Barriak
Etiquetado como: Parrokiak
Gaur eratuko da Areeta-Romo Pastoral Barrutia
Gaur, Areetako Mesedetako Ama parrokian, Areeta-Romo Pastoral Barrutiaren (PB) eratze kanonikoa ospatuko da. On Joseba Segura gotzaina izango da buru eleizkizun horretan eta PBtik dei egiten deutse eleiztarrei parte hartu daien, "gure kristau alkartearentzat egundoko garrantzia dauan gertaera" da-eta.
Caritasen eta parrokien aldeko kanpaina izango da kurtsoko lehenengoa
Irailaren 30ean, 'Goazen! 2023-24' kurtso hasierako ekitaldia ospatuko da Markinan. (Irailaren 4tik -astelehena- aurrera egin daitekez izen-emoteak web orrialde honetan). Gotzain Kontseiluak, aurreko urte bietan lez, baterako diru-batzea egitea proposatzen dau. Diru hori erdi bana banatuko da, Caritasen jarduerarako eta parrokietako gainerako beharrizanei aurre egiteko. …
Asteburuan, Algortako Berreroslearen urteurrena eta kulturarteko topaketa
Atzo -domeka-, esker oneko Eukaristia ospatu zan, Algortako Berreroslea eleizan lehenengo meza ospatu zala (1973.eko uztailak 21) berrogeta hamar urte beteten zirala-eta. Beste alde batetik, zapatuz, Orduñan, kulturarteko topaketa ospatu zan askotariko alkarte eta kulturarteko taldeetako 30 lagunen partaidetzagaz eta Laudato Si' entziklika ardaztzat hartuta.
Zurbaranbarriko Goiuriko Andra Mari eleizaren 50. urteurrena
Asteburuan, Bilboko Zurbaranbarriko Goiuriko Andra Mari parrokiak Urrezko Ezteguak ospatu ditu. Jardueraz beteta egon da asteburua eta, hasteko, zapatu goizez artisau-lanen azoka -marmeladak, egurrezko grabatuak...- egin zan, auzoko hainbat lekutan. Aldi berean, argazkien erakusketa jarri eben, Josune Larrakoetxea Fede-zabalkunde eta Katekesirako Artagan Pastoral Barrutiko …
Asteburuan, kurtso amaierak, sendotzak eta saria
On Joseba Segura Biboko gotzaina buru zala, barikuz, Maria Erregina eleizan ospatu zan eleizkizunean, Santutxu Pastoral Barrutiko (PB) eta 'Juventudes Marianas Vicencianas' (JMV) alkarteko taldeetako gazteek sendotza hartu eben. Zapatuz, San Anton eleizan, familien eukaristian, Alde Zaharra Pastoral Barrutiko (PB) jaunartze osteko taldeek kurtso amaiera ospatu eben.Atzo, …
Bihar, Barakaldon, azoka solidarioa "Deadar" taldearen eskutik
Barakaldo Pastoral Barrutiko (PB) parrokietako taldeetako gazteez osatutako 'Deadar' taldeak urteroko jaialdi solidarioa ospatuko dau bihar. Taldekideek azaldu dabenez, aurten ekitaldi desbardina izango da: "azoka solidarioa egingo dogu eta salmahaiak, bingoa, jatekoa, e.a., izango dira. Batu daiten diru guztia 'Cuadri del Hospi' alkartearen esku itziko da, gurasoen alkarte …
Asteburuko irudiak
Eleizbarrutian, maiatzean ospatzen dira Lehenengo Jaunartze gehienak. Horrezaz gainera, beste hainbat jarduera ospatu da asteburu honetan beste hainbat lekutan. Hona hemen batzuk nabarmenduta:
Eskauten urteurrena eta katekesiko jaia Portugaleten
Joan dan zapatuz, maiatzak 6, Portugaleteko Andra Mari eskaut taldeak 40. urteurrena ospatu dau. Egun berean, katekesiko umeek Lehenengo Jaunartzearen aurreko ekitaldian parte hartu dabe. Arrasto-jokoetan ibili dira, familia ospakizuna izan da eta datorren astetik aurrera Lehenengo Jaunartzea egingo dabenei kurutzeak banatu jakez.
Ermuan, umeek abituaz egiten dabe Lehenengo Jaunartzea
Joan dan asteburuan hasi ziran Lehenengo Jaunartzeak ospatzen Eleizbarrutiko hainbat lekutan. Ermuan, orain dala berrogeta hamar urte inguru hasitako ohiturari eutsiz, umeek abituaz egiten dabe Lehenengo Jaunartzea, jantziok urtez urte birziklatu eta berrerabili egiten dabezalarik. Atzo, maiatzak 7, hasi eta hilaren 27raino, Ermua, Elorrio eta Berrizko parrokietako60 …
Sestaoko familiak Larrabetzun eta erromesaldiak Gernika-Urdaibaitik Liebanara
Asteburuan, Sestaoko Pastoral Barrutiko (PB) familiak Larrabetzun alkartu dira. Beste alde batetik, Gernika-Urdaibaiko talde jentetsua erromes joan zan atzo Santo Domingo de Liebanara hainbat jarduera egitera eta eguraldi ederraz lagunduta. Gehiago jakiteko: hemen. Beste hainbat argazki: hemen. Gernikako taldea Arantzazura joango da erromes datorren uztailaren 18an.
Abadeen ospakizuneko argazkiak
Bizkaiko klausurako monjen batzarra Elorrion
Asteburuan, Hirutasun Txit Santuaren Eguna ospatuko dala-eta, klausurako ordenek "Pro Orantibus" euren eguna ospatuko dabe urtero lez. Horretarako, ekainaren 15ean, domekaz, Bizkaiko klausurako monjen bigarren batzarra ospatuko da monja domingotarren Elorrioko komentuan -lehenengoa iaz izan zan, Durangon-. Goizeko 11:30etan ospatuko da Eukaristia, Kerman Lopez bikario nagusia buru dala.
Ospakizuna abadetzari eskainitako bizitzengaitik
Bilboko eleizbarrutiko hainbat abadek euren abadegintzaren urteurrenak ospatu dabez. Horretarako, hiru ekitaldi nagusi ospatu dira: Bilboko semea dan Raimo Goyarrola Helsinkiko gotzainaren berbaldia; Eukaristia Begoñan, Bilboko gotzaina buru dala eta bihar Finlandiarako bidea hartuko dauan gotzaina partaide dala eta senide bazkaria.
Abadeen urteurrenak ospatzeko Eukaristia, zuzenean
Bilboko eleizbarrutiko hainbat abade eta frailek euren abadegintzaren urteurrena ospatuko dabe gaur. Goizean, Raimo Goyarrola Helsinkiko gotzainak berbaldia eskaini dau gogarte etxean. Bilboko gotzaina buru dala Eukaristia ospatuko da Begoñako basilikan eta zuzenean jarraitu dateke web honen bidez.
Gernikako Kaltzada egoitza izango da Gizarte Jubileuaren hurrengo gunea
Frantzisko Aita Santuak deitu eban Jubileua dala-eta. Bilboko eleizbarrutian Gizarte Jubileua ospatzen ari da martxoan hasita, bikaritzaz bikaritza hainbat egitasmo ezagutzera emoteko. Barakaldoko gizarte jantokira (I. bikaritza) egin zan erromesaldia lehenengo, gero, Durangoko Etxepelera (IV. bikaritza) eta, azkenik, Getxoko Argia fundazinora. Etzi -ekainak 14, zapatua-Gizarte Jubileua Gernikan (V. bikaritza) ospatuko da. Goizeko 10:30etan san Frantzisko parrokian ekitaldiari hasiera emon ondoren, bertaratutakoak erromesaldian joango dira Kaltzada egoitzaraino, bitarteko hau ezagutzeko. …
19 egunez egiteko 300 kilometroko ibilbidea planifikatzen
Atzo batzartu ziran BizkaiBira ekitaldiko 19 egunetako jarduerak koordinatuko dabezan eta laguntzaile-lanetan ibiliko diran pertsonak. Ez da erraza 302,05 kilometroko erromesaldia antolatzea. Ezinbestekoak dira logistika zehatza, dozenaka alkarteakazko koordinazinoa eta arlo espiritual, fisiko eta komunitarioa buztartuko dituan ikuspuntua. Bizkaiko bikaritzak zeharkatuko dituan ekitaldia eratu, lekuko alkarteakaz ibilbide eta jarduerak egiaztatu eta gaua emoteko lekuak eta logistika kudeatu ondoren, egunez egun antolakuntzan arituko diran boluntarioak alkar ezagutzeko eta zereginez jabetzeko …
Urteurrena, jaia eta errogatiba Urkiolan
Datorren barikuz, ekainak 13, Urkiolako alkartean bizi zan Antonio Madinabeitia azken misiolariaren heriotzaren urteurrena ospatuko da. Aurton, Felix Moreno eta bere emazte Kontxik, Abade-etxearen zaindariek gogoan izango dabe bizilagun izan eben Antonio.
Gau Zurian, katedraleko eleizpea musikaz blai
Datorren zapatu eta domekaz, Santiago katedraleko eleizpea musikaz beteko da 'Gau Zuria´ dala-eta. Bilbao, arte, diseinu eta teknologia bidezko sortze-lanez beteko da uribilduaren 725. urteurrena ospatzeko. Ekainaren 13an, eskusoinuen Bilboko orkestra sinfonikoak, Bilbao Argia Otxotea, Deustotarrak, Garaizarko Matsorriak taldeek eta iralabarriko san antonio Koralak jardungo dabe. Zapatuz, Bilboko Koral Alkarteak eta San Anton abesbatzak abestuko dabe. Emonaldiak 20:00etan hasiko dira egun bietan. Barruko ekitaldiak doan dira leku guztiak bete arte.
Eleizbarrutian Sinodorako talde barria eratu da
Bilboko eleizbarrutian sinodo-seneko Eleizari buruzko sinodorako taldea barritu egin da. Sinodoko azken agiria argitaratu ondoren, bertan jasotako argibideak garatzea eta sustatzea izango da bere egitekoa. Hainbat errealitatetako ordezkariak sartu dira taldean eta atzo batzartu ziran lehenengo aldiz. Bilboko gotzainak eskatuta, aurrerantzean be Idoia Perez de Mendiola izango da koordinatzailea, 2021ean Frantzisko aita santuak bultzatutako prozesuaren hasieratik egien diharduan lanari jarraipena emonez.
Helsinkiko gotzainak jardungo dau abadeen urteurreneko ekitaldian
Datorren eguenez, ekainak 12, Jesukristo gure Jaun eta Abade Nagusi eta Betierekoaren Egunez, abadegintzaren urteurrenak ospatuko dira. Aurton, 1965ean abade egin ziranek Diamantezko Ezteguak, 1975ean ordenatutakoek Urrezko Ezteguak eta 2000ean abade egindakoek Zidarrezko Ezteguak ospatuko dabez. Eukaristia -eurakaz bat egin gura daben guztientzat zabalik-, 12:30etan ospatuko da Begoñako basilikan.