Barriak
Etiquetado como: Fraileak eta monjak
Autorpena Jose Angel Ubieta Eleizbarrutiko abaderik edadetuenari
2022-2023 pastoral ekiturte honen amaieran, eleizbarrutiko hainbat kideren abadegintzaren urteurrenak ospatuko doguz. Aurton, 1953an abade egin ziranek Platinozko Ezteguak ospatuko dabez. 1963. urtean abade egin ziranek Diamantezko Ezteguak, 1973. urtean abade egindakoek Urrezko Ezteguak eta 1998. urtean ordenatutakoek Zidarrezko Ezteguak. Ospakizuna ekainaren 1an, eguenez, …
Mesedetakoen Loiuko ikastetxearen mendeurrena
Mesedetako Andra Mari ikastetxeak, agaur egun Loiun dagoanak, mendeurrena ospatzen dihardu. Ehungarren urteurrena ospatzeko antolatutako ekitaldien artean Eukaristia dago eta bihar -zapatua- ospatuko da goizeko 11:00etan, ikastetxeko kaperan, On Joseba Segura gotzaina buru dala.
Biziera erlijiosoaren astea
Gaur hasi eta bihar -eguena- arte, Biziera Erlijiosoaren XXIX. Asterako antolatutako jarduerak ospatuko dira Arrupe Etxean (Aita Lojendio. BIlbao). Aitatutako jarduerok Biziera Erlijiosorako Batzordeak, Loiola Zentroak eta Eleizbarrutiko Teologia eta Pastoraltza Institutuak (ETPI) koordinatuko dabez eta saioak arratsaldeko zazpietan hasiko dira.
Pasiotar monjen probintzia-talde barria
Eguenetik domekara, Kurutzeko San Pauloren Pasiotar Monjek euren kapitulu probintziala osatu dabe Berrizko Mesedetako Misiolarien gogarte etxean.
Monja pasiotarren kapitulu probintziala Berrizen eta fraile karmeldar oinutsen probintzial barria
Monja pasiotarrek atzo -eguena- emon eutsen hasiera XV. Kapitulu Probintzialari Berrizen. Domekara arte -apirilak 16- iraungo dau "'Memoria Passionis' dalakora deitu eta sagaratuak izatearen poza" goiburuaren ildotik egiten diharduen biltzarrak. Beste alde batetik, A. Jon Korta Arcelus aukeratu dabe Nafarroako San Joakin Probintziako Probintzial Nagusi, Larreako (Zornotza) …
'Effeta' topaketa, agurra eta konpromisoa, asteburuan
Asteburuan, 'Effeta' gazteen erretiroaren VIII. ekitaldia ospatu da Zornotzan. Eta Gernikan, gotzaina buru izan zan klaratar monjen alkartearen agurreko Eukaristian. Berrizen, bestalde, hainbat senar-emaztek ezkontzako agintzariak barritu ebezan.
Autorpena gernikako fraile bati Hego korean
Yoon Suk-yeoi Hego Koreako presidenteak domina jarri eutsan atzo Luis Maria Uribe frantsizkotar fraile gernikarrari. Berrogei urte ingurutan Asiako herrialde horretan lepradunei eta ahalmen urritasunen bat dabenei eskainitako laguntzagaitik emon deutse domina fraile honi. Eta ez da autorpen bakarra, izan be, asiar herrialdean daroan egonaldi luze eta oparoan hamaika sari …
Eduardo Rincon zistertar monjearen aldeko oroimenezko meza
Joan dan urtarrilaren 31an hil zan A. Eduardo Rincon Fernandezen oroimenezko meza ospatuko da bihar, otsailak 12, eguerdiko 12:00etan, Ziortzako kolegiatan.
On Joseba Segura buru dala egingo da Biziera Sagaratuaren eguneko ospakizuna
Gaur -otsailak 2, eguena- Jaunaren Aurkezpenaren egunez, Biziera Sagaratuaren Munduko eguna ospatzen da, aurton, "Biziera sagaratua: itxaropenez bidean" goiburuaren haritik. Gaurko egunez, Eukaristia ospatuko da, Eleizbarrutiko gotzaina buru dala, 19:00etan Bilboko Ayala kaleko Jesusen Bihotza eleizan (Jesuiten egoitza).
Berbaldia Frantziskotarren Iralako parrokiaren 50. urteurrena dala-eta
Hamabi urtez Paduko San Antonio parrokiako parroko izan zan Bitoriano Iñurrategi fraile frantziskotarrak berbaldia eskainiko dau parrokiako lokaletan bihar, barikua, iluntzeko zortzietan. Iralako tenpluak 75 urte beteko ditu orain dagoan lekuan, 1945.eko maiatzaren 13an zabaldu zalako kultu-etxe lez; baina, 1970.eko urtarrilaren 1ean hasi zan parrokia lez funtzionatzen. …
Urte Santuaren inaugurazinoaren irudiak
Atzo inaugurau zan Urte Santua munduko Eleizbarruti guztietan. Bizkaiko Eleizeak Bilbon egin eban ospakizun ekitaldia. Prozesinoa egon zan San Nikolas eleizatik katedralera eta bertan ospatu zan mezea. Urtarrilaren 5ean egingo dira ospakizunak Bizkaiko lurraldeetan.
Urte amaierako meza Gaztelugatxeko San Joan ermitan
Gaztelugatxeko San Joan ermitaren zaintzaz arduratzen dan boluntarioen taldeak jakitera emon dauanez, arratsaldeko bostetan ospatuko da San Joan ermitan urte amaierako Eukaristia.
Hasiera emon jako Jubileuari, "gure inguruan daoan ona autortzeko aldiari", Bizkaian
Eguraldia lagun, Eleiza katolikoak hogeta bost urtez behin ospatzen dauan Urte Santu edo Jubileuari hasiera emon jako. On Joseba Segura gotzaina buru, prozesinoan joan dira San Nikolas eleizatik Santiago katedraleraino eta hemen Eukaritia ospatu da. Gotzainak, homilian, hauxe eskatu dau, besteak beste: urte berezi honek "fortalezca nuestra identidad como Iglesia diocesana y, al mismo tiempo, nos abra a la universalidad de la experiencia de la fe".
2024ko azken Astekoak
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Egunotan, alkartzeak, bisitak, musika, jaiotzak...
Egunotan, beste erritmo batera bizi gara, aspaldi ikusi bako lagunakaz alkartzen gara, baita senideakaz be, ospakizunak izaten dira parrokia eta taldeetan eta Gabon-aldiko hainbat ekitalditan parte hartzeko aukera izaten dogu, besteak beste, kontzertuetan eta jaiotzen erakusketetan. Hona hemen batzuen aitamena:
Rabateko kardinalaren berbaldia Bilbon
"Erlejino eta kultura aniztasunean bizilagun izan" goiburuaren haritik, saioa ospatuko da datorren urtarrilaren 11an, 10:00etatik 13:00era, Barria eraikinean (Plaza Barria, 4), Eleizbarrutiko Teologia eta Pastoraltza Institutuak (ETPI) antolatuta, Cristobal Lopez Romero Rabateko kardinal-artzapezpikuak gidatuta. Aldez aurretik, izena emotea komeni da, esteka honetan.
"Belengo Umea, zu zara mundu zoro honetako itxaropena"
Eguerdian, On Joseba Segura Bilboko gotzaina buru izan da Santiago katedralean ospatu dan Jaunaren jaiotzaren eguneko Eukaristian. Homilian azaldu dauanez, jaiotzaren ordez Gabonetako zuhaitzak, etenbarik kolorez aldatzen diran led-argiak eta Bizarzuriaren txanoak jarten dituan munduan, “guk sehaskaren apaltasunean jarraitu gura dogu. Hortxe, ezer gertatzen ez dala emoten dauan lekuan, dana gertatzen da".
Jaunaren jaiotzaren eguneko Eukaritia, zuzenean katedraletik
On Joseba Segura Bilboko gotzaina buru dala Santiago katedralean 12:00etan ospatuko dan Jaunaren jaiotzaren eguneko Eukaristiaren zuzeneko emonaldia.
Gabon on, Kongoko E.D.tik
Xabier Goikouria bizkaitar misiolariak 58 urte daroaz Kongoko Errepublika Demokratikoan. Urteak joan, urteak etorri, makina bat egitasmo jarri dau martxan, beti be egoera eskasenean dagozanak, zailtasun gehien dabenak, lehenetsiz. Xabier beti dago lanerako prest, dana emonez eta hemendik jasoten dauan laguntza guztia eskertuz. Bere esanetan, "atzealdearen laguntzagaz, aurraldeak aurrera egin leike. Ezinbesteko doguz zuen laguntza eta lankidetza". Xabierrek Gabon-zorionak bialdu deuskuz. Gaurko egunez argitaratuko doguz, Jaunaren jaiotzaren egun honetan gertuago sentitu daigun eta, ahal …
Prozesinoa Bilboko alde zaharretik inaugurazino ospakizunaren aurretik
Joan dan martitzenez, abenduak 24, Frantzisko aita santuak Mundu osoko Eleizak 2025ean ospatuko dauan Jubileu Urteari hasiera emon eutsan. Bihar -abenduak 29, domeka- lekuko Eleizetan emongo jako hasiera Urte Santuari. Bilboko Eleizbarrutian, Santiago katedralean izango da, On Joseba Segura gotzaina buru dala, eguerdiko 12:00etan. Aurretik, prozesinoa egingo da, 11:30etan San Nikolas eleizan hasi eta Jubileu tenplu dan Santiago katedraleraino. Zuzenean emongo da web honen bidez.