Barriak
Etiquetado como: Bakea
Ehun ume eta gaztetxok bakearen alde abestu dau
Norai alkarteak ekitaldi berezia ospatu eban joan dan zapatuz Deustuko unibertsitateko klaustroan 'Etorkizuna musikatan' gizarte-musika egitasmoari lotuta. Ehun eta hogei ume eta gaztetxok bat egin eben bakearen alde abesteko eta musika joteko. Miguel Angel Esnaola Ekumenismorako Eleizbarrutiko ordezkariak azaldu dauanez, "aukera bikaina izan zan, gainera, Giza …
Emakume ukrainar eta siriar errefuxiatuen lekukotasuna Zallan
Beste urte batez, Bakearen aldeko Munduko Otoitz Eguna dala-eta, eta Aita Santuak deituta, II. bikaritzako parrokiak batu egin dira, oraingoan Zallan, "Otoitz egin bakearen alde" ekitaldian. Hainbat urtetan ospatzen dihardue ekitaldi hau lurraldean, bakotxean leku baten. Aurton, Frantzisko aita santuak Bakearen aldeko Munduko 56. Egunerako idatzi dauan mezuak goiburu hau …
Bakearen aldeko otoitzaldia Gueñesen
Badira hamar urte Goi Enkarterriko alkarteak urteko azken barikuz bakearen aldeko ekitaldia ospatzen hasi ziranetik. Aurtengo hitzordua bihar dabe, 19:30etan, Gueñeseko Andra Mari parrokian.
Kontzertua Durangon, organo eta tenoreagaz
Gerardo Rifon eta Aitor Garitanok -organoa eta tenorea- kontzertu berezia eskainiko dabe gaur iluntzeko zortzietan Durangoko Santa Ana eleizan. "Arratsaldea Aquilino Amezua jaunagaz" izenburuaren harira, Purcell, Bach, Haendel, Rossini edo Morricone bezalako musikagileen lanak entzuteko aukera izango da.
“Fair Saturday” solidarioa Bizkaian
Azaroaren azken zapatuz, Black Friday dalakoaren biharamunean, Fair Saturday ospatzen da. Egun horretan, artea, kultura eta alkartasuna lehenesten dira gizartean. Askotariko kultur jarduerak garatuko dira gaur arratsaldez eta bihar gure inguruan. Tailerrak, kontzertuak, dantza, jaialdiak, erakusketak... Egitaraua osorik: hemen
Bizkaiko parrokien erdiak baino gehiagok Alkarkutxaren alkartasunari esker egiten dau aurrera
Alkarkutxaren 2024ko oroitza-txostenean azaldu danez, 131 parrokia, erdia baino gehiago, hartzaile garbi dira, "errenta gehiago daben" 127 parrokiek pastoralgintza "biztanleria baxu edo errenta baxuko inguruetan" garatzen dabenei laguntzea ahalbidetzen dauan sistemari esker. Arduradunen esanetan, 2024an 6,2 miloe euro mobidu ebazan mekanismo hau eleizbarrutiaren "sendotasuna" da.
Eleizbarrutiaren ordezkaritza Desgaitasuna daben Pertsonen Egunean
"Jesusen poztasunean bat eginda" goiburuaren harira, datorren abenduaren 3an ospatuko da Desgaitasuna daben Pertsonen Nazinoarteko Eguna. Hori dala-eta, datorren zapatuz, azaroak 29, Eukaristia ospatuko da Santiago katedralean, Kerman Lopez bikario nagusia buru dala, eta zuzenean emongo da web honen bidez.
Eleizbarrutiaren irudi korporatibo barria, 75. urteurrenaren ondare
75. urteurreneko oroitzapenezko ekitaldiak eta Jubileu Urtea amaituta, irudi korporatiboa finkatu egingo da, Jubileuko berariazko osagaiak (irudiak eta aingura) alde batera itzita. Baina logoak ez dau bere sena galtzen eta hasierako karga sinboliko berari eutsiko deutso. Koloretako mapa,k kurutzatutako erreken kurutzeak eta tipograbia elebidunak bizia, anitza dan eta Kristorengan batuta dagoan Eleizaren mezua helarazoko dabe aurrerantean be.
Eskuragarri da eleizbarrutiko seminarioaren Gabonetako jaiotza
Sortzez Garbiaren eguna barne hartzen dauan Abendualdian ohikoa danez, Bilboko Eleizbarrutiko Seminarioak laguntzeko aukera emon gura deutse eleiztarrei, oraingoan Gabonetako jaiotza salgai jarriz. Jaiotza hori 6 euroren truke eskuratu daiteke Begoñako basilikako dendan edo 94 424 38 97 telefonora deitu eta eskaria eginez.
Azaroko "Bizkaia isilik" bilkura
Gaur arratsaldez, "Bizkaia isilik" bilkurak egingo dira hainbat lekutan, migratzaileek jasaten abezan bidebako egoerak salatzeko. "Legegileei pertsona guztien eskubideak eta duintasuna errespetatu dagiezala eskatzen deutsegu". Bilkurak 19:30etan izango dira, Bilbon, Arriaga plazan; Portugaleten, Gregorio Uzkiano kalean; Barakaldon, Bide Onera plazan; Galdakaon, Iturriondo plazan; Durangon, Andra Mari eleizpean; Balmasedan, San Severino plazan; Getxon, Telletxe plazan (metroaren ondoan) eta Zornotzan, Herriko plazan.
Eleizbarrutiaren itxaropenezko mezua A25 erakunde-ekitaldian
Nerea Begoña eleizbarrutik ikastetxeen (EBI) arduradunak ordezkatu dau Bizkaiko Eleiza Bilboko udalak antolatutako erakunde-ekitaldian. Ekitaldiari amaiera emoteko, panel handi bat osotu dabe, partaideek itsatsitako berbakaz.Jubileuari eta askotariko eleiz erakundeek tratu txarrak jasaten dabezan emakumeei eskaintzen deutsen zerbitzuari lotutako zeinua izan da eta Bilboko eleizbarrutiak "Itxaropena-Esperantza" hitza jarri dau.
Ekialdeko ohikuneko ukrainar alkarte katolikoaren ospakizunak Trapagaranen
Ugarteko San Joan Bateatzailea parrokian (Trapagaran) egingo ditu bere ospakizunak ekialdeko ohikuneko ukrainar alkarte katolikoak. Joan dan domekaz, azaroak 23, ukrainar jatorriko alkarte greko-katolikoko 30 lagunek Jainkotiar Liturgia ospatu eban Bohdan abadea buru, eta Sergio Buiza I. eta II. bikaritzetako lurralde bikarioa lagun ebala.
Eleizbarrutiko ordezkaritza Misinoetarako ordezkari barrien batzarrean
Bihar eta etzi -azaroak 26 eta 27-, Misinoetarako ordezkarien, Aita Santuaren Misino Ekintzak (OMP) erakundeko zuzendarien eta langile barrien batzarra ospatuko da Madrilen, Misinoetarako eta Eleizakazko Lankidetzarako Gotzain Batzordeak eta Aita Santuaren Misino Ekintzak (OMP) antolatuta. Beste batzuetan lez, azken urtean izendatuako Misinoetarako eleizbarrutiko ordezkariak batuko dira, euren egiteko barriaren inguruko argibideak jaso dagiezan. Bilboko eleizbarrutitik, Manuel Heredia Misinoetarako Bilboko ordezkariak eta joan dan urrian Misinoetarako taldean sartu zan Jaione Lopezek parte …