Barriak
Etiquetado como: Bake eta adiskidetzea
Bihar, XI. Bake Topaketa, Gernikan
Bihar -otsailak 22, zapatua, Bake Topaketaren XI. ekitaldia ospatuko da Gernikan. Aurton, Bilboko Eleizbarrutiaren sorreraren 75. urteurrena eta Urte Santua ospatzen dihardugu eta Bake eta Adiskidetzerako Eleizbarrutiko Batzordeak gertaera biok gogoratu nahi izan ditu eta dei egi dau "bizi izandako historiatik ikasteko, oroimena egiteko eta ospatzeko".
Jose Maria Guiberten berbaldia bere aitaren bahiketaren inguruan
Jose Maria Guibert Deustuko Unibertsitateko errektore ohiak berbaldia eskainiko dau gaur iluntzeko zortzietan, Bilboko Pilareko Ama eleizan (Iparragirre, 52). Azaroaren 10ean ospatuko dan Oroimenaren Egunaren haritik ospatuko dan ekitaldian, Bere aita ETAk bahituta egon zan sasoiko egunez eguneko kontuak batuz idatzi dauan 'La Caverna' liburuan jasotako gogoeten inguruan …
Bilboko Eleizbarrutiak bat egin dau David Salvadorri eskainitako omenaldiagaz
Gaur, 'Triple A' talde terroristaren biktima izan zan David Salvadorri omenaldia eskaini deutse gaur Bilbon. Udalbatzak bere oroimenezko plaka ipini dau eta Bake eta Bizikidetzarako Bilboko Foroko eta Bake eta Adiskidetzerako Bilboko Eleizbarrutiko batzordeko kideek parte hartu dabe ekitaldian.
Indautxuko alkartea Francisco Javier Nuñez Fernandezi eskainitako omenaldian
Atzo, Bilboko Udalak omenaldia egin eutsan Francisco Javier Nuñez Fernandez poliziaren biktimari. Plaka jarri eben Albia lorategiko plazaren ondoan, 1977.eko maiatzaren 30ean poliziaren indarkeria jasan eban biktima honen oroimenez. Basurtuko ospitalean hil zan hamahiru egun oinazetan emon ondoren. Carmina, alarguna eta Ines, hiru urteko alaba itzi ebazan. Ines Nuñez emakume …
Pertseidak eta Erregelak San Lorentzo egunez
Gaur Eleizeak San Lorentzo gomutatzen dau. Lehenengo ekonomoa eta artxibozaina izan zan. III. mendean kristinauen kontrako jazarpenean erahil eben.Bizkaian asko dira santuaren izeneko eleizak eta ermitak be. Gaur, adibidez, Gernikako Lurrgorri auzoko San Lorentzo ermitan mezea egongo da 12etan eta ondoren, Elai Alai dantza taldeak ohiko Erregelak dantzatuko dauz.
Bizkaiak Santo Domingo de Guzman eta San Mames ospatu ebazan atzo
Atzo Bizkaiko monja domingotarrek euren sortzaileren eguna ospatu eben, Santo Domingo de Guzman. Lekeition, ordeneko lekaimeek herritarrakaz ospatu eben euren eguna. Gotzaina, Joseba Segura, esker oneko ospakizun buru izan zan. Uribilduaren 700. urteurrenagaitik be egin zan otoitz. Erruki Etxean, Bilbon, San Mames eguna ospatu zan.
Bikario nagusia izango da buru Begoñako ama ibiltariaren itsas prozesinoan
Abuztuaren 14an, Begoñako Amatxuren irudi ibiltariak Santurtziko portutik urtengo da goizeko 10etan. Bilboko udalaren aurrera 12:45 inguruan helduko da. Begoñako Kofradiak herritarrei eskatzen deutsie parte hartzera animatu daitezala.
BOSen kontzertuak Bermeon eta Lekeition
Gaur, Bermeoko Nazioarteko Musika Astearen barruan, Andra Mari Eleizan eta zapatuan, Lekeitioko basilikan. Hitzordu biak arratsaldeko zortziretan izango dira.
Amatxu, egun handirako prest
Atzo hasi zan Begoñan abuztuaren 15era orduko urtero egiten dan ohiko bederatziurrena. Tradizinoak agintzen dauan modura, Amatxuren eta umearen irudia zuriz jantzita egongo dira egun handia igaro arte.
Lekeitioko 700. uteurrena ospatuko da domingotarretan
Lekeitioko monja domingotarrak bariku honetan ospatzen dabe euren fundatzailearen eguna. Era berean, herriaren sorreraren 700.urteurreneko esker oneko mezea be ospatu gura dabe. Joseba Segura gotzaina izango da meza burua, 12etan hasiko dan ospakizun zabalean. Ostean, monastegiko klaustroan mokaua alkar banatuko dabe monjek herritarrakaz..
"Eleizea plazara" ekitaldian banatutako haziak loratzen hasi dira
Maiatzaren 17an Barakaldoko BECen ospatu zan `Eleizea plazara´ azoka izan zan Bilboko eleizbarrutiaren 75. urteurreneko ekitaldi nagusia. Egun horretan, Tropaeolum nanum (kaputxino nanoa) landarearen milaka hazi banatu ziran. Hazien poltsatxo hori 'Kit de la paz-Bakea erein' dalakoaren barruan egoan; partaide bakotxak berea pertsonalizatu eban eta gotzainak Eukaristian bedeinkatu ebazan guztiak. Inguruan oreka eta harmonia "landuz", gutako bakotxak aldaketaren eragile izan leikela aditzera emon gura izan zan hazien bidez.
Eleizbarrutiko ordezkaritzak HOACen udako ikastaroetan, Madrilen
Gaur hasiko dira Ekintza Katolikoko Langile Ermandadearen (HOAC) udako ikastaroak. Datorren domekara arte -abuztuak 10- garatuko dira Madrileko Colegio Mayor Universitario Marques de la Ensenada dalakoan, «Lanaren eremuko ahulezia barriak dirala-eta: sentsibilitate eta erantzun barriak» goiburuaren haritik.
Kidendak web barria dau
Kidendak web orrialde barria dau: www.kidenda.org. Webgune barritu hau, "argiagoa da, bisualagoa, eskuragarriagoa bidezko merkataritzari lotutako pertsona guztientzat". Kidenda irabazi-asmo bako alkartea da eta bidezko merkataritza eta kontsumo arduratsua sustatzen ditu Bizkaian.
“Urdaibaiko Organoak” organo-jaialdia erdialdera heldu da
Ekainaren 19an emon jakon hasiera "Urdaibaiko Organoak" organo-jaialdiaren 21. ekitaldiari. Asteburu honetan be izango dira kontzertuak, esate baterako gaur -abuztuak 2, zapatua- Arratzuko Santo Tomas eleizan, 20:00etan, Benantzi Bilbao (organoa) protagonista dala, eta bihar -abuztuak 3, domeka-, Axpe-Busturiako Andra Mari eleizan, 20:00etan, Christian Tarabiaren (organoa) emonaldiagaz.