Barriak
Etiquetado como: Parrokiak
37 lagunek amaitu dabe "Astero" teologiaren hastapenei buruzko ikastaroa
Urte bi eta erditan "Astero" teologiaren hastapenei buruzko ikastaroa egin eta euren ikasketak amaitu dabezan talde bietako kideei diplonak banatu jakezan atzo -domeka- Areetako Santa Ana eleizan. Guztira, 37 lagunek parte hartu dabe ikastaroan. Estrella Moreno Eleizbarrutiko Teologia eta Pastoraltza Institutuko (ETPI) zuzendariak eskura emon eutsezan diplomak, Fernando …
Harribide fundazinoaren aurkezpena Gernikan
Sendotza egingo daben Gernikaldeko taldearen eskutik, atzo -domeka-, Harribide fundazinoa aurkeztu zan Gernikaldea, Arteaga eta Gernikako San Bartolome-Mertzede parrokietan. Fundazinoaren helburuak eta eginkizunak ezagutzera emon ebezan, hau da, bizilekurik ez daben gazteei laguntza emon, heziketaren bidez lana eta egoiza aurkitzeko bidean jarriz. Hasieratik Harribide …
Gotzaina izango da buru bihar Algortako Berrerosle Santua parrokian ospatuko dan Eukaristian
Bihar -martxoak 3, domeka-, On Joseba Segura Eleizbarrutiko gotzaina buru izango da Algortako Berrerosle Santua parrokian 12:30etan ospatuko dan Eukaristian. Azken hilabeteotan, hainbat jarduera antolatu da bertan, bere 50. urteurrena ospatzeko.
Heziketarako saioa Zornotzan Alkartezainei buruz
Gaur goizean, alkartezainen inguruko heziketa-saioa ospatu da Zornotzan, IV-V bikaritzetarako. Estrella Moreno eta Esther Crespo Eleizbarrutiko Teologia eta Pastoraltza Institutuko kideek gidatu dabe 35 lagun bertan zirala ospatu dan saioa.
Garizuma-aldiko hainbat erretiro ospatuko da datorren asteburuan
Garizuma-aldiko asteotan, web orrialde honetan iragarri izan dogunez, askotariko batzarrak, berbaldiak eta erretiroak ospatzen dihardue Eleizbarrutian. Datorren asteburuan, Ekintza Katolikoko Langile Ermandadea (HOAC) eta Ekintza Katoliko Orokorra (EKO-ACG) mobimentuetako kideek alkarregaz ospatuko dabe erretiroa, zapatuz. 9:45etan hasita, Zorrotzako Mirarigilea parrokian. …
Sakramentu-kudeaketari eta datuen babesari buruzko ikastaroa
Nerea Basterretxea Eleizbarrutiko Notaritzako arduradunak eta Anabella Barroso Bizkaiko Eleizaren Historia Artxiboko (BEHA) zuzendariak sakramentu-kudeaketari eta datuen babesari buruzko ikastaroa emongo dabe martxoaren 9 eta 16an -zapatuz-. Euren esanetan, "barritasunak aurkeztuko doguz, plantilla barriak banatu eta zalantzak argitu eta kasu praktikoak ebatzi". Saio biak …
Garizuma-aldiko berbaldiak VI. bikaritzan
Galo Bilbao Begoñako Andra Mari Irakasleen Unibertsitate Eskolako irakasleak "Ze bihotz-barritze eskatzen deuskue garai honeek" gaiaren inguruan jardun eban atzo -martitzena- Zamudioko San Martin parrokian. Gaur, 19:30etan, Garizuma-aldiko eguaztenez garatuko dan berbaldi sailari emongo deutse hasiera Argia Fundazinoaren areto nagusian (Hirutasuna, 11, Algorta).
Garizuma-aldiko barikuetan, Kurutze-bidea Bilboko San Bizente parrokian
Gaur hasi eta Aste Santua amaitu arte, Nekaldiaren kofradiak Kurutze-bidea egingo dau Bilboko San Bizente Martiria parrokian, Garizuma-aldiko bariku guztietan, 18:30etan (18:00etako mezaren ostean).
Asteburuan, zine-foruma eta bidezko merkataritza Corpus Christi parrokian
Bilboko Corpus Christi parrokiako gaztek ekimen barri eta originalak garatzen dabez eta domeka honetarako be prestatu dabez jarduera bi: Hilaren hirugarren domekaz ohikoa danez, 12:00etako eta 13:00etko mezen aurretik eta ostetik bidezko merkataritzako produktuak salduko dabez eta arratsaldez pelikula ikusteko aukera izango da parrokiako areto nagusian, 18:15etan.
Otoitz eta alkartze eremuak Ermuan
Familia Pastoraltzarako Ermuko taldeak hainbat jarduera antolatu dau. Esate baterako bihar, otsailak 14, alkartzeko eremua atonduko da Santiago Apostolua parrokian, 10:00etatik 16:00ak arte, "Hitzordua Jesusegaz" izenburuagaz. Arduradunen esanetan, "otoitz egiteko eta gurtzeko eremua, lehenengo maite izan ginduzangaz alkartzeko aukera emongo deuskuna".
Kulturaren Bilboko eleizbarrutiko Oroitza-txostenaren jentaurreko aurkezpena
Datorren eguaztenez, azaroak 5, "Arimadun irudiak: kultur kontaketa barriak" ekitaldia ospatuko da Kultur Erakundeen Bilboko eleizbarrutiko Mahaiaren eskutik. Solasgune honetan batuko dira Lara Izagirre zinemagilea. Miguel Zugazaga Bilboko Arte Ederren Museoko zuzendaria eta Xabier Paya kultur kudeatzaile eta bertsolaria. Erakundeetako hainbat ordezkarik parte hartuko dau Kulturaren Oroitzapen-txostenaren aurkezpenaren haritik ospatuko dan ekitaldian, esate baterako, Ana Otaduik (Bizkaiko Batzar Nagusietako presidentea). Leixuri Arrizabalagak (Euskera, Kultura eta Kiroletarako foru …
Bizkaiko arkitektura-planorik zaharenak aurkitu dira
Bizkaiko, eta seguruenik Euskal Herriko arkitektura-planirik zaharrenak aurkitu dabez Zeberioko Olabarrietako Santo Tomas eleizan. Horixe emon dabe aditzera Eleiz Museotik Alkarren Barri aldizkariaren azaroko alerako idatzitako artikuluan. Bilboko eleizbarrutiko monumentuen katalogoan jasoten dan aurkikuntzetako bat da. Museoko talde batek altara-inguruko gela bateko horma baten marraztuta aurkitu ebazan planook. Ganga baten planoak dira, orain dala 450 urte egindakoak.
Aurkikuntza bat Alkarren Barri aldizkariaren azalean
Eleiz Museoko taldeak oraintsu Sopuertako eleiza baten hondakinen artean aurkitu dauan Jose Larrea eskultorearen irudia ikusi daiteke Alkarren Barri aldizkariaren azaroko alearen azalean. Hain zuen be, alkarrizketen sailean, Raquel Cilla Eleiz Museoko zuzendari barriari eta bere aurretik kargu horretan izan dan Juan Manuel G. Cembellini egindakoa nabarmentzen da.
"Scape room" pobretasunez jabetzeko
Ume eta gazteei eskeinitako sailean 'scape room' dalakoa prestatu dabe, misterioz betetako jokoa, gaztetxo eta gazteentzat (10-16 urte). Pobreen Munduko Egunari lotuta dago eta dei egiten jake gazteei aldaketaren protagonista izan daitezan eta pobretasunez jantzitako egoerei konpromiso handiagoz begiratu deieen. Lagungarriak: hemen.
Migratzaileen lekukotasunak "Gizatasunezko liburutegietan"
Atzo -urriak 30, eguena-, "Gizatasunezko liburutegiak" ekimenaren hirugarren ekitaldia ospatu zan Deustuko Unibertsitatean, Migrazinoetarako Bilboko eleizbarrutiko Mahaiak, Deustuko Unibertsitatearen laguntzagaz sustatuta. Hainbat herrialdetako pertsonen eta unibertsitateko gradu desbardinetan ikasten diharduen gazteen arteko solasaldiak ospatu ziran, "hartu-emonerako, entzuteko eta alkarrengandik ikasteko eremua ahalbidetuz".
Atzo, Bilbon, autorpenak eta urteurrena
Mariaren Leginoa mobimentuak 75 urte bete ditu Bilboko eleizbarrutian eta atzo ospatu eban urteurren hori Bilboko San Nikolas parrokian. Atzoko egunez, baita be, "Mufungaren Adiskideak" fundazinoak urteroko ekitaldia ospatu eban. Fundazinoak Kongoko Errepublika Demokratikoan garatzen diharduan egitasmoen barri emon eben Iñigo iriartek eta Jose Ignacio Iturmendik eta "Adiskide zintzoa" autorpena be banatu zan.
Gizakia Helbururen eguna bere 40. urteurrenean
Datorren domekaz, azaroak 2, eleizbarrutian gogoan izango dira mendekotasunen bat daben pertsonak, Proyecto Hombre Bizkaia-Fundación Gizakia dalakoaren alde egingo dan kanpainan. Ignacio Palacio zuzendariak aurkezpeneko gutunean azaldu dauanez, "aurtengo jardunaldia oso berezia da Proyecto Hombre Bizkaia erakundeak 40 urte bete ditualako. Lau hamarkada pertsonen alde konprometituta, entzute eraginkorra eta akonpainamendu sakona eskeiniz. Lau hamarkada zugaz bidelagun izanez, bizia sustatuz, etorkizuna eraikiz".
Eleizbarrutiak autorpena egingo deutse laikoen heziketan esku-hartu daben abadeei
Bilboko eleizbarrutiaren 75. urteurrena dala-eta, datorren barikuz, azaroak 7, omenaldia egingo jake heziketan jardun izan daben 75 urtetik gorako abadeei. Hain zuzen be, Bizkaiko Eleizan laikoen heziketan jardun izan dabenei autorpena egin gura jake. Deialdia irekia da, eta gura daben guztiek parte hartu leikie ospakizun berezi honetan.
Zapatuz, Derioko kanposantuan, Meza gotzaina buru dala eta kontzertu lirikoa
Datorren zapatuz, azaroak 1, Domu Santu eguna ospatuko dogu. On Joseba Segura gotzaina buru izango da Derioko kanposantuko kaperan eguerdiko 12:00etan ospatuko dan Eukaristian. Urte honetan hildako guztien gomuta berezia egingo da. Egun horretan, 8:00etatik 18:00etara egongo da zabalik kanposantua eta autortzak egingo dira 11:15etan hasita.
Kultura eta alkartasuna Bizkaiko Eleizaren egunean
Azaroaren 9an, Eleizbarrutiaren eguna ospatuko da. Egun horretan, Santiago katedralean ospatuko dan eleizkizunak amaiera emongo deutso Bilboko eleizbarrutiarentzat, bere sorreraren 75. urteurrena dala-eta, berezia izaten ari dan urteari. Egun horretan, gure historiagaitik esker ona adierazo eta Bizkaiko gizarteagazko konpromiso ebanjelizatzailea barrituko da. Egunotan, lurraldeko parrokiek argibideak jasoko dabez 2024ko pastoral eta ekonomia jarduerari buruz. Azken baten, egiazko eta ulertzeko moduko informazinoa eskainiko da lekuko Eleizaren bizitza eta egitekoaren inguruan, gardentasunez …