Barriak
Etiquetado como: Parrokiak
Bilboko eleiza bi klima-babeslekuen sarean
Gaur egun, Bilbon, 131 klima-babesleku dagoz. 65 barruko eremuak dira eta 66 kanpoko eremuak. Bilboko bizilagunen %96ak 300 metro ingurura dau holako bat eta %43ak 100 metro baino gitxiagora. Klima-babesleku honeen artean dagoz San Nikolas eta Joan Santuak eleizak, biak alde zaharrean.
Belaunaldiarteko eguna San Frantzisko Xabier alkartean
Atzo -ekainak 8, domeka- Bilboko San Frantzisko Xabier parrokiako alkartearen eguna ospatu zan.
250 lagun inguru batu zan Portugaleten, alkartearen egunean
Portugalete Pastoral Barrutiak "Vivir con esperanza. Itxaropenez bizi!" goiburuaren haritik ospatu eban atzo, Mendekoste egunez, alkartearen eguna, Andra Mari ikastetxean, 250 lagun baino gehiago batu zalarik.
Giro ona Santurtzi PBko topaketan
Zapatu arratsaldez, Santurtzi Pastoral Barrutiak (PB) alkartearen jaia ospatu eban. Mendekoste bezperako ospakizunagaz bat eginez, Santurtzin Eleizaren agerpena adierazoteko eta ospatzeko alkartu ziran. Orain dala egun batzuk gogoratu eben PBaren eraketaren lehenengo urteurrena eta topaketa honetan esker ona adieratzo dabe denporaldi honetako ibilbideagaitik.
Gernikako lehenengo jaunartzeetan 2.437 € batu dabez Kenyako haurtzaindegietarako
Gernikako parrokietan ospatu diran lehenengo jaunartzeetan batutako dirua monja marianitek Kenyako Kaikorren eta inguruko herrietan kudeatzen dabezan haurtzaindegietara bialduko da.
Otxarkoagako ikasleen berbaldia rally solidarioari buruz San Bizente eleizan
Eleizbarrutiko ikastetxeak batzen dituan EBI sarean dagoan Otxarkoaga ikastegiko ikasle eta irakasleek berbaldia eskainiko dabe bihar -ekainak 6, barikua-, 20:00etan, Abandoko San Bizente Martiria parrokiako 'Bengo leku' lokaletan. Marokon ospatzen dan UniRaid rally solidarioaren 2025eko ekitaldian bizi izandako esperientziak batera jarriko dabez.
Monja domingotarren Elorrioko komentuaren 325. urteurrena
Datorren zapatuz, maiatzak 11, monja domingotarren Elorrioko komentuaren 325. urteurrenagaitik eskerrak emoteko Meza ospatuko da 11:00etan. 1699an amaitu ziran eraikinaren eraikuntza-lanak eta Ermua herribilduko Santa margarita komentuko monjei aterpea emotea izan zan bere helburua. Monjen lekualdatzea, "Elorrioko familia pisudunen eskutik egin zana", 1700ean burutu zan.
Elguero auzoko eleizaren urteurrena
Joan dan zapatuz, maiatzak 24, Elguero auzoko Begoñako Andra Mari kaperaren 75. urteurrena gogoratu zan eguerdiko 12:00etan On Joseba Segura Bilboko gotzaina buru zala eta alkarteko abadeek alkar-meza emoten ebela ospatu zan Eukaristiagaz.
Elgueroko parrokiaren 75. urteurrena
Bilboko eleizbarrutiak bere sorreraren 75. urteurrena beteten dauan urte berean beteten ditu 75 urte Elguero auzoko Begoñako Andra Mari eleizak. Oroitzapenezko ekitaldi nagusia bihar, zapatua, izango da Elgueron, eguerdiko 12:00etan, On Joseba Segura gotzaina buru dala.
75. urteurreneko erakusketa ibiltaria, Barakaldon
"Oroitu, bizi, amets egin" erakusketak Bilboko eleizbarrutiaren 75 urteko historiako gertaera gogoangarriak jasoten ditu. Maiatzaren amaierara arte egongo da ikusgai Barakaldoko San Bizente Martiria parrokian, ordutegi honetan: 12:00etatik 13:30etara eta 18:00etatik 19:30etara. Zapatuz, BECen "Eleizea plazara" azokan izan zan erakusketak bederatzi panelen bidez egiten dau …
Liburuaren eta egile-eskubideen nazinoarteko eguna
Apirilaren 23an, irakurtzea zein ona dan gogoratzen jaku urtero, izan be, Marian Canton de Salazar Eleizbarrutiko Teologia eta Pastoraltza Institutuko (ETPI) liburutegiko arduradunak adieazo dauanez "porque el libro es ese objeto democrático que nos abre a otras vidas y otros horizontes, nos permite aprender de las vicisitudes de la historia y nos ayuda en la búsqueda de respuestas a nuestras preguntas. Frente a la lectura rápida, superficial (y tantas veces tendenciosa) de Internet y otras redes sociales, el libro nos interpela, nos hace pensar con calma, nos ayuda a construir …
Otxarkoaga ikastegiari emon deutsoe Arizmendiarrieta sarietako bat
Datorren astelehenez, apirilak 27, 2026ko Arizmendiarrieta sariak Bizkaia banatuko dira. Honeek dira aurtengo irabazleak: Biolan Microbiosensores, Walter Pack, Euskadiko Parke Teknologikoa, Otxarkoaga ikastegia eta Lantegi Batuak. Ekitaldia Deustuko Unibertsitateko CRAIn izango da eta, besteak beste, Juan Jose Etxeberria Deustuko Unibertsitateak, Amaia Arregi Bilboko jarduneko alkateak eta Juan Manuel Sinde Arizmendiarrieta Fundazinoko presidenteak berba egingo dabe.
Patxi Alvarez de los Mozos jesuitak gidatuko dau Komunitateen Batzordearen batzarra
Datorren zapatuz, apirilak 25, Bizkaiko Komunitateen Batzordearen batzar nagusia osptuko da goizeko 10:00etatik aurrera, "Kristau alkarteak danona dan etxearen jagole" goiburuaren haritik. Patxi Alvarez de los Mozos jesuitak gidatuko dau saioa eta 12:30etan ospatuko dan Eukaristiak emongo deutso amaiera jardunaldiari.
"Jazotakoa jaso" sarien zuzeneko emonaldia
Bilboko eleizbarrutiak osoko ekologiari buruzko alkarrizketa sustatzen dihardu gizarte mobimentuetan
Datorren eguenez, apirilak 24, mahai-ingurua ospatuko da Barrian (Plaza Barria, 4. Bilbao), Karitate eta Zuzentasunerako Ordezkaritzak eta Eleizbarrutiko Teologia eta Pastoraltza Institutuak (ETPI) antolatuta. “'Laudato Si’' gizarte mobimentuakaz hartu-emonean" goiburuaren haritik, zera landuko dabe: "zelan lotu Laudato Si’ entziklikaren proposamenak mobimentu eko sozialen jardunbide eta aldarrikapenakaz".
San Migel-Orozko eta Sestao Pastoral Barrutiak: Erromesaldia eta erretiroa
Apirilaren 18an, zapatuz, San Migel-Orozko Pastoral Barrutiko (PB) -San Migel, Arrigorriaga, Zaratamo, Ugao-Miraballes, Zeberio, Arrankudiaga, Zollo eta Orozko- 60 lagun inguru Burgosera peregrinazinoan joan zan. Beste alde batetik, Sestao Pastoral Barrutiak (PB) urteroko helduen erretiroa ospatu eban Berrizen.
Bihar, Markinatik, 'Jazotakoa jaso' sari-banaketa zuzenean
Bihar, Markinan, gazteen sormena eta ekologiaren aldeko konpromisoa agertzera emongo dira Markinan. Kultur Erakundeen Bilboko eleizbarrutiko Mahaiak antolatutako 'Jazotakoa jaso 2025-2026' lehiaketaren IX. ekitaldiko sariak banatuko dira. Kerman Lopez bikario nagusia buru dala eta Javi Onaindia eleizbarrutiko irratietako zuzendariak gidatuta ospatuko dan ekitaldi hau zuzenean jarraitu ahal izango da web honen bidez.
Lan barrien aurkezpena Liburuaren Egunaren bezperetan
Apirilaren 23an, Liburuaren Nazinoarteko Eguna ospatuko da eta, ohikoa danez, literaturari buruzko hainbat jarduera ospatuko da egun horren inguruan. Gaur, barikua, Ramon HIlario Rodriguezen "La Semana Santa de Barakaldo" liburua aurkeztuko da Barakaldon. XX. gizaldian Bizkaiko ererlijinotasun herrikoiaren adierazpenik esanguratsuena izan zanaren oroimen historikoa jasoten dau. Eguenean bertan, BIlboko ikastola baten filosofia-, historia-, psikologia- eta erlejino-irakasle dan Emilio Mañas Ruizen "El Santuario de Begoña (Bilbao) y el nacionalismo vasco en la Historia Contemporánea y …
Eleiz Museoko zuendariak Ondarearen Europako Jardunaldien aurreko zikloari hasiera emongo deutso
Urrian, Ondarearen Europako Jardunaldiak ospatuko dira Bizkaian, baina hilabete honetan bertan ospatuko da hareei lotutako ekitaldi bat. Bizkaiko Foru Aldundiak berbaldiak antolatu ditu jarduera prestatzeko eta lehenengoa apirilaren 21ean izango da Ondare aretoan, Raquel Cilla Lopez Artearen Historian doktore eta Bilboko eleizbarrutiko Eleiz Museoko zuzendariaren eskutik, 18:30etan eta ekitaldi irekian.
Apirilaren 26an, konpromisoa, otoitza, jaia eta oroimena lotuko dira
Apirilaren 26an, kristau bizitzaren askotariko alderdiak -gizarte konpromisoa, heziketa aisialdian, otoitza, alkarte ospakizuna eta oroimena- agertuko dabezan ekitaldiak ospatuko dira Bilboko eleizbarrutian. Egun horretan ospatuko dira, Gizalegezko Lanaren aldeko Eleizbarrutiko VI. Eguna, Gorka Deuna, bokazinoen aldeko otoitz-maratoiaren amaiera eta Gernikako bonbardaketaren urteurreneko ekitaldiak.