Barriak
Etiquetado como: Parrokiak
Garizuma-aldiko barikuetan, Kurutze-bidea Bilboko San Bizente parrokian
Gaur hasi eta Aste Santua amaitu arte, Nekaldiaren kofradiak Kurutze-bidea egingo dau Bilboko San Bizente Martiria parrokian, Garizuma-aldiko bariku guztietan, 18:30etan (18:00etako mezaren ostean).
Asteburuan, zine-foruma eta bidezko merkataritza Corpus Christi parrokian
Bilboko Corpus Christi parrokiako gaztek ekimen barri eta originalak garatzen dabez eta domeka honetarako be prestatu dabez jarduera bi: Hilaren hirugarren domekaz ohikoa danez, 12:00etako eta 13:00etko mezen aurretik eta ostetik bidezko merkataritzako produktuak salduko dabez eta arratsaldez pelikula ikusteko aukera izango da parrokiako areto nagusian, 18:15etan.
Otoitz eta alkartze eremuak Ermuan
Familia Pastoraltzarako Ermuko taldeak hainbat jarduera antolatu dau. Esate baterako bihar, otsailak 14, alkartzeko eremua atonduko da Santiago Apostolua parrokian, 10:00etatik 16:00ak arte, "Hitzordua Jesusegaz" izenburuagaz. Arduradunen esanetan, "otoitz egiteko eta gurtzeko eremua, lehenengo maite izan ginduzangaz alkartzeko aukera emongo deuskuna".
Datorren domekaz, San Balendin eguna, Zeanurin
Orain dala 65 urte hasi ziran artea neurtzen Eleizondon (Zeanuri). Datorren domekaz, otsailak 18 -otsailaren 14aren hurrengo domeka-, San Balendin eguna ospatuko da. Ospakizun berezi eta maitea da eta Pietate ermitaren inguruan dagoan artearen neurketa da jarduera nagusia. Aurton, gainera, Nestor Basterretxearen kurutzearen aitamen berezia egingo da, Bermeoko artistaren …
Asteburuan, alkartasuna, omenaldia eta ekumenismoa
Asteburuan, jarduera ugari izan da Eleizbarrutian. Zapatuz, UPV-EHUko abesbatzak kontzertu solidarioa eskaini eban San Bizente Martiria parrokian, bekak Kongoko EDko emakumeentzat ekimenaren alde eta Gernikan omenaldia egin eutsen erretiroa hartu barri dauan Amaia Olaetari. Atzo, katedralean, Kristauen Batasunaren aldeko Otoitz Astearen barruan, eleizkizun ekumenikoa egin zan: …
Heziketa-batzarrak, erretiroak eta Gabon-kantak
Ermuan, Abendualdi honetan, heziketa-batzarrak ospatu dira eta baita alkartearentzako erretiroa be. Astrabuduan, EKO-ACG mobimentuko umeek eta gazteek Gabon-kanten urteroko jaialdian parte hartu eben. Gernikan, katekesiko ume eta familiek eta Kosnoaga aisialdirako taldeak baterako ospakizunean parte hartu eben.
Miguel Ramon Viguri, Corpus Christi parrokiako hitzaldi sailean
Abenduaren 12an, martitzenez, "Krisiaren aurrean, erantzuna, aldaketak eta... oinarrizkora!" hitzaldi saileko hirugarren berbaldia ospatuko da Corpus Christi parrokia eleizan (Maria Diaz de Haro, 17. Bis. Bilbao), 19:30etan. Miguel Ramon Viguri Deustuko Unibertsitateko GIzarte eta Giza Zientzien fakultateko irakaslea izango da hizlaria eta "Jainkoa krisian? Jainkoa eta …
Immigrazinoari buruzko lekukotasunak San Bizente parrokiako 'Bengo-lekun'
Gaur arratsaldeko 19:30etan hasita, "Etorkinak: immigrazinoari lotutako bost lekukotasun" saioa ospatuko da Abandoko San Bizente Martiria parrokiako 'Bengo-leku' lokaletan, abenduaren 18an ospatuko dan Etorkinaren Nazinoarteko Egunaren inguruan.
Durangoko Andra Mari basilikako eleizpea konpondu eta barriro zabaldu dabe
Egunotan, jente asko hurreratuko da Durangora "Durangoko Azokaren" 58. ekitaldira eta, bide batez, gura dabenek Andra Mari basilikako eleizpe zaharbarritua bisitatzeko aukera izango dabe. Hain zuzen be, eleizpe honetan ospatu ziran azokaren lehenengo ekitaldiak, abenduan ez ezik, azaroaren 1ean, Domu Santu egunez. Arkupeetan, azoka egiten zan zapatu goizez, eta 1965ean be …
Gernikaldeko Eleizaren batzar nagusia
Gernikaldea Pastoral Barrutiko (PB) Pastoral Batzordeak batzar nagusia ospatuko dau bere 10. urteurrena ospatzeko. Batzar nagusia zapatuz, abenduak 2, izango da, 11:00etatik aurrera, Gernikako Andra Mari parrokiako lokaletan. Batzarraren ostean, 12:00etan otoitzaldia egingo da Andra Mari parrokian eta 14:00etan, bazkaria izango da.
Otxarkoaga ikastegiari emon deutsoe Arizmendiarrieta sarietako bat
Datorren astelehenez, apirilak 27, 2026ko Arizmendiarrieta sariak Bizkaia banatuko dira. Honeek dira aurtengo irabazleak: Biolan Microbiosensores, Walter Pack, Euskadiko Parke Teknologikoa, Otxarkoaga ikastegia eta Lantegi Batuak. Ekitaldia Deustuko Unibertsitateko CRAIn izango da eta, besteak beste, Juan Jose Etxeberria Deustuko Unibertsitateak, Amaia Arregi Bilboko jarduneko alkateak eta Juan Manuel Sinde Arizmendiarrieta Fundazinoko presidenteak berba egingo dabe.
Patxi Alvarez de los Mozos jesuitak gidatuko dau Komunitateen Batzordearen batzarra
Datorren zapatuz, apirilak 25, Bizkaiko Komunitateen Batzordearen batzar nagusia osptuko da goizeko 10:00etatik aurrera, "Kristau alkarteak danona dan etxearen jagole" goiburuaren haritik. Patxi Alvarez de los Mozos jesuitak gidatuko dau saioa eta 12:30etan ospatuko dan Eukaristiak emongo deutso amaiera jardunaldiari.
"Jazotakoa jaso" sarien zuzeneko emonaldia
Bilboko eleizbarrutiak osoko ekologiari buruzko alkarrizketa sustatzen dihardu gizarte mobimentuetan
Datorren eguenez, apirilak 24, mahai-ingurua ospatuko da Barrian (Plaza Barria, 4. Bilbao), Karitate eta Zuzentasunerako Ordezkaritzak eta Eleizbarrutiko Teologia eta Pastoraltza Institutuak (ETPI) antolatuta. “'Laudato Si’' gizarte mobimentuakaz hartu-emonean" goiburuaren haritik, zera landuko dabe: "zelan lotu Laudato Si’ entziklikaren proposamenak mobimentu eko sozialen jardunbide eta aldarrikapenakaz".
San Migel-Orozko eta Sestao Pastoral Barrutiak: Erromesaldia eta erretiroa
Apirilaren 18an, zapatuz, San Migel-Orozko Pastoral Barrutiko (PB) -San Migel, Arrigorriaga, Zaratamo, Ugao-Miraballes, Zeberio, Arrankudiaga, Zollo eta Orozko- 60 lagun inguru Burgosera peregrinazinoan joan zan. Beste alde batetik, Sestao Pastoral Barrutiak (PB) urteroko helduen erretiroa ospatu eban Berrizen.
Bihar, Markinatik, 'Jazotakoa jaso' sari-banaketa zuzenean
Bihar, Markinan, gazteen sormena eta ekologiaren aldeko konpromisoa agertzera emongo dira Markinan. Kultur Erakundeen Bilboko eleizbarrutiko Mahaiak antolatutako 'Jazotakoa jaso 2025-2026' lehiaketaren IX. ekitaldiko sariak banatuko dira. Kerman Lopez bikario nagusia buru dala eta Javi Onaindia eleizbarrutiko irratietako zuzendariak gidatuta ospatuko dan ekitaldi hau zuzenean jarraitu ahal izango da web honen bidez.
Lan barrien aurkezpena Liburuaren Egunaren bezperetan
Apirilaren 23an, Liburuaren Nazinoarteko Eguna ospatuko da eta, ohikoa danez, literaturari buruzko hainbat jarduera ospatuko da egun horren inguruan. Gaur, barikua, Ramon HIlario Rodriguezen "La Semana Santa de Barakaldo" liburua aurkeztuko da Barakaldon. XX. gizaldian Bizkaiko ererlijinotasun herrikoiaren adierazpenik esanguratsuena izan zanaren oroimen historikoa jasoten dau. Eguenean bertan, BIlboko ikastola baten filosofia-, historia-, psikologia- eta erlejino-irakasle dan Emilio Mañas Ruizen "El Santuario de Begoña (Bilbao) y el nacionalismo vasco en la Historia Contemporánea y …
Eleiz Museoko zuendariak Ondarearen Europako Jardunaldien aurreko zikloari hasiera emongo deutso
Urrian, Ondarearen Europako Jardunaldiak ospatuko dira Bizkaian, baina hilabete honetan bertan ospatuko da hareei lotutako ekitaldi bat. Bizkaiko Foru Aldundiak berbaldiak antolatu ditu jarduera prestatzeko eta lehenengoa apirilaren 21ean izango da Ondare aretoan, Raquel Cilla Lopez Artearen Historian doktore eta Bilboko eleizbarrutiko Eleiz Museoko zuzendariaren eskutik, 18:30etan eta ekitaldi irekian.
Apirilaren 26an, konpromisoa, otoitza, jaia eta oroimena lotuko dira
Apirilaren 26an, kristau bizitzaren askotariko alderdiak -gizarte konpromisoa, heziketa aisialdian, otoitza, alkarte ospakizuna eta oroimena- agertuko dabezan ekitaldiak ospatuko dira Bilboko eleizbarrutian. Egun horretan ospatuko dira, Gizalegezko Lanaren aldeko Eleizbarrutiko VI. Eguna, Gorka Deuna, bokazinoen aldeko otoitz-maratoiaren amaiera eta Gernikako bonbardaketaren urteurreneko ekitaldiak.
Arteako Guadalupeko Andra Maria: Bizkaia eta Mexiko lotzen dituan maisulana
Arte eta debozinoaren aldetik egungoko balioa dauan artelana dago Eleiz Museoan: "Barroco novohispano" deitutakoan maisu izan zan Miguel Cabrerak 1754an margotutako Guadalupeko Andra Maria. Elexabitiako San Migel ermitatik (Artea) ekarri dabe Bizkaia eta Mexiko lotzen dituan ondarearen erakusle dan artelan hau eta laster egongo da ikusgai Bilboko Arte Ederren Museoan.