Barriak
Etiquetado como: Parrokiak
Rafael Aguirrek Jerusalemeko hasierako alkarteare bizitzari buruz hausnartuko dau datorren eguaztenez.
Bilboko San Frantzisko Xabier parrokiak (Juan Ajuriagerra, 42) hilero antolatzen dituan berbaldien barruan, etzi -otsailak 22, eguaztena-, 19:30etan, Rafael Aguirre abade eta Deustuko unibertsitateko katedradun erretiratuak Jerusalemeko hasierako alkarteko kristauen bizimoduaren inguruan gogoeta egiten dau, Apostoluen Eginak liburuan jasoten dana kontuan hartuta.
Ekonomia-gaietarako Batzordea eratu da Ermuan
Atzo -otsailak 19, domeka-, Ekonomia-gaietarako Batzorde barria aurkeztu zan Ermuan. Bertan izan zan Josemi Erdozain Eleizbarrutiko Ekonomoa. Honeek osatzen dabe Batzordea: Ana Gomez Rivas ekonomoak; Elena Alba Pelaez idazkari eta ekonomia-arloko arduradunak (bereizketa Eleizaren Doktrina Sozialaren argitan); Margarita Gonzalez diruzainak; Maria Jesus Hernandez eta Angel …
"Batzuetan, Eleizak eta gazteek hizkuntza desbardinak darabilguz eta ez dogu alkar ulertzen"
Atzo -martitzena- Toño Casado Salamancako abadeak jardun eban Bilboko Corpus Christi parrokian, "Jomuga dogun Eleiza" hitzaldi sailean. "Abian dan Eleizak batez be gazteenei eskaintzen deutse arreta" gaiari buruzko berbaldia eskaini eban. Hizlari bikaina izanda, hasiera-hasieratik erakarri eban jentearen arreta. Berba-jario ederraz, originaltasunez eta musikaz baliatuz …
Abesbatzen XLIX. Astearen erdia bete da
Otsailaren 6an hasi eta barikura arte -otsailak 17-, Bizkaiko Abesbatzen XLIX. astea ospatzen ari da Begoñako basilikan. Emonaldi guztiak 20:00etan dira eta sarrera doan da. Basilikan, gainera, argiztapen barria jarri dabe: 50 LED foku koadroetan.
Asteburuan, tonbola solidarioa Zaldibarren
Urte bitan ezin izan dabe egin Zaldibarko 'tonbola solidarioa' eta asteburu honetan -atzotik domekara arte- tonbolaren 42. ekitaldia ospatuko dabe. Antolatzaileen esanetan, "egitasmo hau behartsuenen aldeko lehentasunezko aukera gauzatzeko eta herriko misiolariei laguntzeko sortu zan". Urtean zehar, emakumeak joskintzan aritu izan dira aitatutako tonbola solidarioan …
80 lagun Portugalete Pastoral Barrutiko Batzar Nagusian
Joan dan eguaztenez, batzarra ospatu zan Portugaleteko Nazaret parrokian, Sergio Buiza lurraldeko bikarioa buru zala eta Pastoral Barrutiko (PB) pastoral eremu desbardinetako 80 lagun ingururen partaidetzagaz. Saioan, egitasmoari lotuta garatuko diran ekintzak aukeratu ziran. Belen Rodero Portugalete PBko ekipo ministerialeko kideak azaldu ebanez, "egitasmoa geure egiten …
Sexu-gehiegikerien prebentzinorako protokoloari buruzko saioa bihar, Zornotzan
Gaur, urtarrilak 21, 10:00etatik 13:30etara, sexu-gehiegikeriak prebenitzeko protokoloari buruzko saioa ospatuko da Zornotzako Andra Mari parrokiako lokaletan. Juli Moreno Adin Txikikoen Babes eta Sexu-gehiegikerien Prebentzinorako Bilboko Eleizbarrutiko kideak eta Txemi Santamaria Lagungoko kideak gidatuko dabe saioa.
Vicente Vide izango da urteko lehenengo hizlaria Corpus Christi parrokiako hitzaldi sailean
"Frantzisko Aita Santuak gura dauan Eleiza: Sinodo-seneko Eleizaren alde: alkartasuna, partaidetza eta misinoa", goiburuaren haritik jardungo dau Deustuko Unibertsitateko katedradun eta Zientzia Erlijiosoetarako Bilboko Goi Institutuko zuzendari dan Vicente Vide eleizbarrutiko abadeak Bilboko Corpus Christi parrokian, 19:30etan.
Luis Casado fraile agustindarra, "langile gogotsua, parrokian buru-belarri ibilten zana", hil da
Atzo hil zan Bilbon, bat-batean, A. Luis Casado Espinosa fraile agustindarra. Bere arimaren aldeko hileta-eleizkizuna bihar, urtarrilak 3, ospatuko da, 11:30etan, Bilboko Mendiko San Jose parrokian.
Emakume ukrainar eta siriar errefuxiatuen lekukotasuna Zallan
Beste urte batez, Bakearen aldeko Munduko Otoitz Eguna dala-eta, eta Aita Santuak deituta, II. bikaritzako parrokiak batu egin dira, oraingoan Zallan, "Otoitz egin bakearen alde" ekitaldian. Hainbat urtetan ospatzen dihardue ekitaldi hau lurraldean, bakotxean leku baten. Aurton, Frantzisko aita santuak Bakearen aldeko Munduko 56. Egunerako idatzi dauan mezuak goiburu hau …
Heziketa migrazinoari buruz Sestaon
"Migrazinoak eragindako dolua eta familia gatazkak" goiburuaren haritik, heziketa-saioa izan zan atzo Sestaon, Pastoral Barrutiak (PB) antolatuta.
Sestaoko Eleizak bost emakume omendu ditu
Sestao Pastoral Barrutiak (PB) autorpena egin eutsen zapatuz kristau alkarteko 5 emakumeri Eleizaren alde egin daben guztiagaitik, "erreferente izanik hainbat pastoral arlotan, euren lanaren bidez Jainkoarem maitasuna agertuz munduan".
"Itxaropena", Artxandapeko Garizumako berbaldietan nabarmenduko dan kontua
Artxandape Pastoral Barrutiak (PB) Garizumako berbaldi interesgarriak antolatu ditu. Bihar, martxoak 18, izango da lehenengoa eta guztiak Familia Santua parrokian (Erantsia) izango dira, martxoaren 18 eta 25ean eta apirilaren 1ean, 19:30etan.
Asteko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Manuel Heredia: "Misinoaz hitz egitea gure kristau izaeraren muinaz hitz egitea da"
Bihar ospatuko da Euskal Eleizbarrutietako Misinoen kanpaina, "La Misión: Compromiso y esperanza/Misioa: Eginbide eta itxaropena" goiburuaren haritik. Kanpaina dala-eta, astean alkarrizketa egin deutse Manuel Heredia Eleizbarrutietako Misinoetarako Bizkaiko ordezkariari, Mertxe Aguirre sustapen eta sentsibilizazinorako arduradunari eta kanpainan Hegoaldeko ahots lez parte hartzen diharduan Consuelo Pillajo ekuadortar monja marianitari Radio Popular-Herri Irratian. Alkarrizketa osorik: hemen.
Jose Bernardo Gonçanves da Silva abadea hil da: “Itxaropena karta eta isiluneen artean”
Atzo -eguena- hil zan Bilbon Jose Bernardo Gonçanves da Silva eleizbarrutiko abadea 98 urte ebazala. Bere arimaren aldeko hileta-eleizkizuna datorren martitzenez, martxoak 18, ospatuko da, 18:30etan Arizeko parrokian, non "Don Jok" 50 urte inguru emon ebazan.
"Gehiegikerien biktima bakarrak be larregi da. Nahiago neuke gurea lako batzorderik ez balego!"
Adin txikikoen babeserako eta sexu gehiegikerien prebentzinorako Bilboko eleizbarrutiko batzordeak 2024ko oroitza-txostena aurkeztu dau. Iazko apiriletik batzordeko presidente dan Jose Enrique Varasek zenbakien atzean aurkitu daitekezan askotariko errealitateak aitatu ditu alkarrizketa honetan. Izan be, bere esanetan, "kasu bakotxa berezia da eta beste hainbeste esan daiteke lagun bakotxaz. Banan-banan galdetzen deutsegu guk zer egin behar dogun eta noraino heldu gaitekezan". 2024an 7 txosten barri zabaldu dira eta aurreko 9 itxi.
Joxan Goikoetxea soinujolea, 'Carmelo Etxenagusia' ohorezko aitamenean
Martxoaren 20an ospatuko da 'Carmelo Etxenagusia' ohorezko aitamenaren IV. ekitaldia. BBK aretoan goizeko 11:00etan hasiko dan ekitaldian, honeek jasoko dabe ohorezko aitamena: Andoni Gerrikaetxebarria, Lontzo Zugazaga, Juan Vicente Gallastegi, Jose Luis Iza eta Jose Mari Rementeria (hil osteko aitamena) abadeek osotutako 'Euskal baliabideak' taldeak; Inmaculada Gallastegi eta Juan Maria Iraolagoitiak (hil osteko aitamena) eta Antonio Linaza abadeak. Joan gura daben guztiek parte hartu leikie, leku guztiak bete arte. Joxan Goikoetxea soinujoleak girotuko dau saioa. Izena emoteko: hemen.
Ume eta gazteen topaketa Galdakaon
IV. eta V. bikaritzetako gazteen mahaiak ume eta gazteen XIX. topaketa antolatu dau. Datorren domekan izango da Galdakaon eta batez be IV. eta V. bikaritzetako Pastoral Barrutietako (PB) eskautak batuko dira. Egun berean ospatuko dan Eleizbarrutietako Misinoen kanpaina izango da eguneko ardatzetako bat.
Izena emon gura dozu gazteen pazkoan?
"Bide egin, zerbitzatu, besarkatu eta itxaropena barritu" goiburuaren haritik, dei egiten jake eleizbarrutiko gaztetxo eta gazteei Pazkoa bizi eta ospatu daien. Antolatzaileen esanetan, "aukera ona da Pazko Hirurrena eleizbarrutiko beste hainbat pertsona eta taldekaz zentzuz eta sakontasunez bizitzeko".