Barriak
Etiquetado como: Parrokiak
San Bizente Maritiria: Kristau Sarbideko eragileen batzarra eta gazteen erretiroa
Asteburu bete-betea izan dabe Bilboko abandoko San Bizente Martiria parrokian. Barikus, Kristau Sarbidearen inguruko 30 lagun batu zan heziketa-saioan, Bengo-Leku lokaleltan, Manu Basanta Fede-zabalkunde eta Katekesirako ordezkaritzako kideak lagunduta. Gainera, asteburuan, parrokiako gazteek erretiroa egin dabe Begoñako gogarte etxean.
Heziketa migrazinoari buruz Sestaon
"Migrazinoak eragindako dolua eta familia gatazkak" goiburuaren haritik, heziketa-saioa izan zan atzo Sestaon, Pastoral Barrutiak (PB) antolatuta.
"Itxaropena", Artxandapeko Garizumako berbaldietan nabarmenduko dan kontua
Artxandape Pastoral Barrutiak (PB) Garizumako berbaldi interesgarriak antolatu ditu. Bihar, martxoak 18, izango da lehenengoa eta guztiak Familia Santua parrokian (Erantsia) izango dira, martxoaren 18 eta 25ean eta apirilaren 1ean, 19:30etan.
Miguel Ramon Vigurik adimen artifizialari buruzko berbaldia eskainiko dau bihar, Santutxun
Santutxu Pastoral Barrutiko (PB) Bidari alkarteak eta Gizarte aretoak antolartua, Miguel Ramon Viguri Deustuko Unibertsitateko irakasleak "Adimen artifizialaren eragin etikoak bardintasunean eta zuzentasunean" berbaldia eskainiko dau bihar -martxoak 11, martitzena-, Santutxuko Begoñako Andra Mari ikastetxeko areto nagusian (sarrera Aita Pernet kaletik), arratsaldeko …
FIlipinar alkarte katolikoak bost urte bete ditu Bizkaian
Bizkaiko filipinar alkarte katolikoak bost urte bete ditu gure eleizbarrutian. Datorren zapatuz, martxoak 1, On Joseba Segura gotzaina buru izango da Romoko San Jose Langilea parrokian arratsaldeko bostetan ospatuko dan Eukaristian.
Astrabudua eta Erandioko parrokiak Garizumarako prestatzen
Garizumaren atarian, Erandioko San Agustin eta Astrabuduako San Lorentzo parrokietan deialdia egin deutse begiraleei, irakurlariei eta abeslariei, "hizkuntza eguneratzeko, ikurrak, abestiak..., nork bere egiteko", liturgian lagundu daien. Arduradunen esanetan, "abeslarien taldea martxan jarri gura dogu". Batzarra gaur -otsailak 25, martitzena-, egingo da Astrabuduan, …
Sortu da Santutxu Pastoral Barrutia
Atzo -domeka, Santutxu Pastoral Barrutiaren sortze kanonikoa ospatu zan San Francisquito parrokian, On Joseba Segura gotzaina buru zala egindako eleizkizunean. Alkarteko kide ugarik parte hartu eban eta zera gogoratu jaken: "mundu honek ezinbesteko dau bizitzari beste sen bat emongo deutsan jentea" eta "etorkizuna Jainkoaren eskuetan eta, hemen Santutxun, bere lekukotasuna …
Plaka Joan Maria Uriarteren oroimenez bere heriotzaren urteurrenean
Atzo, otsailak 17, On Joan Maria Uriarte Goirizelaya Donostiako gotzain erretiratuaren heriotzaren urteurrena bete zan eta Indautxuko Karmeko Ama parrokian bere aldeko Eukaristia ospatu zan. Amaieran, bere plaka jarri eben bere oroimenez. Madre de Dios de las Escuelas Pías kofradiako kide batzuen ekimena izan zan. On Joan Mariak "moparen pastoralzakoak" deitzen ebazan …
Heziketa-saio barriak Corpus Christi parrokian
Bilboko Corpus Christi parrokian bihar emongo deutse hasiera hitzaldi sailari. "Eleiza sutan?!" goiburua ardaztzat hartuta, lau saio ospatuko dira Corpus eleizan (Poza lizentziatua, 50. Bis), otsailaren 18an eta martxoaren 4, 16 eta 25ean (gura daben guztientzat).
"Ebanjelizatzerako aukerak", heziketarako gaia I. bikaritzan
I. bikaritzako ekipo ministerialek eta fede-zabalkunde eta katekesirako eragileek heziketa-saioa izan eben joan dan zapatuz Portugaleteko Loiolako San Inazio parrokian. BIkaritzako Pastoral Barruti guztietako (Errekarte, Barakaldo, Sestao, Portugalete, Santurtzi eta Meatze-ingurua) 78 lagunek parte hartu eben, Sergio Buiza lurralde bikarioa buru zala.
Datorren asteburuan, kontzertuak izango dira Ziortzan
Sasoi honetan ohikoa danez, “Ziortzako Kontzertuak” musika-emonaldiak izango dira Ziortzako kolegiatan. Hogeta hamazazpigarren ekitaldi honetan, doako sei kontzertuz gozatzeko aukera izango da irailaren 13tik 21era. Beste urte batzuetan lez, autobusa jarriko dabe Bilbotik Ziortzara joateko (Elcano 5, Txabarri jauregiaren pareko bus-geltokia) eta bueltatzeko. Txartelak 10 euro balio ditu.
Zuzendaritza-talde barria EBI eleizbarrutiko ikastetxeen sareko bost ikastegitan
EBI eleizbarrutiko ikastetxeen sareko bost ikastegitan zuzendaritza-talde barriak jardungo dau ikasturtearen hasieratik aurrera. Honeek dira ikastetxeok: Bermeoko Sagrado Corazón ikastetxea; Elorrioko Maria Bitarteko ikastetxea; Bilboko Iparragirre Ikastola eta Begoñazpi Ikastola eta Ortuellako San Felix Ikastola. Bego Bañuelosek Merkat Bernaolaren lekua hartuko dau (Begoñazpi Ikastola), Itziar Ruizek Aitor Elorriagarena (San Felix Ikastola), Egoitz Astuyk Amaia Basterretxearena (Sagrado Corazón), Leire Fernandezek Eva Padillarena (Maria Bitarteko) y Eva Padillak Nerea Bilbaorena (…
Zabalik da Ipar-Hegoaldea ikastaroan izena emoteko epea
Ipar-Hegoaldea alkartasun-ikastaroaren ekitaldi barria ospatuko da Eleizbarrutiko Teologia eta Pastoraltzak, Caritas Bizkaia eta Misinoetarako Eleizbarrutiko Ordezkaritza erakundeen laguntzagaz, antolatuta. Misino-kontuetan hezi eta Ipar-Hegoaldea alkartasunerako erakunderen baten konpromisoa hartu gura daben hogeta bat urtetik gorakoentzat da eta amaieran Hegoaldeko herrialderen baten lan-kanpamentuan parte hartzeko aukera izango dabe.
Caritasen aldeko kanpaina izango da kurtsoko lehenengoa
Ondoren, Gotzain Kontseiluak 2025-2026 kurtsorako onartu dauan jardunaldien egutegia aurkeztuko dogu. Kurtsoari irailaren 27an emongo jako hasiera ofiziala beren-beregi ekitaldirako jubileu tenplu izendatu dan Elorrioko Sortzez Garbia parrokian.
Ganbera-musika Amorebieta-Etxanoko eleizetan
Gaurtik irailaren 21ean ospatuko da "Eleizetan" jaialdia eta kontzertuak izango dira Dudeako San Migel, Boroako San Pedro, Bernagoitiako San Migel, Larreako San Joan Bateatzailea, Etxanoko Andra Mari eta Amorebietako Andra Mari tenpluetan.
35 kilometroko ibilbidea Zeanuriko 19 tenpluak bisitatzeko
Bihar ospatuko da Zeanurin ermitaz ermita egiten dan ibilaldia. 1988an Joko Alai Kirol Alkartearen eskutik sortu zan eta harrezkero natura eta ibilaldi luzeak gogoko dabezanen urteroko ezinbesteko hitzordu bihurtu dan oinezko ibilbide honen hogeta hamaseigarren ekitaldia ospatuko da.
Bihar, ekitaldi berezia Amatxuren koroatzearen 125. urteurrena dala-eta
Datorren astelehenez, irailak 8, Begoñako Ama Birjinaren koroatzearen 125. urteurrena ospatuko da. Hori dala-eta, Meza berezia ospatuko da bihar, 19:00etan. Luis Gamarrak zuzendutako Santurtziko 'Lagun zaharrak' abesbatzak abestuko dau ospakizunean eta Sestaoko 'Ametsa' abesbatzak bat egingo dau beronegaz Salbea eta Begoñako Andra Mari abesteko. Miriam Cepeda Basilikako organistak, Diego Duran dantzariak eta sarrera girotuko daben 5 txistularik be parte hartuko dabe eleizkizunean. Begoñako kofradiak esku-hartze berezia izango dau eleizkizunean eta Bizkaiko eta Arabako kofradiek parte …
Bazenkian Begoñako Andra Mariaren irudi bat dagoana 12 metrotara urperatuta?
Gaztelugatxeko San Joanen inguruan, 12 metroko sakoneran, Begoñako Andra Mariaren irudia dago urperatuta. 1963an tronuratu eben irudia, urpekari eta marinelen zaindaria. Urtero gogoratzen da gertaera hori otoitz eta lore-eskaintzakaz. Domeka honetan, irailak 7, barriro jarriko deutsez loreak urperaturako irudiari.
Bizkaiko Eleizaren kurtso hasieran, bost ibilbide oinez Elorrion
Aurretik be jakitera emon dogunez, irailaren 27an ospatuko da "Goazen 2025" ekitaldia eleizbarrutiko pastoral ekiturteari hasiera emoteko (ezinbestekoa da izena emotea: hemen). Ekitaldiari goizeko 10:00etan emongo jako hasiera, autobusak zehaztutako lekuetara iritsi eta harrera eta jubileu otoitza egiteaz batera. Ondoren, erromesaldia egingo da jubileu tenplua dan basilikara, bost lekutatik abiatuta: San Agustin eleiza, Argiñetako nekropolia, San Antonio Abadea ermita, monja domingotarren monasterioa eta Maria Bitarteko eleizbarrutiko ikastetxea.
Zabalik kurtso hasierarako izena emoteko epea
Elizeak Itxaropenaren Jubileua ospatzen dauen urtean, Bilboko eleizbarrutiak bere 75. urteurreneko ekitaldiakaz jarraitzen dau. Ikasturte barria irailaren 27an inaugurauko da ofizialki, Elorrioko Sortzez Garbiaren parrokian, eta egun horretarako Jubileoa irabazteko tenplu bihurtuko da. Izena emoteko epea zabalik dago. Izen emotea: hemen