Barriak
Etiquetado como: Afrika
Eleiza Afrikan eta Sinodoa, gaur Bilbon ospatuko diran berbaldi biren gaiak
Eskaera gehienak Afrikatik jasoten dira eta ‘Laguntasuna Eleiza Behartsuari’ erakundeak dohaintzen %30 inguru zuzentzen dau bertara.
Ikuskizun solidarioa zapatuz, Bilbon, ‘Uganda Sticks eta Ruandako tanborrak’ taldeagaz
Dantza, antzerkia eta perkusinoa nahastatzen dituan ‘Uganda Sticks eta Ruandako tanborrak’ taldeak bere egundoko ikuskizuna eskainiko dau datorren zapatuz, abenduak 28, Bilboko Karmeneko Ama parrokian iluntzeko 20:15etan, ‘biziak salbatzeko musika’ alkartearen alde
"Harrera eta abegia" Bizkaia isilik bilkuretan
Bizkaia isilik bilkura isilak deitzen dabezanek azaldutakoaren arabera, Migrazinoetarako Nazinoarteko Erakundearen datuen arabera, 400 etorkin hil dira Mediterraneoan (munduko hobi komunik handiena) zeharkatzeko saiakeran. Gaur barriro batuko dira, hilaren azken eguaztenez ohikoa danez, bidegabekeriaz jositako hainbeste egoera agertzeko eta salatzeko. Deialdian jasoten danez, hilabete honetako bilkuran, "itxaropena erakutsi eta mundu zuzenagoaren alde jarraitu gura dogu. Gogoan izango doguz, batez be, mugak zeharkatzeko saiakeran biktima bihurtu diran pertsonak eta Europako hegoaldean bizi …
Bilboko gotzainak BizkaiBirari hasiera emongo deutso bihar Begoñan
Bihar hasiko a BizkaiBira, aparteko erromesaldi fisiko eta birtuala. Bilboko eleizbarrutiak antolatuta, 19 etapa burutuko dira jarraian. Zazpirehun eta hogei lagunek emon dabe izena 19 egun eta gaue Bizkaia zeharkatuko dauan 300 kilometro inguruko ibilbidea egiteko. Bihar, goizeko 9:00etan egingo da hasierako ekitaldia Begoñan eta handik abiatuko da lehenengo etapa. On Joseba Segura gotzaina izango da Amatxuren etxean egingo dan otoitzaldian eta Bilbao-Galdakao lehenengo etapan parte hartuko dau. Hasierako hetapa honetan, Santa Marina eta Galdakaoko ospitaleetako osasun pastoraltzako …
Parte hartu gura dozu campaJOCen?
Gazteria Langile Kristaua (JOC) mobimentuak "CampaJOC 2025" udako kanpamentua egingo dau Zallan uztailaren 21etik 27ra. Eleizbarrutiko 14 eta 30 urte bitarteko gazte guztiek emon leikie izena. Parte hartu gura dozu? Eurakas hartu-emonean jarri 688 88 39 50 (Ethan) edo 651 30 94 17 (Patri) telefonoen bitartez.
Hasi dira udako kanpamentuak
Kurtso amaieragaz batera hasten dira udako kanpamentuak. Eleizbarrrutiko ehunka ume, gaztetxo eta gaztek, begiraleekin batera, eguneroko kontuak alde batera itzi eta egun bereziak bizi izango dabez, bizikidetza, jolasak eta beste hainbat jarduera buztartuz. Aurton, Errekarte Pastoral Barrutiko (PB) 10 eta 15 urte bitarteko gaztetxoen 'Gaztenahiak' taldea izan da goiztiarrenetakoa eta Orobion egiten dihardue kanpamentua.
Asteburuan, omenaldia, urteurrena eta beste hainbat jarduera
Joan dan asteburuan, Eleizak Gorpuzti-eguna ospatu dau eta, ondorioz, Caritas Bizkaia erakundeak Maitasunaren eguna. Asteburu esanguratsu honetan, gainera, Elorrion omenaldia egin deutse Juanito Gallastegi abadeari Sortzez Garbia parrokiako abade lez 50 urte bete dituala-eta. Beste alde batetik, hainbat ekitaldi izan da Lekeition bere sorreraren 700. urteurrena ospatzeko. Eta kostaldeko herri honetara joan ziran kurtso amaierako txangoan I. eta II. bikaritzako abade eta diakonoak.
Gaubeila bakearen, armagabetzearen eta zuzentasunren alde, bihar Bilbon
Bizkaiko kristau norbanako eta taldeek sustatutako "Bake goldeak / Arados de paz" mobimentuak bake, armagabetze eta zuzentasunaren aldeko gaubeila deitu dau. Bihar -ekainak 24, martitzena- izango da Joan Santuak eleizan (Bilboko Alde Zaharreko Erronda eta Kurutzea kaleen alkargunea), 20:00etatik 22:00etara. Bake goldeak / Arados de paz mobimentua "gerrek, gatazka eta ganozidioek, defentsara zuzendutako aurrekontu publikoek eta gerrarako ekonomiak gora egin" dabela-eta sortu zan.
San Joan eguneko ospakizunak Gaztelugatxeko ermitan
Bihar -ekainak 24, martitzena, San Joan Bateatzailearen eguna ospatuko da. Bizkaian, Gaztelugatxen dago santu horren izena daroan ermita bat eta bertan, goizean goizetik hasita, hainbat Eukaristia ospatuko da: 06:30, 07:30, 08:30, 10:30, 11:30 eta 12:30etan. Beste batzuetan lez, ermitaraino joaterik ez dabenek eskatuta, Bermeoko San Frantzisko parrokian be Eukaristia bi ospatuko dira, 9:00etan eta 12:00etan.
Astekoak, elizbarrutiko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Eleizbarrutiaren 75 urteko historia podcastean Radio Popular-Herri Irratiaren eskutik
Bilboko eleizbarrutiaren sorreraren 75. urteurrena dala-eta, Radio Popular-Herri Irratiak 13 podcast argitaratu ditu. Anabella Barroso Bizkaiko Eleizaren Historia Artxiboko zuzendariak urte horreetako gertaera eta une gogoangarrien errepasoa egin dau. Hemen entzun eta jatsi daitekez: radiopopular.com
Bilboko eleiza bi klima-babeslekuen sarean
Gaur egun, Bilbon, 131 klima-babesleku dagoz. 65 barruko eremuak dira eta 66 kanpoko eremuak. Bilboko bizilagunen %96ak 300 metro ingurura dau holako bat eta %43ak 100 metro baino gitxiagora. Klima-babesleku honeen artean dagoz San Nikolas eta Joan Santuak eleizak, biak alde zaharrean.