobimentuko erantzukizunak: Ordezkaritza, Kontseilaritza eta fede sustapena, Antolakuntza eta alkarte bizitza, Heziketa, Zabalkunde eta konpromisoa. 2023-2025 biurterako 5 lehentasunak zehaztu ebezan.
HOAC mobimentuak sinodo-seneko Eleizari buruzko liburua aurkeztuko dau
Bihar, abenduak 14, "Caminar juntas y juntos. Soñar la Iglesia, vivir la misión" (HOAC argitalpenak, 2023) liburua aurkeztuko da Barria eraikineko lokaletan. Hainbat lagunek bere lekukotasuna emongo dau "talde lanaren frutu eta Eleiza katolikoan sinodo-seneko Eleizaren inguruko ulermenerako lagungarri izango dan liburuaren" aurkezpenean.
Abuztuan, 700 lagun batuko dira HOACen batzar nagusian
"Zubiak eraikiz, harresiak botaz. Eleiza langileen munduan senidetasunezko lokarriak estutuz" goiburuaren haritik Ekintza Katolikoko Langile Ermandadea mobimentuko militanteek XIV. Batzar Nagusia ospatuko dabe Segovian, abuztuaren 12tik 15era. Bertan izango da zenbait artzapezpiku, gotzain eta eleiz mobimentuetako arduradun, tartean, On Joseba Segura Bilboko gotzaina.
Marimar Gonzalez, Konpromisorako Arduradun Nagusia HOAC mobimentuan
Joan dan asteburuan, Ekintza Katolikoko Langile Hermandadeak (HOAC) Ordezkarien Osoko Bilkura ospatu dau Ávilan. Honako hau da batzar nagusien artean biltzen dan deliberamendu- eta erabaki-organo nagusia eta oraingoan 100 militantek parte hartu dabe Estatuko Eleizbarrutiak ordezkatuz. Marimar Gonzalez Gomez HOAC mobimentuko bizkaitar militantea aukeratu dabe …
Kristautasun eta militantzia politikoaren inguruko mahai-ingurua
Maiatzaren 28ko hauteskundeak dirala-eta, Ekintza Katolikoko Langile Hermandadea mobimentuak (HOAC) mahai-ingurua antolatu eban. Sei ordezkari politikok jandun eben Santurtziko Kabiezeseko San Pedro parrokian, kostaldeko herriko hainbat parrokiatako hogeta hamar eleiztar inguru eta HOACeko hainbat militanteren aurrean.
Kontzertuak Lekeitioko basilikan eta Deustuko San Felicisimon
Bihar, martiaren 29an, zapatua, bi kontzertu izango dira Bizkaiko tenplu banatan: Lekeition eta Deustuko San Felicsimon. Bi emonaldiak 20:00etan izango dira. Kostaldeko uribildukoa, bere kultur ondasun garrantzitsuenetako bat zaharbarritzeko antolatu dan jardueretako bat da: Jasokundeko Andra Mariaren basilikako organua. Deustuko Aita Pasionisten parrokiako ongintzazko kontzertua Burkina Fason ospatuko da, jazarritako kristinauen alde.
Alkarrizketarako gunea itxaropena eta bere erronken inguruan
Eleizbarrutiko Teologia eta Pastoraltza Institutuak (ETPI), CONFER batzordeak eta Loiola zentroak dei egiten dabe "Etorkizunari begira! Itxaropena eta bere erronkak" hartu-emonerako eta alkartzerako gunean parte hartzeko. Datorren astean izango da, hain zuzen be, martxoaren 31an eta apirilaren 1 eta 2an, Arrupe etxean (Aita Lojendio, 2. Bilbao).
Bilboko Eleizbarrutiaren oharra Doluaren pastoraltzaren inguruan (Tanatorioak)
Hedabide batzuetan gaur azaldu diran informazinoak dirala-ta, Kerman Lopez, Bikario Nagusiak, Bilboko Eleizbarrutiak tanatorioetan eskaintzen dauan zerbitzuaren inguruko zehaztasunak emon ditu.
'Katolikoak eta Bizitza Publikoa' Bilboko alkartearen jardunaldiak Bilbon
Bihar eta etzi -martxoak 28 eta 29, bariku eta zapatua-, 'Katolikoak eta Bizitza Publikoa Euskal Herrian' alkartearen jardunaldien XIX. egitaldia ospatuko da Bilboko Euskalduna jauregian, Propagandisten Allkarte Katolikoak antolatuta. Izena emoteko: hemen.
Eleizbarrutiak eta Caritas Bizkaiak zera galdetzen dabe: `aukeratu dozu?´
Apirilaren 10ean hasi eta ekainaren 30era arte egongo da zabalik Bizkaian errentaren autorpena egiteko epea. Era berean, 2024. ekitaldiko ekonomia-datuak dabezan guztiek Ogasunaren jakinarazpena jasoko dabe zerga-aukerarik onena zein dan jakinarazoz eta zirriborroaren behin-behineko emaitza aurkeztuz. Bilboko Eleizbarrutiak eta Caritas Bizkaia erakundeak dei egiten dabe : Eleizaren alde eta beste gizarte helburu batzuen aldeko laukia marketako. Zergadunari bardin kostatzen jako eta bi bider laguntzeko aukera dau.
Pazko bereziak 18 urtetik gorako gazteentzat
Apirilaren 16tik 20ra 18 eta 25 urte arteko gazteek Pazko esperientzia honetan izena emoteko aukerea izango dabe. Berrizko Maturanaren aterpetxean otoitz egin eta egun honeek daukien zentzunaren inguruan hausnartuko da. Gazte Pastoraltzatik egiten dan proposamena da. Oraindino be izena emoteko epea zabalik dago esteka honetan
Euren etxea itzi eta bizimodu hobearen bila atara diran emakumeak gogoratuko dabez 'Bizkaia isilik' bilkuretan
Hilaren azken eguaztenez ohikoa danez, "Bizkaia isilik" bilkurak egingo dira etorkinek eta errefuxiatuek jasaten dabezan bidegabekeriak salatzeko.
Eleizbarrutiko erromesak Erroman dira
Bart heldu zan Erromara eleizbarrutian antolatu dan erromesalian parte hartzen dauan taldea. On Joseba Segura buru dala eta Patxi Malo erromesaldietarako eleizbarrutiko saileko arduraduna eta Alex Alonso IV. bikaritzako lurralde bikarioa taldean dirala, Frantzisko aita santuak "Spes non confundit” buldaren bidez deitutako Ohiko Jubileua dala-eta joan dira erromes eta Erroman hainbat ekitalditan parte hartu eta hainbat leku bisitatuko dabe barikura arte.
"Biziari atxikita, itxaropena josten dogu", Biziaren aldeko Egunerako goiburua
Gaur, martxoak 25, Jaunaren Deikundearen Eguna, Eleizak Biziaren aldeko Eguna ospatzen dau. Familia eta Biziaren Babeserako Gotzain Azpibatzordean lagungarriak prestatu dabez egun honetarako: hemen.
Carmelo Etxenagusia Ohorezko IV. Aitamena, argazkitan
Liturgiako lagungarrien itzulpenak arduratzen dan "Euskal baliabideak taldea", euskerazko komunikazinoaren arloan aritu izan ziran Inmaculada Gallastegi eta Juan Maria Iraolagoitia zana (hil osteko aitamena) eta liturgiako musikan eta ETBko euskerazko mezaren sustapenean ekarpena egin dauan Antonio Linaza izan dira ekitaldi honetan autorpena jaso dabenak. Zuzenean emon zan saioa eta orain barriro ikusi daiteke hemen.